အရှေ့အလယ်ပိုင်းဒေသတွင် စစ်ပွဲကြောင့် လေယာဉ်ခရီးစဉ် ၅၂၀၀၀ ကျော် ဖျက်သိမ်း

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

Mehr သတင်းဌာန၏ အစီရင်ခံစာအရ အီရန်ကို ရည်ရွယ်သည့် အမေရိကန်နှင့် ဇီယွန်နစ် တရားမဝင် တိုက်ခိုက်မှု စတင်ခဲ့ သည်မှာ နှစ်ပတ်ကျော် ကြာမြင့်လာပြီးဖြစ်ပါတယ်။ ဤအခြေအနေကြောင့် ကမ္ဘာ့လေ ကြောင်းလုပ် ငန်းသည် ယခုအခါတွင် မတွေ့ရသလောက် အကြီးမားဆုံး အကျပ်အတည်းတစ်ခုကို ရင်ဆိုင် နေရ ပါတယ်။

လေကြောင်းဆိုင်ရာ ခွဲခြမ်းစိတ်ဖြာမှုကုမ္ပဏီ Cirium ၏ နောက်ဆုံးထုတ် အချက်အလက်များအရ ထိုတိုက်ခိုက်မှု စတင်ပြီးနောက်မှ ယခုအချိန်ထိ အရှေ့အလယ်ပိုင်းဒေသသို့ စီစဉ်ထားသော လေယာဉ်ခရီးစဉ် ၉၈၀၀၀ ခန့်အနက် ၅၂၀၀၀ ကျော်ကို ဖျက်သိမ်းခဲ့ရကြောင်း ဖြစ်ပါတယ်။

ခန့်မှန်းချက်များအရ ဤကျယ်ပြန့်သော အကျပ်အတည်းကြောင့် ကမ္ဘာတစ်ဝန်းတွင် ခရီးသည် သန်း ၆၀ ခန့် ထိခိုက်နစ်နာခဲ့ကြပါတယ်။

အီရန်၊ အီရတ်၊ ပါလက်စတိုင်း ၊ ကာတာ၊ ယူအေအီး၊ ဘာရိန်း နှင့် ကူဝိတ် စသည့်နိုင်ငံများ၏ လေကြောင်း ပိုင်နက်များကို ပိတ်ထားခြင်း သို့မဟုတ် ကန့်သတ်ထားခြင်းကြောင့် နိုင်ငံတကာ လေကြောင်း လိုင်းများ အများအပြားသည် ထိုလမ်းကြောင်းများပေါ်ရှိ လေယာဉ်ခရီးစဉ်များကို ဖျက်သိမ်းလိုက်ကြပြီး၊ အချို့ကိုတော့ ပိုမိုရှည်လျားသည့် လမ်းကြောင်းများသို့ ပြောင်းလဲပြေးဆွဲနေရပါတယ်။

လေကြောင်းလုပ်ငန်းဆိုင်ရာ ကျွမ်းကျင်သူများ၏ အဆိုအရ လမ်းကြောင်းများ ပြောင်းလဲသွားခြင်းကြောင့် ပျံသန်းချိန် ပိုမိုကြာမြင့်လာခြင်းနှင့် လောင်စာဆီကုန်ကျစရိတ် မြင့်တက်လာခြင်းတို့ ဖြစ်ပေါ်လာပြီး၊ ထို့အပြင် နိုင်ငံတကာ လေယာဉ်ခရီးစဉ်များ၏ ကွန်ယက်နှင့် လေကြောင်းလိုင်းများ၏ လုပ်ငန်းဆောင်ရွက်မှု အစီအစဉ်များ တွင်လည်း ကျယ်ပြန့်သော အနှောင့်အယှက်များ ဖြစ်ပေါ်လာခဲ့ကြောင်း သိရပါတယ်။

++++++++++++++++++++++++++++++++++++++++++++++++++

END / 251