ရခိုင်ပြည်နယ်ရှိ အစ္စလာမ်များ နိုင်ငံသားရရှိရန် ယုံကြည်ကြောင်း တူရကီနိုင်ငံခြားရေးရာ ဝန်ကြီးဆို

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

စစ်တွေ၊ ဇွန် ၁၄ ရက် ။  ။ မြန်မာနိုင်ငံကို ချစ်ကြည်ရေးခရီးစဉ်အဖြစ်ရောက်ရှိနေတဲ့ တူရကီနိုင်ငံခြားရေးဝန်ကြီး မစ္စတာမာလက်ကာဘူတိုဂလူက သမ္မတဦးထင်ကျော်နဲ့ နိုင်ငံခြားရေး ဝန်ကြီး ဒေါ်အောင်ဆန်းစုကြည်တို့နဲ့ တွေ့ဆုံမှုအပြီးမှာ ရခိုင်ပြည်နယ်ကို ဇွန်လ ၁၃ ရက် ညနေ ၅ နာရီခွဲက ရောက်ရှိလာခဲ့ပါတယ်။

တူရီကီနိုင်ငံခြားရေးရာဝန်ကြီးဟာ မြို့ပေါ်ရှိ လှုမှုကယ်ဆယ်ရေးရုံး၊ နယ်စပ်ဒေသတိုင်းရင်းသား ဒေသ ဖွံဖြိုးရေးရုံးများကိုပါ ဝင်ရောက်ကြည့်ရူခဲ့ပြီး အောင်မင်္ဂလာရပ်ကွက်အတွင်းသို့ ဝင်ရောက်ကာ ဒေသခံပြည်သူတွေရဲ့ အခက်ခဲတွေကို မေးမြန်းခဲ့ပြီး အစ္စလမ်ဘာသာဝင် အရပ်ဘက်ခေါင်းဆောင်တွေနဲ့ တွေ့ဆုံခဲ့ပါတယ်။

တူရကီနိုင်ငံခြားရေးဝန်ကြီး မစ္စတာမာလက်ကာဘူတိုဂလူက အောင်မင်္ဂလာရပ်ကွက်အတွင်းမှာ ရှိတဲ့ အစ္စလာမ်ဘာသာဝင် ခေါင်းဆောင်တွေနဲ့ တွေ့ဆုံတဲ့အခါ ရခိုင်ပြည်နယ်ကို ပြန်လည်ထူထောင်ရာမှာ တူရကီ အစိုးရအနေနဲ့လည်း ကူညီသွားမယ်လို့ သူက ဆိုပါတယ်။

“တူရကီ အစိုးရအနေနဲ့ ရခိုင်ပြည်နယ်  ပြန်လည်ထူထောင်ရာမှာ ကူညီပေးသွားမှာပါ။ နိုင်ငံသားရရှိမှာကိုလည်း ကျွန်တော်ယုံကြည် ပါတယ်။ တူရကီနိုင်ငံအနေနဲ့လည်း ခွဲခြားဆက်ဆံမှုမရှိဘဲနဲ့ ပံ့ပိုးကူညီသွားမှာ ဖြစ်ပါတယ်”

တူရကီနိုင်ငံခြားရေးဝန်ကြီး မစ္စတာမာလက်ကာဘူတိုဂလူကနဲ့ တွေ့ဆုံဆွေးနွေးရာမှာ ဒေသခံ တစ်ဦးဖြစ်သူ ဦးရွှေလှကလည်း သူတို့တွေရဲ့အခက်ခဲကို ခုလိုပြောပြပါတယ်။

“ကျွန်တော်တို့ကို ဘယ်သူမှ အထောက်အပံ့ မလုပ်ပေးပါဘူး၊ NGO တွေဆီကလည်း ကူညီမှုတွေက ဒီကိုမရောက်ပါဘူး၊ ပြီးခဲ့တဲ့ နှစ်ကလည်း တူရကီက ကူညီပါတယ်။ နောင်ကိုလည်း ကူညီပါလို့ ဒေသခံလူထုတစ်ခုလုံးကိုယ်စား ကျွန်တော် မေတ္တာရပ်ခံပါတယ် “

တူရကီနိုင်ငံခြားရေးဝန်ကြီး မစ္စတာမာလက်ကာဘူတိုဂလူကဟာ ဒေသခံတွေနဲ့ ဆွေးနွေးမှုအပြီးမှာ အစ္စလမ်ဘုရားကျောင်း အတွင်း သီလ ယူခဲ့တယ်လို့ သိရပါတယ်။

တူရကီနိုင်ငံဟာ အစ္စလာမ်နိုင်ငံများ ပူးပေါင်းဆောင်ရွက်ရေးအဖွဲ့ (OIC) မှာလည်း ဦးဆောင်မှုအခန်းကဏ္ဍကနေ တာဝန်ယူထားပါတယ်။ တူရကီနိုင်ငံရဲ့ လက်ရှိ သမ္မတ Recep Tayyip Erdoğan ဟာ OIC ရဲ့ ဥက္ကဋ္ဌလည်းဖြစ်ပါတယ်။


===================
251 / End