အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
ထိုင်းနိုင်ငံ မဲဆောက်မြို့က နိုင်ငံခြား ထိပ်တန်းဘရန်းတွေထုတ်လုပ်တဲ့ စက်ရုံမှာ လုပ်အားခေါင်းပုံဖြတ်ခံခဲ့ရတဲ့ မြန်မာရွှေ့ပြောင်းလုပ်သားတွေက စက်ရုံကို ဥပဒေကြောင်းအရ တရားစွဲဆိုမှုတွေ လုပ်ဆောင်ခဲ့ပါတယ်။
အိမ်နီးချင်း မြန်မာနိုင်ငံကနေ လာရောက်ပြီး ထိုင်းနိုင်ငံအနောက်ပိုင်း မဲဆောက်မြို့က စက်ရုံတွေမှာ အလုပ်လုပ်နေတဲ့ အလုပ်သမားတွေဟာ တစ်နေ့ အနည်းဆုံးလုပ်အားခက ၃၁၀ ဘတ်အောက်သာ ရရှိပြီး ဒါဟာ ခေါင်းပုံဖြတ် အမြတ်ထုတ်ခံရတာ ဖြစ်တယ်လို့ Reuters သတင်းဌာနက ၂၀၁၉ ခုနှစ် စက်တင်ဘာလမှာ ဖော်ထုတ်ပြခဲ့ပါတယ်။
စက်ရုံပေါင်း ၄၃၀ လောက်ရှိတဲ့ မဲဆောက်မှာ အလုပ်မားအရေအတွက်က ၄၄၅၀၀ လောက်ရှိပြီး အများစုက အိမ်နီးချင်းနိုင်ငံတွေက ရွှေ့ပြောင်းလုပ်သားတွေ ဖြစ်ပါတယ်။
Reuters ရဲ့ သတင်းကြောင့် ထိုင်းအာဏာပိုင်တွေဟာ စက်ရုံ ၂ ရုံကို ၀င်ရောက်စီးနင်းခဲ့ပြီး၊ အဲဒီအထဲက စက်ရုံတစ်ရုံကိုတော့ အလုပ်သမား ၆၀၀ အတွက် နစ်နာကြေး ဘတ် ၁၈ သန်းပေးဖို့ အမိန့်ချခဲ့ပါတယ်။
ကမ္ဘာတစ်ဝှမ်းက နာမည်ကြီးဘရန်းတွေအတွက် ပစ္စည်းထုတ်ပေးတဲ့ အခြားစက်ရုံတစ်ခုကတော့ အလုပ်သမား ၂၆ ဦးအတွက် ဘတ် ၃.၄၈ သန်းပေးဖို့ အာဏာပိုင်တွေရဲ့ဆုံးဖြတ်ချက်ကို မလိုက်နာပါဘူး။
လူ့အခွင့်အရေး အဖွဲ့တစ်ခုဖြစ်တဲ့ HRDF က လုပ်အားခေါင်းပုံဖြတ်ခံရတဲ့ ဒီကိစ္စအတွက် ပြီးခဲ့တဲ့လက ဒေသတွင်း အလုပ်သမားရေးရာတရားရုံးမှာ ဥပဒေကြောင်းအရ တိုင်ကြားမှုတွေ လုပ်ဆောင်ခဲ့ပြီး လာမယ့်လမှာ ပထမဆုံးကြားနာမှု လုပ်ဆောင်မှာ ဖြစ်ပါတယ်။
“မဲဆောင်မှာ လုပ်နေတဲ့ စီးပွားရေးလုပ်ငန်းတိုင်းဟာ ဈေးသက်သာတဲ့ ရွှေ့ပြောင်းလုပ်သားတွေရဲ့ လုပ်အားအပေါ် ခေါင်းပုံဖြတ်နေတယ်ဆိုတာကို ပြသနေပါတယ်” လို့ အလုပ်သမားအရေး ဆောင်ရွက်နေတဲ့ MAP Foundation တာဝန်ရှိသူ Suchart Trakoonhutip က ပြောကြားခဲ့ပါတယ်။
ဒေသတွင်းက ဒီလို လုပ်အားခေါင်းပုံဖြတ်မှုကို အာဏာပိုင်တွေက လစ်လျူရှုထားတယ်ဆိုတဲ့ ၀ဖေန်မှုတွကို ထိုင်း အလုပ်သမားကာကွယ်ရေးနဲ့ ဖူလှုံရေးဌာန တာဝန်ရှိသူ Jarunchai Korsripitakkul က ငြင်းပါတယ်။
မြန်မာရွှေ့ပြောင်းလုပ်သား ၂၆ ဦးကို နစ်နာကြေးမပေးရသေးတဲ့ စက်ရုံပိုင်ရှင် Kanlayanee က သူမအနေနဲ့ ပေးရမယ့်ပမာဏရဲ့ လေးပုံတစ်ပုံ ဘတ် ၈ သိန်းသာ တတ်နိုင်ပြီး ဒါကို အလုပ်သမားတွေက လက်မခံဘူးလို့ ပြောကြားခဲ့ပါတယ်။
ဖြစ်ပျက်ခဲ့တာတွေအတွက် ၀မ်းနည်းမိပြီး အလုပ်သမားတွေအပေါ် ခေါင်းပုံဖြတ်လိုတဲ့ စိတ်စေတနာမျိုးမရှိကြောင်း၊ ဥပဒေကို ချိုးဖောက်ဆောင်ရွက်မိတာကိုတော့ ၀န်ခံကြောင်း သူမက ဖွင့်ဟခဲ့ပါတယ်။
“မဲဆောင်က စက်ရုံအများစုက ဒီလိုပါပဲ။ စက်ရုံကြီးတွေလောက်ပဲ အနိမ့်ဆုံလုပ်အားခကို အတိအကျပေးနိုင်ပါတယ်”
မြန်မာရွှေ့ပြောင်းလုပ်သားတွေကို ကူညီပေးနေတဲ့ HRDF နဲ့ MAP Foundation တွေက မဲဆောက်မှာ အနည်းဆုံးလုပ်အားခ အတိအကျပေးတဲ့စက်ရုံဟာ တစ်ဒါဇင်အောက်လောက်ပဲ ရှိမယ်လို့ ဆိုပါတယ်။
တာ့ခ်ပြည်နယ် အလုပ်သမားရေးရာဌာနည်းကလည်း အလုပ်သမား ၂၆ ဦးကို နစ်နာကြေးမပေးတဲ့ကိစ္စအတွက် Kanlayanee ကို တရားစွဲဖို့ လုပ်ဆောင်နေပါယ်။
******************************************
END /251
