ဗလီဝတ် ကျောင်းတော်ဆိုင်ရာ ဖိုရမ်တစ်ခုကို ဆော်ဒီအာရေဗျတွင် ကျင်းပမည်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ



အစ္စလာမ်သာသနာ သမိုင်းတစ်လျှောက် ဗလီဝတ်ကျောင်းတော်တွေ ဖြစ်ပေါ် တိုးတက်လာပုံနဲ့ပတ်သက်တဲ့ နိုင်ငံတကာ ဖိုရမ်တစ်ခုကို ဆော်ဒီအာရေဗျနိုင်ငံမှာ အခုတစ်ပတ်အတွင်း ပြုလုပ်ဖို့ ရှိနေပါတယ်။

နိုင်ငံအရှေ့ပိုင်း ဒဟ်ရန်မြို့က ‘ကင်း အဘ်ဒူလ်အဇစ် ယာဉ်ကျေးမှုစင်တာ’ (Ithra) မှာ နိုဝင်ဘာ ၂၃ ရက်နေ့ကနေ ၂၅ ရက်နေ့အထိ ပြုလုပ်သွားမှာပါ။ ဒီဖိုရမ်ကို Ithraနဲ့ ဗလီဝတ်ကျောင်းတော် ဗိသုကာဆိုင်ရာ ဆုချီးမြှင့်ရေးအဖွဲ့ Abdullatif Al-Fozan Award for Mosque Architecture တို့ ပူးပေါင်း စီစဉ်တာဖြစ်ပါတယ်။

ဖိုရမ်မှာ အစ္စလာမ်သာသနာ သမိုင်းတစ်လျှောက် ဗလီဝတ်ကျောင်းတော်တွေ ဖြစ်ပေါ်တိုးတက်လာပုံ၊ ဗလီဝတ်ကျောင်းတော်ရဲ့ လုပ်ငန်းစဉ်တွေ၊ ဗိသုကာလက်ရာတွေ၊ သမိုင်းကြောင်းတွေ၊ လူအဖွဲ့အစည်းကို နယ်ပယ်စုံမှာ အထောက်အကူပြုခဲ့ပုံတွေကို ဆွေးနွေး တင်ပြမှာဖြစ်ပြီး ကမ္ဘာတစ်ဝှမ်းက နာမည်ကျော် ဗလီဝတ်ကျောင်းတော်တွေရဲ့ ပုံတူပြပွဲလည်း ပါဝင်မှာ ဖြစ်ပါတယ်။

ဖိုရမ်ကို ကမ္ဘာတစ်ဝှမ်းက ကျွမ်းကျင်သူတွေ၊ သမိုင်းပညာရှင်၊ ဗိသုကာပညာရှင်တွေ၊ ကျောင်းသူကျောင်းသားတွေ တက်ရောက်ကြမှာဖြစ်ပါတယ်။

Ithra စင်တာက တာဝန်ရှိသူ အမျိုးသမီး ဖာရာအဘူရှူလာအီက ဒီဖိုရမ်ဟာ သမိုင်းတစ်လျှောက် အစ္စလာမ့် အနုပညာလက်ရာတွေကို မပျောက်မပျက် ထိန်းသိမ်းပုံ၊ အစ္စလာမ်ကို အခြေခံတဲ့ အနုပညာ၊ ဗိသုကာအကြောင်း၊ အစ္စလာမ်သာသနာက သတ်မှတ်တဲ့ ဝတ်ပြုရာနေရာတဲ့ အဓိပ္ပါယ် လုပ်ဆောင်ချက်တွေကို မီးမောင်းထိုးပြသွားမှာ ဖြစ်တယ်လို့ ပြောကြားခဲ့ပါတယ်။

*********************************************************************
END / 251