မြန်မာဖက်မှ အဖိုးတန်မြေရှား သတ္တုများ တရုတ်ထံ ပြန်လည်တင်ပို့

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

နိုဝင်ဘာနှောင်းပိုင်းကစပြီး မြန်မာဖက်ကနေ ‘မြေရှားသတ္တု’ (Rare Earth) တွေ ပြန်လည်တင်ပို့နေပြီလို့ တရုတ်ကွန်မြူနစ်ပါတီ အာဘော်သတင်းစာ Global Times က ဒီကနေ့မှာ ရေးသားဖော်ပြပါတယ်။

တရုတ်နိုင်ငံအရှေ့ပိုင်း ကွက်ကျိုးမြို့က ကွန်မြူနစ်အစိုးရပိုင် မြေရှားသတ္တုကုမ္ပဏီရဲ့ မန်နေဂျာက မြန်မာနယ်စပ်မှာ သောင်တင်နေတဲ့ မြေရှားသတ္တုတွေ တရုတ်နိုင်ငံထဲဝင်လာပြီလို့ဆိုပါတယ်။ သောင်တင်နေတဲ့ မြေရှားသတ္တုပမာဏက တန် ၃ ထောင်ကနေ ​၄ ထောင်အထိရှိမယ်လို့လည်း သူက ပြောပါတယ်။

တရုတ်-မြန်မာနယ်စပ်ကို ကိုဗစ်ကပ်ရောဂါကြောင့် ပိတ်ထားတာ ၆ လလောက်ရှိနေပြီး ပြီးခဲ့တဲ့ရက်ပိုင်းကမှ ကုန်သွယ်ရေးအတွက် ပြန်ဖွင့်ပေးခဲ့တာ ဖြစ်ပါတယ်။

မြန်မာနိုင်ငံက ပြန်ဝင်လာတာကြောင့် တရုတ်နိုင်ငံမှာ မြင့်တက်နေတဲ့ မြေရှားသတ္တုဈေးဟာ ၁၀ ရာခိုင်နှုန်းကနေ ၂၀ ရာခိုင်နှုန်းအထိ လျော့ကျသွားနိုင်တယ်လို့ တရုတ်ပညာရှင်တွေက ခန့်မှန်းထားပါတယ်။

မြေရှားသတ္တုဟာ ဆက်သွယ်ရေး၊ ပို့ဆောင်ရေး၊ စစ်လက်နက်ပစ္စည်းထုတ်လုပ်ရေးအပါအဝင် နယ်ပယ်စုံမှာ အသုံးပြုလို့ရတဲ့ အဖိုးတန် သတ္တုတစ်မျိုးဖြစ်ပါတယ်။ တရုတ်ဟာ ကမ္ဘာ့မြေရှားသတ္တုလုပ်ငန်းကို ကြီးစိုးထားပြီး ထက်ဝက်လောက်ကို မြန်မာနိုင်ငံကနေ တင်သွင်းတာပါ။

မြန်မာနိုင်ငံမှာ မြေရှားသတ္တုဟာ ကချင်ပြည်နယ်လို ပဋိပက္ခဖြစ်ပွားရာဒေသတွေမှာ အဓိက တည်ရှိနေတာဖြစ်ပြီး မြန်မာစစ်တပ်နဲ့ လက်အောက်ခံ ပြည်သူစစ်အဖွဲ့တွေ၊ တိုင်းရင်းသား လက်နက်ကိုင်တွေက တူးဖော်ကာ တရုတ်နိုင်ငံဖက်ကို မှောင်ခို တင်သွင်းနေတာဖြစ်ပါတယ်။

မြေရှားသတ္တုရောင်းချမှုဟာ လူအခွင့်အရေးချိုးဖောက်မှု၊ ရာဇဝတ်မှုတွေကို အမြောက်အများ ကျူးလွန်နေတဲ့ မြန်မာစစ်တပ်ရဲ့ အဓိကဝင်ငွေရလမ်းတစ်ခုဖြစ်တဲ့အတွက် ဒါကို တားဆီးပိတ်ပင်ဖို့ နိုင်ငံတကာအသိုင်းအ၀ိုင်းကို လူ့အခွင့်အရေးအဖွဲ့တွေက တိုက်တွန်းထားပါတယ်။

****************************************************************
END / 251