စစ်ကောင်စီ ၏ အကြမ်းဖက်မှု များကို စုံစမ်းဖော်ထုတ်မည့် နိုင်ငံတကာ အဖွဲ့သစ်တစ်ခု ပေါ်လာ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


အာဏာသိမ်းပြီးနောက်ပိုင်း စစ်ကောင်စီက ကျူးလွန်တဲ့ အကြမ်းဖက်မှုတွေ၊ လူ့အခွင့်အရေးချိုးဖောက်မှုတွေကို စုံစမ်းဖော်ထုတ်မယ့် အဖွဲ့တစ်ခု ပေါ်ပေါက်လာပါတယ်။

Myanmar Witness လို့ခေါ်တဲ့ အဲဒီအဖွဲ့ကို ဗြိတိသျှအစိုးရက ငွေကြေးထောက်ပံ့ပေးတာဖြစ်ပြီး ဖော်ထုတ်ရရှိတဲ့ သတင်းအချက်အလက်တွေကို ကုလသမဂ္ဂရဲ့ မြန်မာနိုင်ငံဆိုင်ရာ စုံစမ်းစစ်ဆေးရေးအဖွဲ့ထံ တင်သွင်းသွားမှာ ဖြစ်ပါတယ်။

ဖေဖော်ဝါရီ ၁ ရက်နေ့ အာဏာသိမ်းပြီးနောက်ပိုင်း စစ်ကောင်စီတပ်တွေရဲ့ အကြမ်းဖက်မှုကြောင့် နိုင်ငံတစ်ဝှမ်း လူ ၉၀၀ နီးပါး သေဆုံးခဲ့ပြီး ဒဏ်ရာရသူနဲ့ ဖမ်းဆီးခံရသူ ထောင်ချီရှိနေပါတယ်။

စစ်တပ်ဟာ အရင်ကလည်း တိုင်းရင်းသားဒေသတွေမှာ ပြည်သူတွေအပေါ် အကြမ်းဖက်တိုက်ခိုက်မှုတွေ ကျူးလွန်တဲ့မှတ်တမ်း ရှိပြီး ရခိုင်ပြည်နယ်က ရိုဟင်ဂျာတွေအပေါ် ကျူးလွန်မှုအတွက် နိုင်ငံတကာ ခုံသမာဓိရုံး ICJ မှာလည်း တရားရင်ဆိုင်နေရပါတယ်။

“လူ့အခွင့်အရေး ချိုးဖောက်နိုင်ဖွယ်ရှိတဲ့ ကိစ္စတွေကို Myanmar Witness က လွတ်လပ်စွာ စုံစမ်းဖော်ထုတ်၊ အချက်အလက် ရှာဖွေ၊ သိမ်းဆည်း၊ အတည်ပြုကာ၊ သုံးသပ်သွားမှာဖြစ်ပါတယ်” လို့ အဖွဲ့က ထုတ်ပြန်တဲ့ ကြေငြာချက်မှာ ဖော်ပြထားပါတယ်။

အရပ်သားတွေဖက်က အချက်အလက်တွေပေးပို့ဖို့ တိုက်တွန်းသွားမှာဖြစ်သလို၊ ဆိုရှယ်မီဒီယာတွေမှာ ပြန့်နှံ့နေတဲ့ ကိစ္စတွေကို လွတ်လပ်စွာ အတည်ပြု စစ်ဆေးမှာဖြစ်တယ်လို့လည်း ဒီအဖွဲ့က ဆိုပါတယ်။

စစ်ကောင်စီတပ်တွေရဲ့ အကြမ်းဖက်မှုတွေ၊ အရပ်သားနေထိုင်ရာနေရာ၊ ဘာသာရေးအဆောက်အဦးတွေကို ဗုံးကြဲတိုက်ခိုက်မှုတွေ၊ ဆန္ဒပြပြည်သူတွေကို ရည်ရွယ်ချက်ရှိရှိ ထိခိုက်နာကျင်အောင် လုပ်ဆောင်မှု အထောက်အထားတွေကို ရှာဖွေဖော်ထုတ် အတည်ပြုထားတယ်လို့လည်း ဒီအဖွဲ့က ထည့်သွင်းပြောဆိုခဲ့ပါတယ်။

ဖေဖော်ဝါရီလ ၁ ရက်နေ့ အာဏာသိမ်းပြီးနောက်ပိုင်း နိုင်ငံတစ်ဝှမ်း ပေါ်ပေါက်လာတဲ့ မတည်ငြိမ်မှုတွေကြောင့် အနည်းဆုံး ပြည်သူ ၂ သိန်းကျော် အိုးအိမ်စွန့်ခွာ ထွက်ပြေးနေရတယ်လို့ ကုလသမဂ္ဂက ထုတ်ပြန်ထားပါတယ်။

***********************************************************************
END / 251