ဟန်ဇလာ ဆိုက်ဘာအုပ်စုက အစ္စရေး၏ အလွန်လျှို့ဝှက်ထားသည့် လုံခြုံရေးဆိုင်ရာ အချက်အလက်များ ကို ဖော်ထုတ် ခဲ့ကြောင်း ကြေညာခဲ့

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

Farsnews သတင်းဌာန ၏ အစီရင်ခံစာ အရ ဟန်ဇလာ ဆိုက်ဘာအုပ်စုက ယနေ့မတ်လ ၁၇ ရက်နေ့ တွင် အစ္စရေး၏ သတင်းအချက် အလက်နှင့် လုံခြုံရေးစနစ်အတွင်းရှိ အလွန်လျှို့ဝှက်ထားသည့် လုံခြုံရေးဆိုင်ရာ အချက်အလက်များ ထဲမှ တစ်ခု၏ ဖော်ထုတ် နိုင်ခဲ့ကြောင်း ရှုပ်ထွေး သည့် လုပ်ဆောင်မှုတစ်ခုအတွင်း ကျွန်ုပ်တို့ သည် မော့ဆာဒ် (Mossad) ၏ ယခင် ဘတ်ဂျက်ဒါရိုက်တာဖြစ်သူနှင့် လက်ရှိ အစ္စရေး အမျိုးသားလုံခြုံရေး အင်စတီကျူးရှင်၏ အကြီးတန်း ဘဏ္ဍာရေးအရာရှိဖြစ်သူ အီလန် စတိုင်နာ (Ilan Steiner) ၏ အီးမေးလ် စနစ်များနှင့် လျှို့ဝှက်ဒေတာများထဲသို့ ဝင်ရောက်နိုင်ခဲ့ကြောင်း ယခုအခါ ထိုလျှို့ဝှက်စာရွက်စာတမ်းများ၏ အရေးပါသည့် အစိတ်အပိုင်းများကို ထုတ်ဖော်ထားပြီး ဖြစ်ကြောင်း ကြေညာခဲ့ပါတယ်။

ယခု ကျွန်ုပ်တို့လက်ထဲတွင် ရှိနေသော အီးမေးလ်များနှင့် လျှို့ဝှက်စာရွက်စာတမ်းပေါင်း ၅၀၀၀၀ ကျော်သည် ဒေသတစ် လျှောက်လုံးရှိ မော့ဆာဒ်၏ လျှို့ဝှက်သုတေသနများ၊ ခွဲခြမ်းစိတ်ဖြာရေးစီမံကိန်းများနှင့် မဟာ ဗျူဟာ ရေးဆွဲမှုများကို အပြည့်အဝ ထုတ်ဖော်ပြသနေကြောင်း  ဤအင်စတီကျူးရှင်၏ သတင်းအချက် အလက် စုဆောင်းမှု၊ ဒေတာခွဲခြမ်းစိတ်ဖြာမှုနှင့် အမြင့်မားဆုံး လျှို့ဝှက် လုပ်ဆောင်မှုများနှင့် နိုင်ငံရေး ဆုံးဖြတ်ချက်များ အတွက် အသုံးပြုသည့် အစီရင်ခံစာများ ပြုစုတင်ပြရာတွင် ပါဝင်သော အရေးပါသည့် အခန်းကဏ္ဍကို ယခုအခါ လူအားလုံး သိမြင်နိုင်ပြီ ဖြစ်ကြောင်း ဟန်ဇလာ ဆိုက်ဘာအုပ်စုက ဆိုထားပါတယ်။

ထိုဖိုင်များတွင် မော့ဆာဒ်၏ လျှို့ဝှက်စီမံကိန်းများစွာ၏ ဘဏ္ဍာရေးနှင့် လုပ်ငန်းဆောင်ရွက်မှု အသေး စိတ်အချက် အလက်များ ပါဝင်နေပြီး၊ သွယ်ဝိုက်ဝင်ရောက်သည့် အဖွဲ့များနှင့် မတည်မငြိမ်ဖြစ်စေသည့် အကြောင်း အရာများကို ထောက်ပံ့ ပေးခြင်းမှစ၍ ဆက်စပ်မီဒီယာကွန်ယက်များနှင့် ပြောကြားရေး လှုပ်ရှားမှု များ  ကို အထောက်အပံ့ပေးခြင်းအထိ အချက်အလက်များကို ဖော်ပြထားပါတယ်။

