အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ
ဖေဖော်ဝါရီ ၁ ရက်နေ့ အာဏာသိမ်းပြီးနောက်ပိုင်း ဖြစ်ပေါ်လာတဲ့ မတည်ငြိမ်မှုတွေကြောင့် အိုးအိမ်စွန့်ခွာ ထွက်ပြေးရသူတွေကို အကူအညီပေးနိုင်ရေး လမ်းကြောင်းတစ်ခု ဖော်ဆောင်ပေးဖို့ အာဏာသိမ်းစစ်ကောင်စီကို ပုပ်ရဟန်းမင်းကြီး ဖရန်စစ်က မေတ္တာရပ်ခံလိုက်ပါတယ်။
အာဏာသိမ်းမှုဆန့်ကျင်တာကို စစ်ကောင်စီက အကြမ်းဖက်တုန့်ပြန်တာကြောင့် မြန်မာနိုင်ငံတစ်ဝှမ်းက ပြည်သူတွေဟာ ရရာလက်နက်စွဲကိုင်ပြီး တော်လှန်တိုက်ထုတ်နေကြတာပါ။
စစ်ကောင်စီတပ်တွေကလည်း လေယာဉ်တွေ၊ လက်နက်ကြီးအပါအဝင် အင်အားအများအပြားသုံးပြီး အရပ်သားတွေနေထိုင်တဲ့ နေရာပါမကျန် တုန့်ပြန်တိုက်ခိုက်တာကြောင့် အိုးအိမ်စွန့်ခွာ ထွက်ပြေးရသူအရေအတွက်ဟာ သိန်းချီရှိလာပြီ ဖြစ်ပါတယ်။
ဒီကနေ့ စိန့်ပီတာရင်ပြင်က ဝတ်ပြုဆုတောင်းပွဲမှာ ပုပ်ရဟန်းမင်းကြီး ဖရန်စစ်က လူသားချင်းစာနာထောက်ထားဖို့၊ ဘာသာရေးအဆောက်အဦးတွေကို လေးစားဖို့ မြန်မာနိုင်ငံ ကက်သလစ်ရဟန်းတော်များအသင်းရဲ့ ပြီးခဲ့တဲ့တစ်ပတ်က မေတ္တာရပ်ခံမှုအတိုင်း မိမိလည်း စစ်ကောင်စီကို ထပ်လောင်း မေတ္တာရပ်ခံလိုတယ်လို့ ပြောကြားခဲ့ပါတယ်။
မတည်ငြိမ်မှုတွေကြောင့် အိုးအိမ်စွန့်ခွာ ထွက်ပြေးရတဲ့ မြန်မာနိုင်ငံက ထောင်နဲ့ချီတဲ့သူတွေဟာ ဆာလောင်မွတ်သိပ်မှုလို ကြေကွဲစရာ အခြေအနေတွေနဲ့ ကြုံတွေ့နေရတယ်လို့ ပုပ်ဖရန်စစ်က ထည့်သွင်းပြောဆိုခဲ့ပါတယ်။
ဒါ့အပြင် အကြမ်းဖက်မှုတွေ ရပ်တန်ဖို့၊ ဖမ်းဆီးထားသူတွေကို ပြန်လွှတ်ပေးဖို့လည်း တောင်းဆိုခဲ့ပါတယ်။
လတ်တလောဖြစ်ပွားနေတဲ့ မတည်ငြိမ်မှုတွေအတွင်း စစ်ကောင်စီတပ်တွေဟာ ကယားပြည်နယ်မှာ ခရစ်ယာန်ဘုရားကြောင်းကို လက်နက်ကြီးနဲ့ ထုခဲ့တဲ့အတွက် ဘုရားကျောင်းပျက်ဆီးကာ အထဲမှာ ခိုလှုံနေသူတစ်ချို့ သေဆုံးဒဏ်ရာရတာတွေ ဖြစ်ပွားခဲ့ပါတယ်။
*****************************************************************
END / 251
