အိန္ဒိယပြည်တွင်းဖြစ် လေယာဉ်တင်သင်္ဘော၏ ပထမဆုံး ပင်လယ်ခရီးစဉ် အောင်မြင်စွာ ပြီးဆုံး

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ



အိန္ဒိယနိုင်ငံရဲ့ ပထမဆုံး ပြည်တွင်းဖြစ် လေယာဉ်တင်သင်္ဘော Vikrant ရဲ့ ပွဲဦးထွက် ၅ ရက်တာ ပင်လယ်ခရီးစဉ်ဟာ တနင်္ဂနွေနေ့မှာ ပြီးဆုံးခဲ့ပါတယ်။

ဒါဟာ အိန္ဒိယသမုဒ္ဒရာနဲ့ တောင်တရုတ်ပင်လယ်အတွင်း တရုတ်ရဲ့လွှမ်းမိုးမှုကို ယှဉ်နိုင်ဖို့ အိန္ဒိယရေတပ်ရဲ့ ကြိုးပမ်းမှုမှာ အရေးပါတဲ့ ခြေလှမ်းတစ်လှမ်း လှမ်းလိုက်နိုင်တာလည်း ဖြစ်ပါတယ်။

Vikrant ဟာ တန်ချိန်ပေါင်း ၄ သောင်းရှိပြီး ရူပီး ကုဋေပေါင်း ၂ သောင်း ၃ ထောင် ကုန်ကျခဲ့ကာ လာမယ့်နှစ် ဩဂုတ်လမှာ တပ်တော်ဝင်ဖို့ စီစဉ်ထားပါတယ်။ ကီရာလာပြည်နယ်က သင်္ဘောကျင်းမှာ တည်ဆောက်ထားတဲ့ Vikrant မှာ လက်ရှိ တာဝန်ထမ်းဆောင်နေတဲ့  လေယာဉ်တင်သင်္ဘော Vikramaditya ထက် ပိုပြီး အဆင့်မြင့်တဲ့ ဖွဲ့စည်းပုံတွေ ပါဝင်ပါတယ်။ တည်ဆောက်မှုမှာ အီတလီ သင်္ဘောဆောက်လုပ်ရေးကုမ္ပဏီ Fincantieri က လိုအပ်တဲ့အကြံဉာဏ်တွေ ပေးခဲ့ပါတယ်။

ရေတပ်သား ၁၇၀၀ လိုက်ပါမယ့် အဲဒီသင်္ဘောမှာ အမျိုးသမီးတပ်ဖွဲ့ဝင်တွေအတွက် သီးသန့် အဆောင်ထားပေးထားသလို၊ စက်ပိုင်းဆိုင်ရာ၊ ရေကြောင်းပြစနစ်နဲ့ ခံနိုင်ရည်စွမ်းမှာလည်း
Vikramaditya ထက် ပိုမိုကောင်းမွန်ပါတယ်။ Vikramaditya ဟာ ဆိုဗီယက် Kiev အမျိုးအစား လေယာဉ်တင်သင်္ဘောကို အိန္ဒိယကဝယ်ယူပြီး အဆင့်မြင့်ကာ ၂၀၁၃ ခုနှစ်မှာ တပ်တော်ဝင်ခဲ့တာပါ။

အိန္ဒိယရေတပ်ရဲ့ ပြောရေးဆိုခွင့်ရှိသူ တပ်မှူး Vivek Madhwal က Vikrant ရဲ့ ပထမဆုံး ပင်လယ်ခရီးစဉ် အောင်မြင်စွာ ပြီးဆုံးခဲ့ပြီး သင်္ဘောရဲ့ ကိုယ်ထည်ပိုင်း၊ အင်ဂျင်ပိုင်း၊ စက်ပစ္စည်းပိုင်း၊ လုပ်ဆောင်ချက်ပိုင်းအားလုံးမှာ ကျေနပ်လောက်စရာ ရလဒ်တွေကို ရခဲ့တယ်လို့ ပြောကြားခဲ့ပါတယ်။ ဒါဟာ အိန္ဒိယ လွတ်လပ်ရေး ၇၅ နှစ်မြောက် နှစ်ပတ်လည်နေ့ကို ဂုဏ်ပြုတာဖြစ်တယ်လို့လည်း သူက ဆိုပါတယ်။

ရေတပ် ဒုတိယဦးစီးချုပ် AK Chawla က ဒါဟာ တိုင်းပြည်ရဲ့ သမိုင်းဝင်ကာလဖြစ်တယ်လို့ ပြောပါတယ်။

Vikrant မှာ လောလောဆယ် ရုရှားထုတ် MiG-29K တိုက်လေယာဉ်၊ ကင်းထောက်ရဟတ်ယာဉ် Kamov Ka-31 Helix၊ ရေငုပ်သင်္ဘောဖျက် ရဟတ်ယာဉ် Ka-28 Helix၊ ဘက်စုံသုံး ရဟတ်ယာဉ် HAL Chetak တို့ကို ချထားမှာ ဖြစ်ပါတယ်။ အိန္ဒိယဟာ Vikrant မှာ ချထားဖို့အတွက် ဘက်စုံသုံး တိုက်လေယာဉ်သစ်တွေ ရရှိဖို့ ကြိုးပမ်းနေပါတယ်။

သင်္ဘောရဲ့ ရေဒါပိုင်းနဲ့ လက်နက်ပိုင်းမှာ ရုရှားနဲ့ အစ္စရေးက စနစ်တွေ တပ်ဆင်ထားပြီး၊ မြေပြင်က ဝေဟင်ပစ် Rafael Barak 8 ဒုံးကျည်၊ အနီးပစ် AK-630 Gatling လက်နက်စနစ် တွေလည်း ပါဝင်ပါတယ်။

Vikrant ကို ဒီထက်ပိုစောစော စမ်းသပ်မောင်းနှင်ဖို့ စီစဉ်ထားပေမယ့် ကိုဗစ်ကပ်ရောဂါကြောင့် နှောင့်နှေးခဲ့ရတာပါ။

အိန္ဒိယရေတပ်မှာ လက်ရှိ လေယာဉ်တင်သင်္ဘော ၂ စီး ရှိထားပြီး သူတို့ထက်ပိုကြီးကာ ပိုအဆင့်မြင့်မယ့် ဒုတိယမြောက် ပြည်တွင်းဖြစ် လေယာဉ်တင်သင်္ဘော INS Vishal ကို တည်ဆောက်ဖို့ စီစဉ်နေပါတယ်။ ဒီသင်္ဘောအတွက် အိန္ဒိယဟာ အမေရိကန်၊ ယူကေတို့နဲ့ ပူးပေါင်းဆောင်ရွက်မှာ ဖြစ်ပါတယ်။ ဒီသင်္ဘောသစ်ကို ၂၀၃၀ ပြည့်နှစ်တွေမှာ တပ်တော်ဝင်ဖို့ စီစဉ်ထားပါတယ်။


****************************************************************

END / 251