ပန်းမြောင်းတိုက်ပွဲတွင် တပ်မတော်က လေကြောင်းမှ ဗုံးကြဲတိုက်ခိုက်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

ရခိုင်ပြည်နယ်၊ မင်းပြားမြို့နယ်နဲ့ မြောက်ဦးမြို့နယ်အကြား ပန်းမြောင်းအရှေ့ဘက်နဲ့ ဒိုင်းသားကျေးရွာ တောင်တန်းပေါ်မှာ တပ်မတော်က ဒီကနေ့ မွန်းလွဲ ၂ နာရီကျော်လောက်က ဂျက်တိုက်လေယာဉ် ၂ စီး၊ ရဟတ်ယာဉ် ၁ စီးတို့နဲ့ တိုက်ပွဲဖြစ်ပွားခဲ့တဲ့ နေရာတွေကို ဗုံးကြဲတိုက်ခိုက်နေတယ်လို့ မျက်မြင်ဒေသခံတွေက ပြောပါတယ်။

ပန်းမြောင်းနဲ့ ၂ မိုင်အကွာအဝေး ဒိုင်းသားကျေးရွာ ဘုန်းကြီးတောင်တန်းတလျှောက် တပ်မတော်နဲ့ ရက္ခိုင့်တပ်တော်အေအေတို့ ဒီမနက်ကတိုက်ပွဲဖြစ်ပွားခဲ့ပြီးနောက်မှာ တပ်မတော်က လေကြောင်းကနေ လာရောက်ဗုံးကြဲ တိုက်ခိုက်ခဲ့တာလို့ ရွာသားတွေက ဒီဗွီဘီကိုပြောပါတယ်။

အမည်မဖော်လိုသူပန်းမြောင်းဒေသခံတဦးက “ပန်းမြောင်းအရှေ့ဖက်တောင်တန်း၊ ဒိုင်းသား ကြားတောင်း တဝိုက် ဒီကနေ့ ၁၀ နာရီလောက် မနက်ပိုင်းမှာတိုက်ပွဲဖြစ်ပါတယ်။ သိပ်မကြာဘူး။ နေ့လယ် ၂ နာရီခွဲမှာ စစ်တွေဘက်လာတဲ့ ဂျက်ဖိုက်တာ ၂ နှစ်စီး ရဟတ်တစီးနဲ့ လာပြီးတာ့ အဲ့ဒီ တောင်တန်းတဝိုက်တိုက်ပွဲဖြစ်နေတဲ့ နေရာတွေကို လှည့်ပတ်ပြီးတော့ စက်သေနတ်တွေနဲ့ ပစ်တယ်။ ဗုံးသီးတွေနဲ့ ပစ်ချတယ်။ တစီးက ရှေ့ကသွားတယ်။ နောက်တစီးက လိုက်ပြီး ပစ်ချတယ်။ အဲ့ဒီလိုပစ်တာ မိနစ် ၂၀ ကြာတယ်။ ကျနော်တို့နဲ့သိပ် မဝေးဘူး။ အကုန်မြင်နေရတယ်” လို့ ပြောပါတယ်။

တပ်မတော်က တပ်မ ၅၅ လက်အောက်တပ်မနဲ့ ရက္ခိုင့်တပ်တော်အေအေတိုက်ပွဲဖြစ်တာ မှန်ကန်ကြောင်းနဲ့ တပ်မတော်ဘက်က ရဟတ်ယာဉ် ၃ စီးနဲ့ လာရောက်ဗုံးကြဲတိုက်ခိုက်ခဲ့တာလို့ ခိုင်သုခက ပြောဆိုပါတယ်။

“ဒီတိုက်ပွဲတွေ သူတို့ဘက်က အကျအဆုံးများတယ်။ ကစဥ့်ကလျားထွက်ပြေးသွားတယ်။ ကျနော်တို့ဘက်က လိုက်လံရှင်းလင်းတဲ့အခါမှာ ကျနော်တို့ဘက်က အလောင်းသုံးလောင်းရတယ်။ ပြီးတော့ လက်နက်ခဲယမ်းမီးကျောက်တွေ သိမ်းဆည်းရမိတာရှိတယ်။ နေ့လယ် ၁ နာရီကျော်မှာ တော့ တိုက်ပွဲထပ်ဖြစ်တယ်။ အဲ့ဒီဖြစ်ပြီးနောက်ပိုင်းမှာတော့ စစ်တပ်ဘက်က ရဟတ်ယာဉ် ၃ စီးနဲ့ လာရောက် တိုက်ခိုက်တယ်။

ဒီကိစ္စနဲ့ပတ်သက်လို့ အနောက်ပိုင်းတိုင်းစစ်ဌာချုပ် တိုင်းဦးစီးဗိုလ်မှူးကြီးဝင်းဇော်ဦးကို ဒီကနေ့ နေ့လယ်ပိုင်း ၃ နာရီမှာတကြိမ်၊ ၄ နာရီမှာ တကြိမ်၊ ၄ နာရီ မိနစ် ၃၀ မှာ တကြိမ်တို့မှာ ဆက်သွယ်မေးမြန်းရာမှာတော့ အစည်းအဝေးလုပ်နေတဲ့အတွက် နောက်မှ ပြန်လည်ဆက်သွယ်ဖို့ ပြောဆိုခဲ့ပါတယ်။

မနက်ဖြန် စက်တင်ဘာ ၁၇ ရက်မှာ အစိုးရငြိမ်းချမ်းရေး ကော်မရှင်၊ တပ်မတော်နဲ့ မြောက်ပိုင်းမဟာမိတ် ကိုးကန့်၊ တီအန်အယ်လ်အေ၊ အေအေ၊ ကေအိုင်အေတို့ ကျိုင်းတုံမြို့မှာ တွေ့ဆုံဆွေးနွေးဖို့လုပ်နေအချိန်မှာပဲ ရခိုင်ပြည်နယ်မြောက်ပိုင်းမှာ အခုရက်ပိုင်း တပ်မတော်နဲ့ ရက္ခိုင့်တပ်တော်အေအေတို့ တိုက်ပွဲတွေ ပြင်းပြင်းထန်ထန်ဖြစ်ပွားနေတာပါ။

====================================

END / 251