ထင်ရှား သည့် ယူအေအီး လူ့အခွင့် အရေး လှုပ်ရှားသူ လန်ဒန် ၊ ကားမတော် တဆမှု တွင် ကွယ်လွန်

အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ


အာရပ်စော်ဘွားများပြည်ထောင်စု (ယူအေအီး) က ထင်ရှားတဲ့ လူ့အခွင့်အရေး တက်ကြွလှုပ်ရှားသူ အဲလာ အလ်-ဆစ်ဒစ်ဟာ လန်ဒန်မြို့က ကားမတော်တဆမှုမှာ ကွယ်လွန်သွားခဲ့ပါတယ်။

အဲလာဟာ ယူအေအီးနဲ့ ပင်လယ်ကွေ့ဒေသမှာ လွတ်လပ်မှုနဲ့ လူ့အခွင့်အရေး ပိုမိုထွန်းကားအောင် တိုက်တွန်းဆော်ဩတဲ့ အကျိုးအမြတ်မယူတဲ့ ယူကေအခြေစိုက်အဖွဲ့ ALQST ရဲ့ အမှုဆောင် ဒါရိုက်တာ ဖြစ်ပါတယ်။

“ချစ်ခင်လေးစားရတဲ့ အမှုဆောင်ဒါရိုက်တာ အဲလာ အလ်-ဆစ်ဒစ် ၂၀၂၁ ခုနှစ် ဇွန်လ ၁၉ ရက်နေ့မှာ ရုတ်တရက်ကွယ်လွန်သွားမှုအတွက် ဝမ်းနည်းကြေကွဲရပါတယ်။ ငြိမ်းချမ်းစွာ အနားယူပါတော့” လို့ ALQST အဖွဲ့က သူတို့ရဲ့ Twitter စာမျက်နှာမှာ ရေးသားခဲ့ပါတယ်။

ဖခင်ဖြစ်သူ မိုဟာမက် အလ်-ဆစ်ဒစ်ကလည်း ထင်ရှားတဲ့ လူ့အခွင့်အရေး တက်ကြွလှုပ်ရှားသူတစ်ဦးဖြစ်ပြီး ၂၀၁၃ ခုနှစ်ကတည်းက ယူအေအီးမှာ ဖမ်းခံထားရတာပါ။

ယူအေအီးအာဏာပိုင်တွေက ဖမ်းဆီးဖို့ ကြိုးစားတာကြောင့် အဲလာနဲ့ ခင်ပွန်းဖြစ်သူတို့ဟာ ၂၀၁၂ ခုနှစ်က ကာတာနိုင်ငံမှာ ခိုလှုံခွင့်လျှောက်ထားပြီး နေထိုင်ခဲ့ရပါတယ်။ အဲလာကို လွှဲပေးဖို့ ယူအေအီးက တောင်းဆိုခဲ့ပေမယ့် ကာတာက ပယ်ချခဲ့ပါတယ်။



*****************************************************************
END / 251