အီရန်က ဂျော်ဒန်ရှိ အမေရိကန် ခေတ်မီ ရေဒါစနစ်ကို ဖျက်ဆီးခဲ့ကြောင်း CNN အတည်ပြု

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

Mehr သတင်းဌာန၏ အစီရင်ခံစာအရ CNN ၏ စုံစမ်းစစ်ဆေးမှုအသစ်တွင် အီရန်သည် အမေရိကန်နှင့် အစ္စရေး တို့၏ ပူးတွဲတိုက်ခိုက်မှုများကို တုံ့ပြန်သည့် လက်တုံ့ပြန်တိုက်ခိုက်မှုများအတွင်း ဂျော်ဒန်တွင် တပ်ဆင်ထားသော အမေရိကန်၏ ခေတ်မီ ရေဒါစနစ်တစ်ခုကို ဖျက်ဆီးခဲ့ကြောင်း ဖော်ပြထားပါတယ်။

အစီရင်ခံစာအရ ယင်းတိုက်ခိုက်မှုများသည် ဒေသအတွင်း ရန်သူ၏ ကာကွယ်ရေးစနစ်များကို အားနည်းစေရန် အီရန်၏ မဟာဗျူဟာ၏ တစ်စိတ်တစ်ပိုင်းဖြစ်ကြောင်း သိရပါတယ်။

ဂျော်ဒန်ရှိ အမေရိကန် လေတပ်အခြေစိုက်စခန်းတွင် THAAD ရေဒါ ပျက်စီး

ဖေဖော်ဝါရီ ၁၂ ရက်တွင် ရိုက်ကူးခဲ့သော ဂြိုလ်တုဓာတ်ပုံများအရ ဂျော်ဒန်ရှိ အမေရိကန် စစ်တပ်၏ Muwaffaq Salti လေတပ်အခြေစိုက်စခန်းတွင် တပ်ဆင်ထားသော THAAD ကာကွယ်ရေးစနစ်၏ ရေဒါကို ပစ်မှတ် ထားတိုက်ခိုက်ခဲ့ပြီး လုံးဝ ဖျက်ဆီးသွားခဲ့ကြောင်းသိရှိရပါတယ်။

ယင်းအခြေစိုက်စခန်းသည် အီရန်နယ်စပ်မှ ကီလိုမီတာ ၈၀၀ ကျော်အကွာတွင် တည်ရှိပါတယ်။

ပျက်စီးသွားသော THAAD ရေဒါသည် ရန်သူ၏ ဘဲလစ်စတစ် မစ်ဆိုင်းများကို ကောင်းကင်တွင် ရှာဖွေတွေ့ရှိခြင်း၊ လိုက်လံခြေရာခံခြင်းနှင့် ဖျက်ချပစ်နိုင်ရန် ဒီဇိုင်းထုတ်ထားသော ကာကွယ်ရေးစနစ်၏ အရေးကြီးသော အစိတ်အပိုင်းတစ်ခု ဖြစ်ပါတယ်။

ဤရေဒါပျက်စီးမှုကြောင့် ယင်းခေတ်မီ မစ်ဆိုင်းကာကွယ်ရေးစနစ်၏ ရန်သူမစ်ဆိုင်းများကို သတ်မှတ်၊ ခြေရာခံပြီး ပစ်မှတ်မှ လွဲချော်စေရန် လုပ်ဆောင်နိုင်သည့် စွမ်းရည်ကို အလွန်အမင်း လျော့နည်းစေခဲ့ပါတယ်။

အမေရိကန်၏ ၂၀၂၅ ဘဏ္ဍာရေးနှစ် မစ်ဆိုင်းကာကွယ်ရေးအေဂျင်စီ ဘတ်ဂျက်အရ ယင်းစနစ်၏ တန်ဖိုးမှာ အမေရိကန်ဒေါ်လာ သန်း ၅၀၀ ကျော် ဖြစ်ပါတယ်။

ယူအေအီးရှိ ရေဒါစနစ်များကို တိုက်ခိုက်မှု

CNN ၏ ဂြိုလ်တုဓာတ်ပုံများကို ခွဲခြမ်းစိတ်ဖြာမှုအရ အနည်းဆုံး နေရာနှစ်ခုတွင် ယူနိုက်တက် အာရပ်အီမီရိတ် တွင် ရေဒါစနစ်များ ပါဝင်သည့် အဆောက်အအုံများကို ပစ်မှတ်ထားတိုက်ခိုက်ခဲ့ကြောင်းလည်း ဖော်ပြထား ပါတယ်။

သို့သော် ယင်းတိုက်ခိုက်မှုများကြောင့် အဆောက်အအုံအတွင်းရှိ စက်ပစ္စည်းများ ပျက်စီးမှု ရှိ၊ မရှိကို ယခုအချိန် အထိ အတိအကျ မသိရသေးကြောင်း ဆိုထားပါတယ်။

ပျက်စီးဆုံးရှုံးမှုအပေါ် စစ်ရေးကျွမ်းကျင်သူများ၏ အကဲဖြတ်ချက်

စစ်ရေးကျွမ်းကျင်သူများက ရေဒါပျက်စီးသွားခြင်းသည် THAAD စနစ်ကို လုံးဝ အသုံးမပြုနိုင်အောင် မလုပ်နိုင်သော်လည်း၊ စနစ်၏ လုပ်ဆောင်နိုင်စွမ်းကို အလွန်အမင်း လျော့နည်းစေသည်ဟု ဆိုကြပါတယ်။ အခြား စကားဖြင့်ဆိုရလျှင် ရေဒါမရှိပါက စနစ်သည် ယခင်ကဲ့သို့ အပြည့်အဝ ထိရောက်မှု မပြနိုင်ကြောင်း ဖြစ်ပါတယ်။

ပင်တာဂွန်နှင့် ယူအေအီး၏ တုံ့ပြန်ချက်

CNN ၏ မှတ်ချက်တောင်းခံမှုကို တုံ့ပြန်ရာတွင် ပင်တာဂွန်ပြောရေးဆိုခွင့်ရှိသူက လုပ်ငန်းဆိုင်ရာ လုံခြုံရေး အကြောင်းကြောင့် အထူးစွမ်းရည်များအကြောင်း မပြောနိုင်ကြောင်း ပြောကြားခဲ့ပါတယ်။

ယူနိုက်တက်အာရပ်အီမီရိတ် အစိုးရကလည်း မည်သည့် ဖြစ်နိုင်ချေရှိသော ခြိမ်းခြောက်မှုကိုမဆို ရင်ဆိုင်ရန် အပြည့်အဝ ပြင်ဆင်ထားပြီး လက်နက်ကိရိယာများဖြင့် တပ်ဆင်ထားကြောင်း ကြေညာချက် ထုတ်ပြန်ခဲ့ ပါ တယ်။

++++++++++++++++++++++++++++++++++++++++++++++++++

END / 251