နော်အုန်းလှကို ငြိမ်းစုစီပုဒ်မ ၂၀ ဖြင့် ဖမ်းဆီး

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


ရန်ကုန်မြို့မှာ ကရင်အာဇာနည်နေ့ အခမ်းအနားကျင်းပခဲ့တာကြောင့် အမှုဖွင့်ခံထားရတဲ့ ကရင်အမျိုးသမီးအစည်းအရုံး (KWU) ခေါင်းဆောင် နော်အုန်းလှကို ကျောက်တံတားမြို့နယ် ရဲစခန်းက မနေ့စက်တင်ဘာလ ၉ ရက်နေ့ညမှာ ဖမ်းဆီးလိုက်ပါတယ်။

မနေ့ညက အလုံရဲစခန်းမှာ အမျိုးသမီးအရေးကိစ္စတခုဆောင်ရွက်နေချိန်မှာ ကျောက်တံတား မြို့နယ်ရဲတပ်ဖွဲ့က လာရောက်ဖမ်းဆီးခဲ့တာဖြစ်ပြီး သူ့ကိုအာမခံမပေးခဲ့ဘူးလို့ ဒီမိုကရေစီနှင့် ငြိမ်းချမ်းရေး အမျိုးသမီးအဖွဲ့မှ အထွေထွေအတွင်းရေးမှူး ကိုမင်းနေထူးက သူ့ရဲ့လူမှုကွန်ရက်မှာ ရေးသားထားပါတယ်။

“အန်တီနော်ကို အာမခံမပေးပါဘူး၊ မနက်ဖြန် ကျောက်တံတားတရားရုံးမှာ ရုံးတင်မယ်လို့ ပြောပါတယ်။ ဝရမ်းကို ရဲစခန်းရောက်မှ ပြပါတယ်။ ငြိမ်းစုစီ ပုဒ်မ (၂၀) နဲ့ဖွင့်ထားပါတယ်တဲ့ တရားရုံးရောက်မှ အာမခံပေးပါ့မယ်လို့ပြောပါတယ်။”

မနေ့ညက ရဲစခန်းအထိ လိုက်ပါကူညီခဲ့တဲ့ ရှေ့နေ ဦးရောဘတ်ဆန်းအောင်ကတော့ သူ့ကို ဖမ်းဝရမ်းထုတ်ပြီး ဖမ်းခဲ့တာကြောင့် ရဲစခန်းက အာမခံမပေးတာလို့ ပြောပါတယ်။
“မနေ့ညက ငြိမ်းစုစည်ပုဒ်မ ၂၀ အရ သူ့ကိုစွဲဆိုခြင်းဖြစ်ပါတယ်။ အဲတော့ သူက ခေါ်တာမလာလို့ဆိုပြီး လူဖမ်းဝရမ်းထုတ်ရတဲ့အတွက် မနေ့ညကတော့ ရဲစခန်းမှာ အာမခံမပေးဘူး။ အာမခံမပေးဘဲနဲ့ ဒီကနေ့ ၁၀ နာရီထိုး တရားရုံးကို စွဲတင်မယ်လို့ပြောပါတယ်။ ”

ငြိမ်းချမ်းစွာ စုဝေးခွင့်နှင့် စီတန်းလှည့်လည်ခွင့် ဆိုင်ရာ ဥပဒေပုဒ်မ ၂၀ ဟာ အာမခံပေးလို့ရတဲ့ ပုဒ်မဖြစ်ပြီး ကိုယ်ပိုင်ခံဝန်ဖြစ်စေ၊ အာမခံပေးသူ ၂ ဦးဖြစ်စေ အာမခံရနိုင်တယ်လို့လည်း ပြောပါတယ်။

ကရင်အာဇာနည်နေ့ကျင်းပလို့ နော်အုန်းလှကို ဖမ်းဆီးတရားစွဲဆိုတာကို ကန့်ကွက်ရှုတ်ချကြောင်း KNU concerned Group က ဒီကနေ့ ထုတ်ပြန်ပါတယ်။

အခုလို ကရင့်အမျိုးသားအာဇာနည်နေ့ကျင်းပလို ဖမ်းဆီးအရေးယူမှုဟာ ကရင့်တမျိုးသားလုံး အပေါ် ထိပါးစော်ကားစိန်ခေါ်လိုက်တာလို့လည်း ထုတ်ပြန်ထားပါတယ်။

ရှေ့နေဦးရောဘတ်ဆန်းအောင်ကတော့ ကရင်လူမျိုးတွေရဲ့အာဇာနည်နေ့ကို ကျင်းပတာ ဖြစ်ပြီး အမျိုးသားပြန်လည်သင့်မြတ်ရေးအတွက် ဒီအမှုကို ပြန်ရုပ်သင့်တယ်လို့ ပြောပါတယ်။

“ဘာဖြစ်လို့လဲဆိုရင် ကရင်အမျိုးသားတွေနဲ့ အမျိုးသားပြန်လည်သင့်မြတ်ရေးကို ထိခိုက်သွားနိုင်တယ်။ သူ့လူမျိုးစုကနေပြီးတော့ သူ့ဘာသာသူ အာဇာနည်သတ်မှတ်တာလေ။ အဲဒါကို သတ်မှတ်ရကောင်းလား။ ဒီလိုအခမ်းအနားလုပ်ရကောင်းလားဆိုပြီး အရေးယူမယ်ဆိုရင်တော့ reconciliation ဆိုတဲ့အခြေခံမူကို မှေးမှိန်သွားစေမှာဖြစ်တဲ့အတွက် ပြန်လည်ရုပ်သိမ်းသင့်ပါတယ်လို့ပဲ ကျနော်က အဲဒါပဲ ဆန္ဒပြုပါတယ်။”

သြဂုတ် ၁၂ ရက်က ရန်ကုန်မြို့ မဟာဗန္ဓုလပန်းခြံရှေ့မှာ ကျင်းပခဲ့တဲ့ ကရင်အာဇာနည်နေ့ အခမ်းအနားမှာ ကရင်အာဇာနည်နေ့ဟု မသုံးစွဲဖို့ အကြောင်းကြားပေမယ့် လိုက်နာခြင်း မရှိတဲ့အတွက် နော်အုန်းလှ အပါအဝင် သုံးဦးကို ငြိမ်းချမ်းစွာ စုဝေးခွင့်နှင့် စီတန်းလှည့်လည်ခြင်းဆိုင်ရာ ဥပဒေပုဒ်မ ၂၀ နဲ့ အမှုဖွင့်ထားတာဖြစ်ပါတယ်။

====================================

END / 251