အမေရိကန် လက်နက်များ ကို ဖျက်ဆီးရန် က​မ္ဘောဒီးယား ဝန်ကြီးချုပ် အမိန့်ထုတ်

 အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


အမေရိကန်ထုတ်လက်နက်တွေကို ဖျက်ဆီးဖို့ ဒါမှမဟုတ် လွှတ်ပစ်ကြဖို့ က​မ္ဘောဒီးယားဝန်ကြီးချုပ် ဟွန်ဆန်က စစ်တပ်ကို အမိန့်ပေးလိုက်ပါတယ်။

ကမ္ဘောဒီယားကို လက်နက်ရောင်းချမှု ပိတ်ပင်ကြောင်း ဗုဒ္ဓဟူးနေ့က အမေရိကန်ရဲ့ကြေငြာမှုကို အခုလို တုန့်ပြန်လိုက်တာပါ။

ဟွန်ဆန်အစိုးရရဲ့ လူ့အခွင့်အရေးချိုးဖောက်မှုတွေ၊ ခြစားမှုတွေ၊ ကမ္ဘောဒီးယားနိုင်ငံမှာ တရုတ်ရဲ့ ချယ်လှယ်မှုတွေကို တားဆီးဖို့အတွက် ကမ္ဘောဒီးယားစစ်တပ်နဲ့ ထောက်လှမ်းအဖွဲ့ကို လက်နက်နဲ့ စစ်ဖက်ပစ္စည်း ရောင်းချမှု ပိတ်ပင်တာဖြစ်ကြောင်း အမေရိကန်အစိုးရရဲ့ ထုတ်ပြန်ချက်မှာ ဖော်ပြထားပါတယ်။

ဒီကနေ့ Facebook စာမျက်နှာက ဟွန်ဆန်ရဲ့ပို့စ်မှာ အမေရိကန်လက်နက်တွေရဲ့ အရည်အသွေးကို ဝေဖန်ခဲ့ပါတယ်။

“ကမ္ဘောဒီးယားမှာ လက်ရှိအသုံးပြုနေတဲ့ လက်နက်နဲ့ စစ်ဖက်ဆိုင်ရာပစ္စည်းတွေကို ပြန်လည်သုံးသပ်ဖို့ စစ်တပ်ကို ကျွန်တော် အမိန့်ပေးထားတယ်။ အမေရိကန် လက်နက်တွေ၊ စစ်ဖက်အသုံးအဆောင်တွေရှိရင် အားလုံးကို ဖယ်ထုတ်ပြီး ​ဂိုထောင်ထဲပို့ထားတာ၊ ဖျက်ဆီးပစ်တာတွေ လုပ်ရပါလိမ့်မယ်”

အမေရိကန်က လက်နက်ရောင်းချမှု ပိတ်ပင်တာဟာ လွတ်လပ်တဲ့ ကာကွယ်ရေးစွမ်းအားမျိုး ရှိဖို့လိုတယ်ဆိုတာ နောင်အစိုးရဖြစ်လာကြမယ့် ကမ္ဘောဒီးယားမျိုးဆက်ကို သတိပေးလိုက်တာဖြစ်ကြောင်း ဟွန်ဆန်က ထည့်သွင်းပြောဆိုခဲ့ပြီး အမေရိကန်လက်နက်တွေကို မသုံးဖို့လည်း တိုက်တွန်းခဲ့ပါတယ်။

“အမေရိကန်လက်နက်တွေ သုံးတဲ့လူ တော်တော်များများ စစ်ရှုံးကြတာပဲ” လို့ အာဖဂန်နစ္စတန်ကို ဥပမာပေးပြီး ပြောခဲ့ပါတယ်။

ဝန်ကြီးချုပ်ဟွန်ဆန်ဟာ အာဏာကို နှစ်ပေါင်း ၃၀ ကျော် ချုပ်ကိုင်ထားတာဖြစ်ပြီး ၂၀၁၈ ခုနှစ် ရွေးကောက်ပွဲမှာ အဓိကအတိုက်အခံ နိုင်ငံရေးပါတီကို မတရားအသင်းကြေငြာ ဖျက်သိမ်းခဲ့ပါတယ်။ ဟွန်ဆန်ဟာ သားဖြစ်သူကို သူ့နေရာဆက်ခံဖို့အတွက်လည်း စီစဉ်နေပါတယ်။

ထိုင်းပင်လယ်ကွေ့နား တရုတ်လောင်းကစားလုပ်ငန်းတွေ ကြီးစိုးတဲ့ သီဟာနုဗီလီမြို့က စစ်စခန်းတစ်ခုကလည်း အမေရိကန်နဲ့ ကမ္ဘောဒီးယားတို့ရဲ့ ဆက်ဆံရေးကို ပိုမိုဆိုးရွားစေပါတယ်။ ကမ္ဘောဒီးယားက ဒီစခန်းကို တရုတ်အခြေစိုက်ဖို့ ပေးထားတယ်လို့ အမေရိကန်က စွပ်စွဲထားပြီး ဝန်ကြီးချုပ်ဟွန်ဆန်က ဒါကို ငြင်းထားကာ တရုတ်ဟာ ဒီစခန်းအဆင်မြှင့်တင်ဖို့ ကူညီပေးနေတာသာဖြစ်တယ်လို့ ဆိုပါတယ်။


****************************************************************
END / 251