မလေးရှားနိုင်ငံခြားရေးဝန်ကြီးက NUG နိုင်ငံခြားရေးဝန်ကြီးနှင့်တွေ့ဆုံ၊ မြန်မာပြည်သူများနှင့် အတူရပ်တည်ကြောင်းပြောကြား

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ




မလေးရှားနိုင်ငံခြားရေးဝန်ကြီး ဆိုင်ဖူဒင်အဗ္ဗဒူလာနဲ့ အမျိုးသားညီညွတ်ရေးအစိုးရ (NUG) နိုင်ငံခြားရေးဝန်ကြီး ဒေါ်ဇင်မာအောင်တို့ အမေရိကန်ပြည်ထောင်စု၊ ဝါရှင်တန်ဒီစီမှာ မေလ ၁၄ ရက်က တွေ့ဆုံခဲ့ပါတယ်။

ဒီလိုတွေ့ဆုံရာမှာ  မလေးရှားနိုင်ငံအနေနဲ့ မြန်မာပြည်သူတွေကို အားပေးထောက်ခံပြီး မြန်မာပြည်သူနဲ့အတူ သွေးစည်းညီညွတ်စွာရပ်တည်နေကြောင်းနဲ့  မြန်မာနိုင်ငံမှာ ဒီမိုကရေစီနဲ့ ငြိမ်းချမ်းရေးပြန်လည်ရအောင် အတူတကွလုပ်ဆောင်ဖို့ အသင့်ရှိတယ်ဆိုတာ အလေးထားပြောကြားခဲ့တယ်လို့ မလေးရှားနိုင်ငံခြားရေးဝန်ကြီးက သူ့ရဲ့ လူမှုကွန်ရက်မှာ ရေးထားပါတယ်။  

မလေးရှားနိုင်ငံခြားရေးဝန်ကြီးဟာ အမေရိကန်- အာဆီယံ အထူးထိပ်သီးအစည်းအဝေးနဲ့ ဆက်စပ် အစည်းအဝေးတွေတက်ရောက်ဖို့ ဝါရှင်တန်ဒီစီမှာ ရောက်ရှိနေတာဖြစ်ပြီး NUG ဝန်ကြီး ဒေါ်ဇင်မာအောင်ကတော့ အမေရိကန်နိုင်ငံခြားရေးဌာနရဲ့ တရားဝင်ဖိတ်ကြားချက်အရ  အမေရိကန်ပြည်ထောင်စုမှာ ရောက်ရှိနေတာဖြစ်ပါတယ်။

****************************************************************
END / 251