စစ်ကောင်စီ က သုံးမည် ကို စိုးရိမ် သည့်အတွက် မြန်မာ့ ပထမဆုံး ဂြိုဟ်တု အသုံးပြုခွင့် ကို ဂျပန်က ခေတ္တရပ် ဆိုင်းထား

အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ


အာဏာသိမ်း စစ်ကောင်စီက လူထုအပေါ် ဖိနှိပ်မှုမှာ အသုံးပြုနိင်ချေရှိတာကြောင့် မြန်မာနိုင်ငံရဲ့ ပထမဆုံးဂြိုဟ်တု အသုံးပြုမယ့်အစီအစဉ်ကို ခေတ္တရပ်ဆိုင်းထားမယ်လို့ ဂျပန်နိုင်ငံ ဟိုကိုင်းဒိုးတက္ကသိုလ် တာဝန်ရှိသူတွေက ပြောကြားလိုက်ပါတယ်။

ကန်ဒေါ်လာ ၁၅ သန်းတန်တဲ့ ဒီဂြိုဟ်တုစီမံကိန်းကို မြန်မာအစိုးရရဲ့ လေကြောင်းနှင့် အာကာသပညာတက္ကသိုလ် (MAEU) နဲ့ ဟိုကိုင်းဒိုးတက္ကသိုလ်တို့ ပူးပေါင်းဆောင်ရွက်တာ ဖြစ်ပါတယ်။ နည်းပညာမြင့် ကင်မရာတွေပါဝင်တဲ့ ဒီဂြိုဟ်တုဟာ မိုးလေ၀သနဲ့ မြေပြင်အခြေအနေတွေကို စောင့်ကြည့်ထောက်လှမ်းပေးပြီး ရရှိတဲ့အချက်အလက်တွေကို စိုက်ပျိုးရေးနဲ့ ရေလုပ်ငန်းမှာ အသုံးပြုဖို့ ရည်ရွယ်တာပါ။

ဂြိုဟ်တုရဲ့ စောင့်ကြည့်ထောက်လှမ်းနိုင်စွမ်းကို အာဏာသိမ်းစစ်ကောင်စီက ရယူကာ စစ်ဖက်မှာ အသုံးပြုမှာကို စိုးရိမ်ကြောင်း လူ့အခွင့်အရေး အဖွဲ့တွေနဲ့ ဂျပန်အာဏာပိုင်အချို့က ထုတ်ပြောထားပါတယ်။

ဟိုကိုင်းဒိုးတက္ကသိုလ် တာဝန်ရှိသူတွေက ဂြိုဟ်တုကို နိုင်ငံတကာအာကာသစခန်းမှာ ခေတ္တထိန်းသိမ်းထားမှာဖြစ်ပြီး စတင်အသုံးပြုမယ့်ကိစ္စကို ဂျပန်အစိုးရရဲ့ အာကာသအေဂျင်စီ (JAXA) နဲ့ ဆွေးနွေးသွားမယ်လို့ မနေ့က ထုတ်ပြန်ပါတယ်။

“စစ်တပ်နဲ့ ပတ်သက်ဆက်ဆံရတဲ့ ဘယ်အလုပ်ကိုမှ ကျွန်တော်တို့ လုပ်မှာမဟုတ်သလို၊ ဂြိုဟ်တုဟာ စစ်ဖက်အသုံးပြုဖို့ ထုတ်ထားတာလည်း မဟုတ်ပါဘူး။ ဘာလုပ်ရမလဲဆိုတာ ကျွန်တော်တို့ စဉ်းစားနေတယ်။ ဘယ်တော့စပြီး အသုံးပြုမလဲဆိုတာကို ကျွန်တော်တို့ မသိသေးပါဘူး။ လောလောဆယ် ရပ်လိုက်တယ်ဆိုရင်တော့ နောင်တစ်ချိန်မှာ ပြန်စနိုင်ဖို့ မျှော်လင့်ပါတယ်” လို့ အမည်မဖော်လိုတဲ့ စီမံကိန်းမန်နေဂျာက ပြောပါတယ်။

ဒီဂြိုဟ်တုကိစ္စနဲ့ပတ်သက်ပြီး JAXA က ဘယ်တော့ ဆုံးဖြတ်ချက် ချမလဲဆိုတာကို သူက မပြောခဲ့ပါဘူး။

MAEU နဲ့စာချုပ်မှာ ဂြိုဟ်တုကို စစ်ဖက်အတွက် အသုံးမပြုရဘူးလို့ မပါပေမယ့်၊ တက္ကသိုလ်က အချက်အလက်တွေကို ထိန်းသိမ်းထားမှာဖြစ်ပြီး မြန်မာအာဏာပိုင်တွေ ထင်သလို ကြည့်ရှုခွင့်ရမှာ မဟုတ်ဘူးလို့ တက္ကသိုလ် တာဝန်ရှိသူ နောက်တစ်ဦးက ပြောပါတယ်။

အာဏာသိမ်းပြီးနောက်ပိုင်း MAEU ရဲ့ ပါမောက္ခချုပ် ဦးကြည်သွင်နဲ့ ဆက်သွယ်လို့ မရတော့ဘူးလို့လည်း ဟိုကိုင်းဒိုးတက္ကသိုလ်က ပြောပါတယ်။

မြန်မာဂြိုဟ်တုကို ဖေဖော်ဝါရီ ၂၀ ရက်နေ့က လွှတ်တင်ခဲ့တာဖြစ်ပြီး နိုင်ငံတကာအာကာသစခန်းထဲက ဂျပန်အစိုးရပိုင်တဲ့အခန်းမှာ သိမ်းဆည်းထားပါတယ်။

ဂြိုဟ်တုကို စစ်ဖက်မှာသုံးဖို့ ဖန်တီးထားတာမဟုတ်ပေမယ့် အာဏာသိမ်းစစ်ကောင်စီက ဒါကို ရယူပြီး စစ်တပ်အတွက်အသုံးပြုဖို့ သိပ်မခက်ဘူးလို့ Human Rights Watch အဖွဲ့ရဲ့ အာရှရေးရာ တာဝန်ရှိသူ တက်ပီကာဆိုင်က ပြောကြားခဲ့ပါတယ်။

ဂျပန်နိုင်ငံဟာ မြန်မာနဲ့ နီးစပ်တဲ့ ဆက်ဆံရေးရှိပြီး အဓိက ကူညီထောက်ပံ့ပေးနေသူလည်း ဖြစ်ပါတယ်။ စစ်အာဏာသိမ်းမှုကို ရှုတ်ချခဲ့ပေမယ့် စစ်ကောင်စီကို ဆန့်ကျင်ရေး တွန်းတွန်းတိုက်တိုက် လုပ်ဆောင်တာမျိုး မရှိသေးပါဘူး။

******************************************
END / 251