အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ
စစ်အာဏာသိမ်းမှု နောက်ဆက်တွဲ ဂယက်တွေကြောင့် မြန်မာနိုင်ငံမှာ နောက်ထပ် ၆ လအတွင်း လူ ၃ သန်းကျော် စားနပ်ရိက္ခာပြတ်လတ်မှုနဲ့ ကြုံတွေ့ရနိုင်တယ်လို့ ကုလသမဂ္ဂ စားနပ်ရိက္ခာအဖွဲ့ WFP က သတိပေးလိုက်ပါတယ်။
ရန်ကုန်မြို့နဲ့ အနီးတစ်ဝိုက်က မြို့နယ်တွေမှာတောင် လူတွေဟာ ခြို့ခြံ စားသုံးရတာ၊ အဟာရနည်းတဲ့ အစားအသောက်တွေ စားရတာ၊ အကြွေးမြင့်တက်လာတာတွေ ဖြစ်နေပြီး နိုင်ငံတစ်ဝှမ်းက အခြားဒေသတွေရဲ့ အခြေအနေတွေကိုလည်း စောင့်ကြည့်နေတယ်လို့ WFP က ပြောပါတယ်။
“အလုပ်အကိုင်ဆုံးရှုံးသူတွေ ပိုပိုများလာပြီး စားနပ်ရိက္ခာဝယ်ယူဖို့ မတတ်နိုင်တော့ပါဘူး။ ချက်ခြင်းဖြစ်ပေါ်လာမယ့် ထိခိုက်ခံစားမှုကို လျော့ပါးစေဖို့နဲ့ စားနပ်ရိက္ခာဖူလှုံရေးမှာ စိုးရိမ်ဖွယ်ရာ ဆိုးဆိုးရွားရွား ဖြစ်လာတာကို တားဆီးဖို့အတွက် ထိရောက်တဲ့ ဆောင်ရွက်မှုတွေ ချက်ခြင်း လိုအပ်နေပါတယ်” လို့ WFP ရဲ့ မြန်မာနိုင်ငံဆိုင်ရာ ဌာနေကိုယ်စားလှယ် စတီဖင် အန်ဒါဆန်က ပြောကြားခဲ့ပါတယ်။
WFP ဟာ မြို့ကြီးတွေနဲ့ မကြာသေးခင်က အိုးအိမ်စွန့်ခွာထွက်ပြေးရတဲ့ ချို့တဲ့မြို့နယ်တွေက ထိခိုက်ခံစားလွယ်သူ စုစုပေါင်း ၂ သန်းအတွက် စားနပ်ရိက္ခာထောက်ပံ့ရေး တိုးမြှင့်ဆောင်ရွက်ဖို့ ကြိုးစားနေပါတယ်။
နိုင်ငံတစ်ဝှမ်း ကုန်ဈေးနှုန်းတွေ မြင့်တက်လာတာကိုလည်း WFP က ထောက်ပြခဲ့ပါတယ်။ ဆန်ဈေးဟာ ဇန်နဝါရီလကထက်စာရင် ၅ ရာခိုင်နှုန်း မြင့်တက်လာခဲ့ပြီး၊ ဟင်းချက်ဆီဈေးက ၁၈ ရာခိုင်နှုန်းကနေ ၂၅ ရာခိုင်နှုန်းအထိ၊ နယ်စပ်ဒေသတွေမှာ ဒီထက်ပိုပြီး တက်လာတာကို တွေ့ရတယ်လို့ WFP က ဆိုပါတယ်။
မြန်မာနိုင်ငံမှာ မိမိတို့ စားနပ်ရိက္ခာ ကူညီထောက်ပံ့ပေးနေတဲ့ လူဦးရေ ၁.၃ သန်း ရှိပြီး နောက်ထပ် လအနည်းငယ်အတွင်းမှာ ၃.၃ သန်းအထိ ရှိလာမှာဖြစ်ကာ ကန်ဒေါ်လာ ၁၀၆ သန်း အရေးတကြီး လိုအပ်နေတယ်လို့ WFP က ထည့်သွင်းပြောဆိုခဲ့ပါတယ်။
*****************************************************************
END / 251
