အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

အကိုး အကား : m-mediagroup
ဗုဒ္ဓဟူးနေ့

၂၆ အောက်တိုဘာ ၂၀၂၂

၁၈:၂၀:၂၉
1317523

ရွေးကောက်ပွဲနီးလာချိန် မွတ်စလင်ဆန့်ကျင်ရေးလှုပ်ရှားမှု မြင့်တက်လာတဲ့ အိန္ဒိယ

ပြည်နယ်ရွေးကောက်ပွဲတွေ နီးလာတဲ့အချိန် အိန္ဒိယနိုင်ငံမှာ မွတ်စလင်ဆန့်ကျင်ရေး လှုံ့ဆော်မှုတွေ မြင့်တက်လာနေပြီး၊ ၀န်ကြီးချုပ် မိုဒီနဲ့ အဆက်အစပ်ရှိတဲ့ အဖွဲ့အစည်းတွေက ဦးဆောင်ပြုလုပ်နေကြတာ ဖြစ်ပါတယ်။


အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


ပြည်နယ်ရွေးကောက်ပွဲတွေ နီးလာတဲ့အချိန် အိန္ဒိယနိုင်ငံမှာ မွတ်စလင်ဆန့်ကျင်ရေး လှုံ့ဆော်မှုတွေ မြင့်တက်လာနေပြီး၊ ၀န်ကြီးချုပ် မိုဒီနဲ့ အဆက်အစပ်ရှိတဲ့ အဖွဲ့အစည်းတွေက ဦးဆောင်ပြုလုပ်နေကြတာ ဖြစ်ပါတယ်။

အာဏာရ ဟိန္ဒူအမျိုးသားရေးပါတီ BJP ရဲ့ အယူ၀ါဒရေးရာ မိခင်အဖွဲ့အစည်း RSS အတွင်းရေးမှူး Dattatreya Hosabale က ဟိန္ဒူဘာသာ၀င် များပြားရေး အစိုးရက မူ၀ါဒချမှတ် ဆောင်ရွက်ဖို့ မနေ့က သတင်းစာရှင်းလင်းပွဲမှာ တိုက်တွန်းခဲ့ပါတယ်။

တရားမ၀င် ၀င်ရောက်နေထိုင်မှုတွေ၊ ဘာသာပြောင်းမှုတွေကြောင့် ဟိန္ဒူတွေ နည်းလာတယ်လို့ သူက ဆိုပါတယ်။

“တိုင်းပြည်က တစ်ချို့ဒေသတွေမှာ ဘာသာကူးပြောင်းမှုတွေကြောင့် ဟိန္ဒူအရေအတွက်ဟာ နည်းပါးလာတယ်။ ဒီကိစ္စကို ဂရုတစိုက် စဥ်စားဆောင်ရွက်ဖို့ လိုအပ်နေပါပြီ။ လူတိုင်းအပေါ် သက်ရောက်မယ့် နိုင်ငံတော်လူဦရေးဆိုင်ရာ မူ၀ါဒ ချမှတ်ဖို့ပါ”

အိန္ဒိယမှာ ဟိန္ဒူတွေ နည်းလာတယ်ဆိုတဲ့ Dattatreya Hosabale ရဲ့ ပြောကြားမှုဟာ အချက်အလက် ခိုင်ခိုင်မာမာ မရှိပါဘူး။

RSS နဲ့ BJP ပါတီ တာ၀န်ရှိသူတွေက ဟိန္ဒူတွေ နည်းလာတယ်ဆိုတဲ့ အချက်ကို အမြဲလိုလို ပြောဆိုလေ့ရှိပါတယ်။ မွတ်စလင်တွေနဲ့ ခရစ်ယာန်တွေက ဟိန္ဒူတွေကို ဘာသာပြောင်းခိုင်းတယ်၊ မွတ်စလင်တွေဟာ မိန်းမအများကြီးယူပြီး ကလေးများများမွေးကာ ဟိန္ဒူလူဦးရေကို လွှမ်းမိုးဖို့ ကြိုးစားနေတယ် ဆိုတာတွေဟာ သူတို့ရဲ့ လက်သုံးစကားပါ။

သန်း ၁၄၀၀ သော အိန္ဒိယ လူဦးရေမှာ ဟိန္ဒူက ၈၀ ရာခိုင်နှုန်းဖြစ်ပြီး မွတ်စလင်က ၁၄ ရာခိုင်နှုန်းသာ ရှိပါတယ်။ ကလေးမွေးနှုန်း မကွာတဲ့အတွက် မွတ်စလင်လူဦးရေက ဟိန္ဒူလူဦးရေကို ကျော်ပြီး လွှမ်းမိုးမယ်ဆိုတဲ့ ပြောကြားမှုဟာ လက်တွေ့အချက်အလက်တွေအရ မဖြစ်နိုင်ပါဘူး။

BJP ပါတီ အုပ်စိုးတဲ့ ပြည်နယ်တွေမှာတော့ ဟိန္ဒူလူဦးရေ များပြားအောင်လုပ်ပြီး မွတ်စလင်နဲ့ အခြားလူနည်းစုတွေ လူဦးရေ နည်းစေမယ့် ကလေးမွေးနှုန်း သတ်မှတ်ချက်ဥပဒေ ပြဌာန်းဖို့ ပြင်ဆင်လာပါတယ်။

၀န်ကြီးချုပ်မိုဒီရဲ့ ဇာတိပြည်နယ်ဖြစ်တဲ့ မြောက်ပိုင်းက အူတာပရာဒက်ရှ် ပြည်နယ်၊ ဟီမာချာ ပရာဒက်ရှ်တို့လို ပြည်နယ်တွေမှာ အခုနှစ်နှောင်းပိုင်း ရွေးကောက်ပွဲတွေ ကျင်းပဖို့ ရှိနေပြီး BJP ပါတီနဲ့၊ RSS အဖွဲ့ တာ၀န်ရှိသူတွေကတော့ မွတ်စလင်ဆန့်ကျင်ရေး သဘောထားတွေကို ရှေ့တန်းတင်ကာ အာဏာထပ်ရဖို့ ပိုမိုလုပ်ဆောင်နေကြပါတယ်။

****************************************************************
END / 251