ထန်တလန်မြို့ ထပ်မံမီးလောင်မှု လူနေအိမ် ၅၀ နီးပါး ပျက်စီးဆုံးရှုံး

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


ချင်းပြည်နယ်၊ ထန်တလန်မြို့တွင် ယမန်နေ့ နိုဝင်ဘာလ ၂၄ ရက် နေ့လယ်၂ နာရီကျော်မှ စတင်ပြီး လူနေအိမ်များ မီးလောင်ခဲ့ကာ ဘုရားကျောင်းအပါအဝင် အိမ်အလုံးရေ ၅၀ နီးပါး ပျက်စီး ဆုံးရှုံးကြောင်း ထိုဘုရားကျောင်း၏ သင်းအုပ်ဆရာထံက သိရသည်။

ထန်တလန် ရာပြည့်နှစ်ခြင်း ဘုရားကျောင်း (TCBC) အပါအဝင် ဇုန်မွှန်ရပ်ကွက်၊ စိုက်ပျိုးရေး ရပ်ကွက် နှင့် ရဲစခန်း အနောက်ဘက် အခြမ်းရှိ လူနေအိမ် ၄၉ လုံး မီးလောင်သွားခြင်း ဖြစ်သည်။

ထိုမီးလောင်မှုသည် စစ်ကောင်စီတပ်များ၏ ရှို့မီးကြောင့် ဖြစ်သည်ဟု ချင်းအမျိုးသား တပ်မတော် (CNA) ၏ ပြောရေးဆိုခွင့်ရှိသူ ဆလိုင်းထက်နီက ပြောသည်။

“စစ်ကောင်စီ တပ်တွေက သူတို့ကို ချုံခိုတိုက်မယ့်နေရာတွေနဲ့ အကာအကွယ်ကောင်းတဲ့ နေရာတွေကို နေရာယူဖို့ ခက်ခဲအောင် အခုလို အိမ်တွေကို မီးရှို့နေတာလို့ ယူဆတယ်” ဟု ၎င်းက ဆိုသည်။

ဒေသခံပြည်သူများ နေထိုင်ခြင်း မရှိတော့သည့် ထန်တလန်မြို့တွင် ချင်းအမျိုးသား တပ်မတော် (CNA)၊ ချင်းကာကွယ်ရေးတပ်ဖွဲ့ (CDF)တို့ နှင့် စစ်ကောင်စီတပ်များ အကြား ထိတွေ့ ပစ်ခတ်မှုများ မကြာခဏ ဖြစ်ပွားကြောင်းလည်း ဆလိုင်းထက်နီက ပြောသည်။

ထန်တလန်မြို့သည် စက်တင်ဘာလ ၉ ရက် မှ နိုဝင်ဘာလ ၂၄ ရက်အတွင်း ရှစ်ကြိမ် မီးရှို့ခံခဲ့ရပြီး ခရစ်ယာန် ဘုရားကျောင်း သုံးကျောင်း အပါအဝင် လူနေအိမ် ၂၅၃ လုံး ပျက်စီး ဆုံးရှုံးခဲ့ရကြောင်း မြို့ခံများက ပြုစုထားသော အချက်အလက်များအရ သိရသည်။

*********************************************************************
END / 251