နိုင်ငံတကာ မူးယစ်ဆေးဝါးတိုက်ဖျက်ရေးနေ့ ဝ၊ ကချင်၊ ရှမ်း၊ ပလောင် တိုင်းရင်းသား လက်နက်ကိုင်များတွင်လည်း မူးယစ်ဆေးဝါး မီးရှို့ဖျက်ဆီး

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


ချင်းမိုင်၊ ဇွန် ၂၆ ။     ။ ယနေ့ ကျရောက်သော နိုင်ငံတကာ မူးယစ်ဆေးဝါးတိုက်ဖျက်ရေးနေ့ အထိမ်းအမှတ်အဖြစ် တိုင်းရင်းသားလက်နက်ကိုင် အဖွဲ့အစည်းများက မူးယစ်ဆေးဝါး မီးရှို့ဖျက်ဆီးသည့် အခမ်းအနားများ ကျင်းပခဲ့ကြောင်း သိရသည်။

ပလောင်ပြည်နယ် လွတ်မြောက်ရေးတပ်ဦး (PSLF/TNLA)အဖွဲ့ကလည်း ရှမ်းပြည်နယ် နမ့်ဆန်မြို့တွင် မူးယစ်ဆေးဝါး မီးရှို့ဖျက်ဆီးသည့် အခမ်းအနားကျင်းပခဲ့ရာ ဘိန်းဖြူ ၃၀ ကီလိုကျော်၊ ရာမ ၃,၁၆၀,၆၄၆ ပြား၊ ဘိန်းမဲ ၁၀၈ ပိဿာကျော် စုစုပေါင်း ကျပ် ၇ ဘီလီယန်ကျော် မီးရှို့ ဖျက်ဆီးခဲ့သည်။

တအာင်းနယ်မြေဒေသအတွင်း ၅ နှစ်သာ ကာလအတွင်း မူးယစ်ဆေးဝါး တိုက်ဖျက်မှုများ ပြုလုပ်ခဲ့ခြင်းကြောင့် မူးယစ်ဆေးဝါး ၈၀ ရာခိုင်နှုန်းကျော် လျော့ချနိုင်ခဲ့သည်ဟု PSLF/TNLA မှ နိုင်ငံခြားရေးဌာန တာဝန်ခံလည်းဖြစ်၊ တွဲဘက် အထွေထွေအတွင်းရေးမှူး ၂ တာပန်လှက ဆိုသည်။

၂၀၁၂ နှစ် သြဂုတ်လမှ PSLF/TNLA ဗဟိုကော်မတီ စည်းဝေး ဆုံးဖြတ်ချက်ဖြင့် ၅ နှစ်စီမံချက်ကာလအတွင်း ဘိန်းဖြူ ၈၃.၉ ကီလိုဂရမ်၊ ဘိန်းမဲ ၁၄၄.၇ ပိဿာနှင့် စိတ်ကြွဆေးပြား(ယာမ) ဆေးပြား ၃၃ သိန်းကျော် ဖမ်းဆီးရမိခဲ့ပြီး ဘိန်းခြံစုစုပေါင်း ၅ ထောင်ဧကကျော် ဖျက်ဆီးနိုင်ခဲ့ကာ မူးယစ်ဆေးဝါး ရောင်းဝယ်ထုတ်လုပ်သူ လုပ်ငန်းရှင်ကြီး/ငယ် ဦးရေ တစ်ရာကျော်ကို စီမံချက်ဖြင့် ဖမ်းဆီးကာ အပြစ်ပေးအရေးယူခဲ့သလို၊ မူးယစ်ဆေးဝါး သုံးစွဲသူ အယောက် ၅ ထောင်ကျော်ကိုလည်း စခန်းသွင်း၍ မူးယစ်ဆေးဝါး သုံးစွဲမှု ဖြတ်တောက်ပေးနိုင်ခဲ့သည်ဟု ၎င်းတို့၏ ယနေ့ထုတ်ပြန်ချက်တွင်   ဖော်ပြထားသည်။

=====================
251/ End