ရေဘေးသင့်ပြည်သူများ စားဝတ်နေရေး အဆင်မပြေလျှင် အကူအညီတောင်းခံနိုင်သော ဌာနနှင့် အဖွဲ့အစည်းများကို သမ္မတပြောကြား

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

 ရေဘေးသင့်ပြည်သူများ အနေအထိုင်၊ အစားအသောက် အဆင်မပြေပါက  သက်ဆိုင်ရာတိုင်းဒေသကြီး  အစိုးရ၊ လွှတ် တော်၊ အုပ်ချုပ်ရေးပိုင်းဌာနဆိုင် ရာများနှင့် အရပ်ဘက်အဖွဲ့အ စည်းများထံ ကူညီပံ့ပိုးမှုတောင်းခံ နိုင်ကြောင်း နိုင်ငံတော်သမ္မတ ဦးဝင်းမြင့်က ယမန်နေ့တွင် ပြော ကြားသည်။

သမ္မတဦးဝင်းမြင့်သည် ဇူလိုင် ၂၈ ရက်တွင် ပဲခူးမြို့သို့ ရောက်ရှိခဲ့ပြီး ဗုဒ္ဓအသံ ဓမ္မဗိမာန်ရှိ ရေဘေးသင့်ပြည်သူများနှင့် တွေ့ ဆုံပွဲ၌ အထက်ပါအတိုင်း ထည့် သွင်းပြောကြားသည်။

‘‘သာမန်အချိန်ဆိုရင်တော့ မိဘပြည်သူတွေနဲ့ တွေ့ရတာ ဝမ်းသာရမှာဖြစ်ပေမယ့် အခုလို အ ချိန်မျိုးမှာ တွေ့ရတာတော့ ဝမ်း မသာနိုင်ပါဘူး။ ဒါ ကျွန်တော်ရဲ့ တကယ့်စိတ်ရင်းအမှန်ပါပဲ။ မိဘ ပြည်သူတွေအနေနဲ့ ရှောင်လွှဲလို့ မရတဲ့ သဘာဝဘေးအန္တရာယ်နဲ့ တွေ့ကြုံရတာကို ကျွန်တော်တို့ အစိုးရအဖွဲ့နဲ့ ကျန်တဲ့ ပြည်သူ၊ ပြည်သားများအားလုံးကလည်း လုံးဝမိဘပြည်သူနဲ့အတူ ထပ်တူ ထပ်မျှ စိတ်မကောင်းစွာ ခံစားကြ ရပါတယ်’’ဟု ဦးဝင်းမြင့်က ပြော သည်။

ရေဘေးသင့်ပြည်သူများ စိတ်ပျက်ခြင်း၊ အားငယ်ခြင်း၊ စိတ်လျှော့ခြင်းမရှိရန်နှင့် လက်ရှိ ရင်ဆိုင်နေရသည့် အခက်အခဲ၊ အကျပ်အတည်းကို အစိုးရအဖွဲ့ ဝင်များက ဒေသခံပြည်သူများနှင့် အတူ တက်ညီလက်ညီ ကြိုးစား ဆောင်ရွက်မည်ဖြစ်ကြောင်း သမ္မတက အားပေးစကားပြော ကြားသည်။

‘‘သဘာဝဘေးအန္တရာယ်ဆို တာ မိဘပြည်သူတွေသိတဲ့အ တိုင်းပဲ ကြိုတင်လည်း မြင်နိုင်တဲ့ ကိစ္စမဟုတ်ဘူး။ ဖြစ်လာလို့ရှိရင် လည်း ရှောင်လွှဲလို့ရတာမဟုတ် ဘူး။ သို့သော် အဲဒီလိုဖြစ်တဲ့ အ ခြေခံကနေပြီးတော့ ကျွန်တော်တို့ တစ်တွေ ဘာပဲပြောပြော စည်း စည်းလုံးလုံး၊ ညီညီညွတ်ညွတ်နဲ့ တစ်ယောက်နဲ့တစ်ယောက် ဖေးမ ကူညီပြီးတော့ တစ်နိုင်တစ်ပိုင်၊ တစ်တပ်တစ်အားလေးတွေနဲ့ စိတ်တူကိုယ်တူ ဝိုင်းဝန်းပူးပေါင်း ဆောင်ရွက်ခြင်းဖြင့် ဒီအခက်အခဲ အကျပ်အတည်းကို ကျော်လွှားလို့ ရပါတယ်။ ကျော်လွှားဖို့လည်း ကျွန်တော်တို့ သန္နိဋ္ဌာန်ချထားကြ ရမှာဖြစ်ပါတယ်’’ဟု ဦးဝင်းမြင့်က ပြောသည်။

ဆက်လက်၍ သမ္မတက ‘‘ကျွန်တော်တို့လည်း တတ်အား သမျှ ကြိုးစားဆောင်ရွက်ပေးမှာ ဖြစ်ပါတယ်’’ဟု ရေဘေးသင့်ပြည် သူများကို ကတိပြုသည်။

ကူညီကယ်ဆယ်ရေးစခန်း များတွင် နေထိုင်ရသည့်ကာလ၌ ကျန်းမာရေး အထူးဂရုစိုက်စေလို ကြောင်းနှင့် စားရေး၊ နေရေး၊ ကျန်းမာရေးနှင့် ညီညွတ်အောင် တာဝန်ရှိသည့် ဌာနဆိုင်ရာအဖွဲ့အစည်း များ၊ အရပ်ဘက်အဖွဲ့အစည်း များက ရေဘေးသင့်ပြည်သူများ ကို ဂရုစိုက်ပေးစေလိုကြောင်း ဦးဝင်းမြင့်က လမ်းညွှန်မှာကြား သည်။

သမ္မတဦးဝင်းမြင့်သည် သာ သနာ့ဗိမာန်ရှိ ရေဘေးသင့်ပြည် သူ တစ်ထောင့်လေးရာကျော်ကို လေးမိနစ်ကျော် နှုတ်ခွန်းဆက် စကားပြောကြားပြီး ပြည်သူများ ၏ အခက်အခဲကို ရှစ်မိနစ်ခန့် မေးမြန်းခဲ့သည်။

ရေဘေးသင့်ပြည်သူများ၏ အဆင်မပြေမှုများ၊ ကုန်ဈေးနှုန်း တက်သည့် အခြေအနေများကို မေးမြန်းပြီး လက်အုပ်ချီနှုတ်ဆက် သည့် ပြည်သူအချို့ကို လက်အုပ် မချီရန် ပြောကြားသည်။

ပဲခူးမြစ်ရေ မြင့်တက်လာမှု ကြောင့် ပဲခူးမြို့တွင် ပြည်သူနှစ် သောင်းငါးထောင်ကျော် ရေကြီးမှု ဒဏ်ခံစားနေရပြီး  ယမန်နေ့အထိ မြို့ပေါ်တွင် ကူညီကယ်ဆယ်ရေး စခန်း ၃၂ ခု ဖွင့်လှစ်ထားသည်။

ကူညီကယ်ဆယ်ရေးစခန်း များတွင် တစ်ရက်လျှင် နှစ်ကြိမ် နှုန်း ထမင်းထုပ်ပေးဝေလှူဒါန်းသူ များရှိ၍ စားစရာအခက်အခဲများ စွာ ကြုံတွေ့ရခြင်းမရှိသော်လည်း သောက်ရေသန့်၊ သုံးရေနှင့် အ ပေါ့အပါးသွားရန် အခက်အခဲရှိ ကြောင်း  ရေဘေးသင့်ပြည်သူ အချို့က ပြောသည်။

=======================
251 / End