သောင်တင်လာသည့် ကမ္ဘာ့ရှားပါးစာရင်းဝင် ဝေလငါးတစ်ကောင်ကို ပင်လယ်ပြင်သို့ ပြန်လွှတ်ပေး

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

မာန်အောင်မြို့နယ် ပုတ်ချောင်ရွာအနောက်ဘက်ကမ်းစပ်တွင် သောင်တင်ခဲ့သည့် ဝေလငါး (ဓာတ်ပုံ − ဦးထွန်းတင်)

ရခိုင်ပြည်နယ် မာန် အောင်မြို့နယ် ပုတ်ချောင်ကျေး ရွာအနောက်ဘက် ကမ်းစပ်တွင် သောင်တင်ခဲ့သည့် ကမ္ဘာ့ရှားပါး စာရင်းဝင် ဝေလငါးတစ်ကောင် ကို ပင်လယ်ပြင်သို့ ပြန်လွှတ်ပေး ခဲ့ကြောင်းသတင်းရရှိသည်။

အဆိုပါဝေလငါးသည် စက် တင်ဘာ ၉ ရက် နံနက်က ဒီရေ နှင့်အတူ မာန်အောင်မြို့နယ် ခအုန်းမောင်အုပ်စု ပုတ်ချောင် ရွာအနောက်ဘက် ကမ်းစပ်တွင် သောင်တင်နေခဲ့ပြီး ရွာသားများ နှင့် တာဝန်ရှိသူများက ဒီရေပြန် တက်ချိန်၌ ပင်လယ်ပြင်သို့ တွန်း ချ လွှတ်ပေးခဲ့ခြင်းဖြစ်ကြောင်း မာန်အောင်မြို့နယ် ငါးလုပ်ငန်း ဦးစီးဌာနမှ တာဝန်ရှိသူတစ်ဦးက ပြောသည်။

သောင်တင်ခဲ့သည့် ဝေလ ငါးမှာ အလျား ၂၂ ပေ ၃လက်မ၊ လုံးပတ် ၈ ပေ ၃ လက်မရှိကြောင်း အထက်ပါတာဝန်ရှိသူက ဆို သည်။

‘‘မာန်အောင်ကျွန်းမှာ ဝေလငါးတွေ မကြာခဏ သောင်တင် တတ်ကြပါတယ်။ အဲဒီလိုသောင် တင်တာကို လူတွေတွေ့ရင်တော့ ရေထဲကို ပြန်ချပေးကြပါတယ်။ သောင်တင်တဲ့ငါးကြီးကို အသက် ရှင်နေတဲ့အချိန် မတွေ့လိုက်ဘဲ သေဆုံးသွားပြီးမှ တွေ့တာတွေ လည်းရှိပါတယ်’’ဟု ပုတ်ချောင် ကျေးရွာနေ ရေလုပ်သားတစ်ဦး က ပြောသည်။

မျိုးသုဉ်းပျောက်ကွယ်မည့် အန္တရာယ်နှင့် ကြုံတွေ့နေရသည့် ဝေလငါး၊ ရေ၀က်၊ ပင်လယ်လိပ် နှင့်လင်းပိုင်များကို ရခိုင်ကမ်းရိုး တန်းတစ်လျှောက်တွင် တွေ့ရှိနေ ရဆဲဖြစ်ပြီး အဆိုပါရေနေသတ္တ၀ါ များမှာသောင်တင်သေဆုံးခြင်း များ မကြာခဏကြုံတွေ့နေရ ကြောင်း သိရသည်။

==============================
 251 /End