လေးကေကော် မြို့သစ်တွင် စစ်ကောင်စီတပ် ကဝင်ရောက် စခန်းချ ရန် ပြင်ဆင်နေ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

ကရင်ပြည်နယ်၊ မြဝတီမြို့နယ်၊ လေးကေကော်မြို့သစ် ကေအန်ယူ တပ်မဟာ ၆ ထိန်းချုပ်နယ်မြေမှာ စစ်ကောင်စီတပ်တွေ ဝင်ရောက်ပြီးစခန်းချလှုပ်ရှားဖို့ ပြင်ဆင်လာတာရှိပေမယ့် လက်ရှိမှာ ခွင့်ပြုထားတာမရှိဘူးလို့ ဒီဇင်ဘာ ၁၃ ရက်က လေးကေကော်မြို့သစ် စစ်ဘေးရှောင်စခန်းတာဝန်ရှိသူက ဒီဗွီဘီကို အတည်ပြု ပြောပါတယ်။

စစ်ကောင်စီရဲ့ အမှတ် ၅၆၀ ခြေမြန်တပ်ရင်းက တပ်ဖွဲ့ဝင် အင်အား ၅၀ လောက်ဟာ ဒီနေ့ မွန်းလွဲပိုင်းမှာ လေးကေကော်မြို့သစ်ရဲ့ အမြောက်ကုန်းနေရာကို ဝင်ရောက်ပြီး စခန်းချလှုပ်ရှားဖို့ ပြင်ဆင်လာတဲ့အတွက် ခွင့်ပြုချက်စောင့်ဆိုင်းနေပြီး ဝင်ရောက်ခွင့် ခွင့်ပြုထားတာမရှိဘူးလို့ ဆိုပါတယ်။

လေးကေကော်မြို့သစ် စစ်ဘေးရှောင်စခန်း တာဝန်ရှိသူက“အင်အား ၅၀ လောက်ဟာ အမြောက်ကုန်းဘက်ကို တက်လာတာရှိတယ်။ နေ့ခင်းလောက်က တက်လာတယ်။ ကျနော်တို့ဆီမှာ လှမ်းပြီးတော့တောင်းတယ်။ ကျနော်တို့မြို့နယ်က ဝင်ခွင့်မပေးဘူး။ ဝင်ချင်တယ်ဆိုရင် ခရိုင်နဲ့ညှိလို့ ပြောထားတယ်”လို့ ပြောပါတယ်။

အောက်တိုဘာလက စတင်ပြီး စစ်ကောင်စီရဲ့ ခမရ ၅၆၀နဲ့ ခမရ ၂၇၅ တပ်ဖွဲ့ဝင်တွေဟာ မေတ္တာလင်းမြိုင်မှာ စခန်းချလှုပ်ရှားရာက အင်အားဖြည့်တင်းပြီး လေးကေကော်မြို့သစ်ဘက်ကို နယ်မြေကျော်ဝင်ရောက်လှုပ်ရှားဖို့ ပြင်ဆင်လာတာပါ။

အခုလို စစ်ကောင်စီရဲ့တပ်တွေ နယ်မြေကျော် ဝင်ရောက်လာတဲ့အတွက် ကေအန်ယူ ခရိုင်အဆင့်နဲ့ ပြေလည်မှုမရရှိခဲ့ရင် စစ်ဘေးရှောင်စခန်းအတွင်းမှာနေထိုင်တဲ့ ကရင်လူထုတွေကို ဘေးလွတ်ရာရွေ့ပြောင်းတာတွေ လုပ်ဆောင်သွားမယ်လို့ တာဝန်ရှိသူက ဆိုပါတယ်။

အကြမ်းဖက်စစ်ကောင်စီရဲ့ အမှတ် ၅၆၀ ခြေလျင်တပ်ရင်း ရှေ့တန်းစစ်ကြောင်းမှူး ဒုတိယဗိုလ်မှူးကြီး ထင်လင်းဇော် ဦးစီးတဲ့ တပ်ဖွဲ့ဝင် အင်အား ၄၀ လောက်ဟာ စစ်ဘေးရှောင်တွေရဲ့ နေအိမ်တွေကို မကြာခဏဆိုသလို ဝင်ရောက်ပြီး စစ်ဆေးမေးမြန်း ရှာဖွေတာတွေ ပြုလုပ်ခဲ့ပါတယ်။

စစ်အာဏာရှင်ဆန့်ကျင်တော်လှန်တဲ့ လူငယ်တွေကို စစ်တပ်က ဖမ်းဆီးပြီး စစ်ဆေးပေါ်ပေါက်ချက်အရ လေးကေကော်ကနေ လက်နက်ခဲယမ်းသယ်ဆောင်လာတယ်လို့ စွပ်စွဲကာ စစ်ဘေးရှောင်စခန်းအတွင်းကို မကြာခဏလာစစ်ဆေးနေတာဖြစ်ပါတယ်။

စခန်းတာဝန်ရှိသူကတော့ စစ်ကောင်စီတပ်တွေကို စစ်ဆေးခွင့် ခွင့်ပြုပေးခဲ့ပေမဲ့ အကန့်အသတ်နယ်မြေတွေကိုတော့ ဝင်ရောက်စစ်ဆေးခွင့် ခွင့်မပြုခဲ့ဘူးလို့ ပြောပါတယ်။

ကေအန်ယူထိန်းချုပ်နယ်မြေကို ခုလို စစ်ကောင်စီရဲ့တပ်တွေကျူးကျော်ဝင်ရောက်လာတဲ့အတွက် နှစ်ဘက်တွေ့ဆုံတိုက်ပွဲ ဖြစ်ပွားမှာကို စိုးရိမ်တယ်လို့  ဒေသခံတွေက ပြောပါတယ်။

****************************************************************
END / 251