တယ်လီနော က မြန်မာနိုင်ငံ မှ လုပ်ငန်း ကို ရောင်းချ လိုက်ကြောင်း ကြေငြာ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ




မြန်မာနိုင်ငံက သူတို့ရဲ့လုပ်ငန်းကို လက်ဘနွန် စီးပွားရေးလုပ်ငန်းတစ်ခုဖြစ်တဲ့ M1 Group ကို အမေရိကန်ဒေါ်လာ ၁၀၅ သန်းနဲ့ ရောင်းချလိုက်ပြီး စစ်အာဏာသိမ်းပြီးနောက်ပိုင်း ဆိုးရွားလာတဲ့ အခြေအနေကြောင့် ဒီလိုဆုံးဖြတ်ရတာ ဖြစ်တယ်လို့ နော်ဝေဆက်သွယ်ရေးလုပ်ငန်း တယ်လီနောက ဒီကနေ့မှာ ကြေငြာချက် ထုတ်ပြန်ပါတယ်။

“အခြေအနေတွေ ပိုမိုဆိုးရွားလာတာနဲ့ မြန်မာနိုင်ငံမှာ လတ်တလောဖြစ်နေတဲ့ အဖြစ်အပျက်တွေက ရင်းနှီးမြှုပ်နှံမှု နောက်ဆုတ်ဖို့ ဆုံးဖြတ်ချက်ရဲ့ အခြေခံအကြောင်းအရင်း ဖြစ်ပါတယ်”

လွန်ခဲ့တဲ့ ၁၀ နှစ်အရင် မြန်မာနိုင်ငံမှာ ဒီမိုကရေစီ ပြုပြင်ပြောင်းလဲရေးလုပ်ပြီးနောက်ပိုင်း ဝင်ရောက်လာတဲ့ အနောက်နိုင်ငံက အနည်းငယ်သော ကုမ္ပဏီတွေထဲမှာ တယ်လီနောလည်းပါဝင်ပြီး မြန်မာနိုင်ငံက အကြီးမားဆုံး နိုင်ငံခြားရင်းနှီးမြှုပ်နှံမှုတွေထဲက တစ်ခုလည်း ဖြစ်ပါတယ်။

ဖေဖော်ဝါရီ ၁ ရက်နေ့ အာဏာသိမ်းပြီးနောက်ပိုင်း စစ်ကောင်စီဟာ ပြည်သူတွေရဲ့ ဆက်သွယ်ရေးနဲ့ပတ်သက်လို့ ကန့်သတ်ထိန်းချုပ်တာတွေ ပိုမိုလုပ်ဆောင်လာတာကြောင့် ဆက်သွယ်ရေးကုမ္ပဏီတွေအနေနဲ့ လုပ်ငန်းလည်ပတ်ဖို့ ခက်ခဲလာတာ ဖြစ်ပါတယ်။

စစ်ကောင်စီရဲ့ အင်တာနက်နဲ့ ဆက်သွယ်ရေးပိတ်ဆို့မှုတွေ၊ နိုင်ငံတစ်ဝှမ်း ဖြစ်ပေါ်လာတဲ့ မတည်ငြိမ်မှုတွေကြောင့် လုပ်ငန်းထိခိုက်မှု ရှိတဲ့အတွက် တယ်လီနောမြန်မာက မေလမှာ သူတို့ရဲ့ ပိုင်ဆိုင်မှုတန်ဖိုးဟာ ကန်ဒေါ်လာ ၇၄၂ သန်းဖိုးလောက် လျော့ကျသွားတယ်လို့ ထုတ်ပြန်ခဲ့ပါတယ်။

စစ်ကောင်စီဟာ နိုင်ငံအတွင်း ဆက်သွယ်ရးကုမ္ပဏီတွေက အကြီးအကဲတွေကို ပြည်ပထွက်ခွာခွင့် ပိတ်ထားပြီး၊ အသုံးပြုသူတွေကို ကြားဖြတ်စောင့်ကြည့် ခြေရာခံနိုင်မယ့် ကိရိယာတွေ၊ နည်းပညာတွေ တပ်ဆင်ဖို့ အဓမ္မ ဖိအားပေးမှုတွေ ရှိနေပါတယ်။