ဇီယွန်နစ် ထောက်ပံ့သူများ၏ အထောက်အပံ့အရင်းအမြစ်များ၊ ငွေကြေးလွှဲပြောင်းသည့် လမ်းကြောင်းများနှင့် ဒေသတစ်လျှောက် မတည်မငြိမ်မှုများနှင့် ပဋိပက္ခများ ဖန်တီးရန် မြေပြင် သုတေသနများကို ညှိနှိုင်း ဆောင်ရွက်ရာတွင် အသုံးပြုသည့် ရှုပ်ထွေးသော နည်းလမ်းများကိုလည်း ယခုအခါ မည်သည့်ဆင်ဆာမှ မရှိဘဲ ကမ္ဘာလုံးဆိုင်ရာ လူထုရှေ့တွင် ထုတ်ဖော်ပြသထားပြီးဖြစ်ပါတယ်။

စတိုင်နာသည် မော့ဆာဒ်၏ သုတေသနနှင့် လုပ်ငန်းဆောင်ရွက်မှု အစီအစဉ်များကို အကောင်အထည်ဖော်ရန် လိုအပ်သော အရင်းအမြစ်များကို ပံ့ပိုးပေးရာတွင် အရေးပါသော ပုဂ္ဂိုလ်တစ်ဦးဖြစ်ပါတယ်။ သူသည် ထိုလျှို့ဝှက် လုပ်ဆောင်မှုများ၏ “လျှို့ဝှက် ဘဏ္ဍာရေးထိန်းချုပ်သူ” အဖြစ် ဆောင်ရွက်နေပြီး ဒေသတစ်လျှောက် သတင်းအချက်အလက်ဆိုင်ရာ လှုပ်ရှားမှုများအတွက် ဘတ်ဂျက်များကို စီမံခန့်ခွဲရာတွင် အဓိက အခန်းကဏ္ဍ ထမ်းဆောင်နေသူဖြစ်ပါတယ်။

ဤကဲ့သို့ မကြုံစဖူး ဒေတာထုတ်ဖော်မှုသည် အစ္စရေး၏ လုံခြုံရေးနှင့် သတင်းအချက်အလက် “စစ်တုရင် ကစားပွဲ” ကို ထိခိုက်စေခဲ့ပြီး၊ တဲလ်အဗစ်ရှိ ခေါင်းဆောင်များနှင့် ၎င်းတို့၏ ထောက်ခံသူများအကြား ရှုပ်ထွေးမှု၊ ကြောက်ရွံ့မှုနှင့် မယုံကြည်မှုများကို ဖြစ်ပေါ်စေခဲ့ပါတယ်။ ယခုအခါ ကမ္ဘာတစ်ဝှမ်းရှိ မီဒီယာများနှင့် လူထုသည် အစ္စရေး၏ လုံခြုံရေးဆိုင်ရာ ဆုံးဖြတ်ချက်များနှင့် လျှို့ဝှက် လုပ်ဆောင်မှုများနောက်ကွယ်ရှိ အမှန်တရားများကို သိရှိနေကြပြီးဖြစ်ပါတယ်။

ဤသည်မှာ စတင်မှုသာဖြစ်ပါတယ်။ ထုတ်ဖော်လာသော စာရွက်စာတမ်းတိုင်းသည် ဒေသနိုင်ငံများ၏ ရန်သူများ၏ အမှန်တကယ် မျက်နှာကို ဖော်ထုတ်ရန်နှင့် ကမ္ဘာကြီးအား တာဝန်ယူမှုရှိစေရန် တောင်းဆိုရန် အဆင့် တစ်ခုဖြစ်လာပါတယ်။ ယခုအခါ မည်သူမျှ လျှို့ဝှက်ထားနိုင်သော နေရာမရှိတော့ပါ။ ဟန်ဇလာအဖွဲ့သည် ဆက်လက် သတိရှိစွာ စောင့်ကြည့်နေပြီး အလွန်လျှို့ဝှက်ချက်များ လျှို့ဝှက်ချက်အလွှာများကိုလည်း ဆက်လက် ဖော်ထုတ်သွားမည်ဖြစ်ပါတယ်။

++++++++++++++++++++++++++++++++++++++++++++++++++

END / 251