အမေရိကန်ဝန်ကြီးက ယခင်ပြောကြားချက်ကို ပြန်လည်ရုပ်သိမ်းပြီး အီရန်စစ်ပွဲအတွင်း စစ်သား ၁၈ ဦး သေဆုံးခဲ့ကြောင်း ဝန်ခံ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

Mehr သတင်းဌာန ၏ အစီရင်ခံစာအရ အမေရိကန်ကုန်သွယ်ရေးဝန်ကြီး ဟာဝပ် လတ်နစ်ခ် သည် အီရန်အပေါ် စစ်ပွဲအတွင်း အမေရိကန်နိုင်ငံသား သို့မဟုတ် စစ်သားတစ်ဦးတစ်ယောက်မျှ သေဆုံးခြင်းမရှိကြောင်း ယခင်က ပြောကြားခဲ့သည့် ၎င်း၏စကားကို ပြန်လည်ရုပ်သိမ်းကာ အမေရိကန်စစ်သား ၁၈ ဦး သေဆုံးခဲ့ကြောင်း ဝန်ခံခဲ့ပါတယ်။

အသေးစိတ်အနေဖြင့် ဟာဝပ် လတ်နစ်ခ် သည် ယခင်က အငြင်းပွားဖွယ်ရာ ပြောကြားချက်တစ်ရပ်တွင် အီရန်အပေါ် စစ်ပွဲအတွင်း အမေရိကန်နိုင်ငံသားတစ်ဦးမျှ သေဆုံးခြင်းမရှိကြောင်း ပြောဆိုခဲ့သည်။ သို့သော် ထိုပြောကြားချက်အပေါ် ပြင်းထန်စွာ ဝေဖန်ခံရပြီးနောက် ၎င်း၏ ရပ်တည်ချက်ကို ပြင်ဆင်ခဲ့ပြီး စစ်ဆင်ရေးနှစ်ခုကို ၎င်း၏ပြောကြားချက်တွင် ရောထွေးပြောဆိုမိခဲ့ခြင်းဖြစ်ကြောင်း ရှင်းပြခဲ့ပါတယ်။

ဟာဝပ် လတ်နစ်ခ် က အမေရိကန်နိုင်ငံသားများ သေဆုံးခြင်းမရှိဟု ပြောကြားစဉ် ၎င်း၏စိတ်ထဲတွင် ဗင်နီဇွဲလား နိုင်ငံ၌ ပြုလုပ်ခဲ့သည့် အမေရိကန်စစ်ဆင်ရေး ကို ရည်ညွှန်းနေခြင်းဖြစ်ကြောင်း ရှင်းပြခဲ့သည်။ ၎င်း၏ အဆိုအရ ထိုစစ်ဆင်ရေးအတွင်း အမေရိကန်စစ်သားတစ်ဦးမျှ သေဆုံးခြင်းမရှိခဲ့ကြောင်း သိရပါတယ်။

သို့သော် အမေရိကန်ကုန်သွယ်ရေးဝန်ကြီးက အီရန်အပေါ် စစ်ပွဲအတွင်း အမေရိကန်စစ်သား ၁၈ ဦး သေဆုံး ခဲ့ကြောင်းရှင်းလင်းစွာ ပြောကြားခဲ့ပါတယ်။

၎င်း၏ ယခင်ပြောကြားချက်မှာ မှားယွင်းခဲ့ခြင်းဖြစ်ကြောင်း ဝန်ခံကာ ထိုအတွက် တောင်းပန်ခဲ့ပြီး စစ်ဆင်ရေး နှစ်ခုနှင့်ပတ်သက်၍ မိမိအနေဖြင့် နားလည်မှုလွဲမှားခဲ့ခြင်းဖြစ်ကြောင်း ပြောကြားခဲ့ပါတယ်။

ယခင်ကလည်း အမေရိကန်သမ္မတ ထရမ့် သည် အီရန်စစ်ပွဲအတွင်း အမေရိကန်စစ်သားတစ်ဦးမျှ သေဆုံးခြင်း မရှိကြောင်း ၎င်း၏ကုန်သွယ်ရေးဝန်ကြီးက ပြောဆိုခဲ့မှုကို ငြင်းဆိုခဲ့ပါတယ်။

ထရမ့်  သည် ၎င်း၏ လူမှုကွန်ရက်ပလက်ဖောင်း Truth Social တွင် ထုတ်ပြန်ချက်တစ်ရပ်၌ ဟာဝပ် လတ်နစ်ခ် က အီရန်စစ်ပွဲအတွင်း မည်သူမျှ သေဆုံးခြင်းမရှိကြောင်း ပြောဆိုစဉ် ၎င်း၏စိတ်ထဲတွင် ဗင်နီဇွဲလား ဖြစ်နေခဲ့ ခြင်းဖြစ်ကြောင်း ပြောကြားခဲ့ပါတယ်။

ထရမ့် ၏ ထုတ်ပြန်ချက်တွင် အီရန်အပေါ် စစ်ပွဲအတွင်း လူ ၁၈ ဦး သေဆုံးခဲ့ကြောင်း ရှင်းလင်းစွာ ဝန်ခံ ထားပါတယ်။

++++++++++++++++++++++++++++++++++++++++++++++++++

END / 251