အခုဝယ်ယူလိုက်တဲ့ M1 Group ကုမ္ပဏီဟာ မြန်မာနိုင်ငံမှာ လုပ်ငန်း ဆက်လက်လည်ပတ်လိမ့်မယ်လို့ တယ်လီနော အမှုဆောင်အရာရှိ ဆစ်ဂ်ျဗီ ဘရက်ကီက ပြောပါတယ်။

“ပြီးခဲ့တဲ့ လအနည်းငယ်အတွင်း မြန်မာနိုင်ငံမှာ ဖြစ်ပေါ်ခဲ့တဲ့ အခြေအနေတွေဟာ ပြည်သူတွေရဲ့ လုံခြုံရေး၊ ဥပဒေစည်းမျဉ်းစည်းကမ်းတွေနဲ့ပတ်သက်ပြီး တယ်လီနောအတွက် စိန်ခေါ်မှုတွေ ပိုဖြစ်စေပါတယ်”

တယ်လီနောဟာ ဘင်္ဂလာဒေ့ရှ်၊ ပါကစ္စတန်၊ ထိုင်းနဲ့ မလေးရှားနိုင်ငံတို့မှာလည်း ရင်းနှီးမြှုပ်နှံထားပြီး၊ လူဦးရေ ၅၄ သန်းရှိတဲ့ မြန်မာနိုင်ငံမှာ သုံးပုံတစ်ပုံဖြစ်တဲ့ ၁၈ သန်းလောက်ကို ဝန်ဆောင်မှုပေးနေတာ ဖြစ်ပါတယ်။
M1 Group ဆိုတာ ဘာလဲ

လက်ဘနွန်နိုင်ငံ ဘေရွတ်မြို့အခြေစိုက်တဲ့ M1 Group ကို ၁၉၈၀ ပြည့်နှစ်လောက်က တာဟာ မီကာတီနဲ့ နာဂျစ် မီကာတီ ညီအစ်ကိုနှစ်ဦးက တည်ထောင်ခဲ့တာပါ။ နာဂျစ် မီကာတီဟာ ၂၀၀၅ ခုနှစ်မှာ လက်ဘနွန်ဝန်ကြီးချုပ် ဖြစ်လာခဲ့ပါတယ်။

ဆောက်လုပ်ရေးလုပ်ငန်းနဲ့ စတင်ခဲ့တဲ့ ဒီလုပ်ငန်းဟာ နောက်ပိုင်း တယ်လီဖုန်းဆက်သွယ်ရေးလုပ်ငန်းမှာပါချဲ့ထွင်လုပ်ကိုင်လာခဲ့ပြီး Investcom ဆိုတဲ့အမည်နဲ့ ကုမ္ပဏီထူထောင်ခဲ့ပါတယ်။

Investcom ကို ၂၀၀၆ ခုနှစ်မှာ တောင်အာဖရိက စီးပွားရေးလုပ်ငန်း MTN က ဝယ်ယူခဲ့ပါတယ်။

မီကာတီညီအစ်ကိုတွေဟာ ၂၀၀၇ ခုနှစ်မှာ M1 Group ဆိုတဲ့အမည်နဲ့ စီးပွားရေးလုပ်ငန်းစုကို ထူထောင်ခဲ့ပြီး MTN ရဲ့ ရှယ်ယာ ၁၀ ရာခိုင်နှုန်းကို ပိုင်ဆိုင်ထားသလို၊ ကမ္ဘာတစ်ဝှမ်း အိမ်ခြံမြေလုပ်ငန်း၊ ဖက်ရှင်လုပ်ငန်း၊ ငွေကြေးလုပ်ငန်း၊ ရင်းနှီးမြှုပ်နှံမှုနဲ့ အခြား စီးပွားရေးလုပ်ငန်းပေါင်းများစွာကို လုပ်ကိုင်နေပါတယ်။


****************************************************************

END / 251