တမူး ကာကွယ်ရေးတပ်ဖွဲ့၏ မိုင်းနှင့် ထောင်ချောက် သင်တန်း ပထမအကြိမ် သင်တန်းဆင်း

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ



စစ်ကိုင်းတိုင်း၊ တမူးမြို့ ၊ ပြည်သူ့ကာကွယ်ရေးတပ်ဖွဲ့ တမူး (PDF Tamu) တပ်ရင်း(၂)၏ မိုင်းနှင့်ထောက်ချောက် သင်တန်း ပထမအကြိမ်သင်တန်းဆင်းပွဲကို နိုဝင်ဘာလ ၂၉ ရက်က ကျင်းပပြုလုပ်ခဲ့ကြောင်း သိရသည်။

“ကျွန်တော်တို့က လက်နက်အင်အားမမျှတဲ့ ရန်သူနဲ့ရင်ဆိုင်နေရတော့ လောလောဆယ် အထိအခိုက် အများဆုံးဖြစ်နိုင်တဲ့နည်းဖြစ်တဲ့ မိုင်းသင်တန်းလုပ်ရတာ ဖြစ်ပါတယ်”ဟု PDF Tamu တပ်ရင်း (၂)မှ တာဝန်ရှိသူတစ်ဦးက ပြောသည်။

ကာကွယ်ရေးတပ်ဖွဲ့အနေဖြင့် သင်တန်း လေးကြိမ်ပြုလုပ်ခဲ့ပြီးဖြစ်သော်လည်း မိုင်းနှင့် ထောက်ချောက် သင်တန်းမှာမူ ပထမဆုံးအကြိမ်ဖြစ်ကြောင်း သိရသည်။

ကာကွယ်ရေးတပ်ဖွဲ့အနေဖြင့် သင်တန်းများ အပါအဝင် အတတ်နိုင်ဆုံး ကြိုးစားပြင်ဆင်ခဲ့ကြကာ တိုက်ပွဲဝင်ရန် အဆင်သင့်ဖြစ်နေသော်လည်း လက်နက်တပ်ဆင်မှုတွင် အခက်အခဲရှိကြောင်း ၎င်းကဆိုသည်။

ယခုအချိန်တွင် ပြည်သူလူထုများမှာ အခက်အခဲပေါင်းများစွာနှင့် ကြုံတွေ့နေရသည်ကို နားလည်သော်လည်း စစ်အာဏာရှင် အမြစ်ဖြတ်ရေးအတွက် ကာကွယ်ရေး တပ်ဖွဲ့ဝင်များအား တတ်နိုင်သည့်ဘက်မှ ဝိုင်းဝန်းကူညီပေးကြရန် PDF Tamu တပ်ရင်း (၂)မှ တာဝန်ရှိသူက မေတ္တာရပ်ခံသည်။

နိုဝင်ဘာလ ၂၉ ရက်တွင် PDF Tamu တပ်ရင်း(၁) လက်အောက်ခံ တပ်ခွဲ(၃) ကျောင်းသားတပ်ဖွဲ့မှ တမူးမြို့ရှိ ချောင်းနက်ကြီး ရဲကင်းစခန်းအား ဝင်ရောက်တိုက်ခိုက်ရာ စစ်ကောင်စီတပ်ဖွဲ့ဝင် နှစ်ဦးသေဆုံးပြီး လက်နက်နှင့်ကျည်ဆန်များ သိမ်းဆည်းရရှိခဲ့သေးသည်။


****************************************************************
END / 251