အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာန
ပြီးခဲ့တဲ့လက မြို့တော်ဒေလီမှာ အစ္စလာမ်ဘာသာဝင်တွေအပေါ် ပစ်မှတ်ထားတဲ့ အကြမ်းဖက်တိုက်ခိုက်မှုတွေကို မိုဒီအစိုးရက ထိထိရောက်ရောက် တားဆီးမှု မရှိဘူးလို့ အိန္ဒိယ အတိုက်အခံနိုင်ငံရေးပါတီတွေက ဝေဖန်ပြောကြားလိုက်ပါတယ်။
နိုင်ငံသားဥပဒေပြင်ဆင်ချက်နဲ့ပတ်သက်ပြီး ထိုင်သပိတ်ဆန္ဒပြသူတွေကို ဖေဖော်ဝါရီ ၂၄ ရက်နေ့မှာ ဟိန္ဒူလူအုပ်က ဝင်ရောက်ရိုက်နှက်ရာကနေ စတင်ခဲ့တဲ့ အဲဒီအကြမ်းဖက်မှုကြောင့် အနည်းဆုံး လူ ၅၂ ဦး သေဆုံးခဲ့ပြီး အများစုက မွတ်စလင်တွေ ဖြစ်ပါတယ်။ အကြမ်းဖက်မှုဟာ ၃ ရက်တာ ကြာမြင့်ခဲ့ပြီး ဒေလီ မွတ်စလင်ရပ်ကွက်တွေက နေအိမ်တွေ၊ စီးပွားရေးလုပ်ငန်းတွေနဲ့ ဗလီဝတ်ကျောင်းတော်တွေ ဖျက်ဆီးခံခဲ့ရပါတယ်။
ဝန်ကြီးချုပ်မိုဒီ အစိုးရကတော့ သူတို့ဟာ အခြေအနေကို အကောင်းဆုံး ကိုင်တွယ်နိုင်ခဲ့တယ်လို့ ပြောကြားခဲ့ပါတယ်။
အတိုက်အခံ All India Majlis-e-Ittehadul Muslimeen ပါတီရဲ့ အကြီးအကဲ အာဆာဒူဒင် အိုဝိုက်စီက အာဏာရ BJP ပါတီဟာ နိုင်ငံအတွင်းက မွတ်စလင်တွေနဲ့ပတ်သက်ပြီး အမုန်းစကားတွေ ဖြန့်ချီနေတယ်လို့ လွှတ်တော်အစည်းအဝေးမှာ ပြောကြားခဲ့ပါတယ်။
“ဗလီ ၁၉ လုံးလောက်ကို တိုက်ခိုက်ဖျက်ဆီးလိုက်တော့ ဂုဏ်သိက္ခာတွေ သိပ်တက်သွားလား။ ဗလီမှာ ဟိန္ဒူအလံ လွှင့်လိုက်တော့ရော ဂုဏ်ရှိသွားလို့လား။ ခင်ဗျားတို့မှာ လူသားဆန်မှု နည်းနည်းလောက်တောင် မရှိဘူးလား။ ဘုရားအတွက် လူသားဆန်မှုနည်းနည်းလောက် ခင်ဗျားတို့ ပြကြည့်ပါလား။ ဒါဟာ ဟိန္ဒူလား၊ မွတ်စလင်လား မေးရမယ့်ကိစ္စ မဟုတ်ဘူး။ အခြေခံဥပဒေက ပေးအပ်ထားတဲ့တာဝန်ကို ခင်ဗျားတို့ ကျေပွန်လား၊ မကျေပွန်လားဆိုတဲ့ ကိစ္စပါ”
အိုဝိုက်စီဟာ နိုင်ငံတောင်ပိုင်း ဟိုက်ဒရာဘတ်မြို့က လွှတ်တော်အမတ်တစ်ဦး ဖြစ်ပါတယ်။
အာဏာရ ဟိန္ဒူအမျိုးသားရေးပါတီ BJP ရဲ့ တာဝန်ရှိသူတစ်ချို့ အစ္စလာမ်ဘာသာနဲ့ အစ္စလာမ်ဘာသာဝင်တွေအပေါ် စော်ကားပြောဆိုမှုတွေ လုပ်ဆောင်ခဲ့ပြီးတဲ့နောက် ဒီလို ဒေလီမှာ အကြမ်းဖက်တိုက်ခိုက်မှု ပေါ်ပေါက်လာတာ ဖြစ်ပါတယ်။
ဗုဒ္ဓဟူးနေ့ အောက်လွှတ်တော်အစည်းအဝေးမှာ ပြည်ထဲရေးဝန်ကြီး အေမစ်ရှားက အကြမ်းဖက်မှုဖြစ်ပွားအောင် လှုံ့ဆော်သူတွေအပေါ် ပြင်းပြင်းထန်ထန် အရေးယူသွားမယ်လို့ ပြောကြားခဲ့ပါတယ်။ ရဲတပ်ဖွဲ့ဟာ ၃၆ နာရီအတွင်း အကြမ်းဖက်မှုကို ထိန်းသိမ်းနိုင်ခဲ့တယ်လို့ ပြောကြားတဲ့အချိန်မှာ အတိုက်အခံ ကွန်ဂရက်ပါတီက လွှတ်တော်အမတ်တွေအားလုံး ခန်းမထဲကနေ ထွက်သွားခဲ့ကြပါတယ်။
ဒေလီအကြမ်းဖက်မှုအတွင်း အိမ်နီးချင်း အူတာပရာဒက်ရ်ှပြည်နယ်က လူ ၃၀၀ လောက် လာရောက်ပါဝင်ခဲ့ကြပြီး လက်ရှိမှာ စုစုပေါင်း လူ ၂၆၀၀ ကျော်ကို ဖမ်းဆီးစစ်ဆေးနေတယ်လို့လည်း ပြည်ထဲရေးဝန်ကြီးက ထည့်သွင်းပြောဆိုခဲ့ပါတယ်။
...........................................................................
END / 251
