အစ္စဘူလ်မြို့က ရှေးဟောင်းသမိုင်းဝင် ဟာဂီယာ ဆိုဖီယာ ပြတိုက်ကို ဗလီအဖြစ်ပြောင်းလဲတဲ့ လုပ်ရပ်ကြောင့် အာဒိုဂန်ဦးဆောင်တဲ့ တူရကီအစိုးရကို နိုင်ငံတကာအသိုင်းအဝိုင်းက ဝေဖန်နေကြပါတယ်။
အစ္စတန်ဘူလ်ကို ရောမတွေ သိမ်းပိုက်ထားတဲ့အချိန် လွန်ခဲ့တဲ့ နှစ်ပေါင်း ၁၅၀၀ အရင်က ဟာဂီယာ ဆိုဖီယာကို အော်သိုဒေါ့စ် ခရစ်ယာန်ဘုရားကျောင်းအဖြစ် တည်ဆောက်ခဲ့တာဖြစ်ပြီး ၁၄၅၃ ခုနှစ် အော်တိုမန်တွေ အောင်နိုင်ပြီးနောက်ပိုင်းမှာတော့ ဗလီအဖြစ် ပြောင်းလဲခဲ့ပါတယ်။
ခေတ်သစ်တူရကီနိုင်ငံကို ထူထောင်ပြီးနောက်ပိုင်း ဘာသာရေးမစွက်တဲ့ တူရကီအစိုးရဟာ ၁၉၃၄ ခုနှစ်မှာ ဟာဂီယာ ဆိုဖီယာဗလီကို ပြတိုက်အဖြစ် ပြောင်းလဲခဲ့ပါတယ်။
ဗလီအဖြစ် ပြောင်းလဲခဲ့သည့် ဟာဂီယာ ဆိုဖီယာ ပြတိုက်
တူရကီသမ္မတအာဒိုဂန်ဟာ ပြတိုက်ကို ဗလီအဖြစ်ပြန်ပြောင်းဖို့ အရင်ကတည်းက ကြိုးပမ်းခဲ့သူဖြစ်ပြီး သောကြာနေ့မှာတော့ တရားရုံးရဲ့ဆုံးဖြတ်ချက်နဲ့အတူ ဗလီအဖြစ် တရားဝင်ပြောင်းလဲခဲ့ပါတယ်။
အာဒိုဂန်အစိုးရရဲ့ ဒီကြိုးပမ်းမှုကို နိုင်ငံတကာအသိုင်းအဝိုင်းက ကန့်ကွက်ခဲ့ကြပါတယ်။
ဂရိနိုင်ငံက ဒီဆောင်ရွက်ချက်ဟာ ရန်စမှုတစ်ခု ဖြစ်တယ်လို့ ပြောကြားခဲ့လို၊ ပြင်သစ်နဲ့ အမေရိကန်တို့ကလည်း ဒီကိစ္စကို ရှုတ်ချကြောင်း ထုတ်ပြန်ခဲ့ပါတယ်။
ရုရှားနိုင်ငံခြားရေးဝန်ကြီး အလက်ဇန်းဒါး ဂရူရ်ှကိုက ဒီအဆောက်အဦးဟာ အားလုံးရဲ့အမွေအနှစ်ဖြစ်တာကြောင့် တူရကီရဲ့ ဒီလုပ်ရပ်အတွက် စိတ်မကောင်းဖြစ်ရတယ်လို့ ပြောကြားခဲ့ပါတယ်။
ကမ္ဘာ့ခရစ်ယာန်ဘုရားကျောင်းများ ကောင်စီကလည်း ဒီလုပ်ရပ်အတွက် ဝမ်းနည်းစိတ်မကောင်းဖြစ်ရတယ်လို့ အာဒိုဂန်ထံ စာရေးသားပေးပို့ခဲ့ပြီး ဆုံးဖြတ်ချက်ကို ပြန်လည်ပြင်ဆင်ဖို့လည်း တိုက်တွန်းခဲ့ပါတယ်။
တူရကီသမ္မတ အာဒိုဂန်က ဒီဝေဖန်မှုကို လက်မခံဘဲ တူရကီဟာ အချုပ်အခြာအာဏာတည်မှုကို အသုံးပြုခဲ့တာဖြစ်တယ်လို့ ပြန်လည်တုန့်ပြန်ခဲ့ပါတယ်။ ပြတိုက်ကိုပြောင်းလိုက်တဲ့ ဒီဗလီမှာ တူရကီအစိုးရက ဇူလိုင်လ ၂၄ ရက်နေ့ကျရင် မွတ်စလင်တွေကို စတင်ဝတ်ပြုခွင့်ပေးမှာ ဖြစ်ပါတယ်။
အစိုးရရဲ့ ဒီလုပ်ရပ်ကို တူရကီပြည်သူအများအပြားက ဝေဖန်မှုတွေ ရှိနေပြီး၊ အမျိုးဘာသာ သာသနာကို စောင့်ရှောက်လိုတဲ့ အဖွဲ့တစ်ချို့က ကြိုဆိုခဲ့ကြပါတယ်။
အလယ်ခေတ် ကမ္ဘာတစ်ဝှမ်းက ပဒေသရာဇ်ဘုရင်တွေ အားပြိုင်စစ်တိုက်ကြတဲ့အချိန်မှာ စစ်ရှုံးတဲ့တိုင်းပြည်တွေက ဘာသာရေး၊ လူမှုရေး၊ ယဉ်ကျေးမှုအမွေအနှစ်တွေကို ဖျက်ဆီးတာ၊ သိမ်းပိုက်တာ၊ စစ်ရှုံးဒေသတွေက ဝတ်ပြုရာနေရာတွေကို မိမိတို့စိတ်ကြိုက် နေရာတွေအဖြစ် ပြောင်းလဲတာတွေ လုပ်ဆောင်ခဲ့ကြပါတယ်။
အလယ်ခေတ် မွတ်စလင်အင်ပါယာတွေကို ခရစ်ယာန်ပဒေသရာဇ်တွေက သိမ်းပိုက်ချိန် ဗလီတွေကို ခရစ်ယာန်ဘုရားကျောင်းတွေ၊ အရက်ဆိုင်တွေ၊ ပြည့်တန်ဆာရုံတွေအဖြစ် ပြောင်းလဲတာမျိုးရှိခဲ့သလို၊ မွတ်စလင်ဘုရင်တွေက ခရစ်ယာန်အင်ပါယာတွေကို ပြန်လည်သိမ်းပိုက်နိုင်တဲ့အချိန်မှာလည်း ခရစ်ယာန်ဘုရားကျောင်းတွေကို ဗလီအဖြစ် ပြောင်းတာတွေ ရှိခဲ့ပါတယ်။
တူရကီအစိုးရရဲ့ ဒီလုပ်ရပ်ဟာ အလယ်ခေတ် သက်ဦးဆံပိုင်ဘုရင်တွေရဲ့ အာဏာရှင်ဆန်ဆန် အနိုင်ကျင့်ဗိုလ်ကျတဲ့လုပ်ရပ်မျိုးကို ပြန်လည်ထင်ဟပ်စေတယ်လို့ ဝေဖန်မှုတွေလည်း ရှိနေပါတယ်။
