အာချေး ရေပြင်တွင် မျောနေသည့် ရိုဟင်ဂျာ ဒုက္ခသည်များ ကို အင်ဒိုနီးရှား ကယ်ဆယ်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


အာချေးပြည်နယ်က ပင်လယ်ထဲမှာ မျောနေတဲ့ ရိုဟင်ဂျာဒုက္ခသည် စက်လှေကို အင်ဒိုနီးရှားအာဏာပိုင်တွေက ဒီကနေ့မနက် အစောပိုင်းမှာ ကယ်ဆယ်ခဲ့ပါတယ်။

အမျိုးသမီးနဲ့ ကလေးငယ်အများစုပါဝင်ပြီး လူ ၁၀၀ ကျော်လောက်ရှိတဲ့ အဲဒီစက်လှေဟာ ပြီးခဲ့တဲ့ သီတင်းပတ်ကတည်းက အင်ဒိုနီးရှားရေပြင်မှာ ရှိနေတာပါ။

အစောပိုင်းက အင်ဒိုနီးရှာအာဏာပိုင်တွေဟာ ဒီဒုက္ခသည်တွေကို လက်မခံဘဲ အစားအစာ၊ ဆေးဝါးနဲ့ လောင်စာဆီတွေထောက်ပံ့ကာ လှေကို ပြင်ဆင်ပြီး ပင်လယ်ထဲ ပြန်မျှောခဲ့ပါတယ်။ ဒါပေမယ့် နိုင်ငံတကာအသိုင်းအ၀ိုင်းက ဒီလုပ်ရပ်ကို ဝေဖန်ပြစ်တင်ခဲ့ပြီးတဲ့နောက် ဒီကနေ့မှာ ပြန်လည် ကယ်ဆယ်ခဲ့တာပါ။

မိုးသည်းထန်စွာရာသွန်းပြီး လှိုင်းလေထန်နေတာကြောင့် စက်လှေကမ်းကပ်ဖို့နဲ့ လူတွေကို ကယ်ဆယ်ဖို့ ၁၈ နာရီလောက် ကြာမြင့်ခဲ့ပါတယ်။ ကယ်ဆယ်ရေးကို အင်ဒိုနီးရှားရေတပ်က ဦးဆောင်ခဲ့တာဖြစ်ပါတယ်။ ကယ်ဆယ်ပြီးတဲ့နောက် ကိုဗစ် ရှိ၊ မရှိ စစ်ဆေးစောင့်ကြည့်နေတယ်လို့ အင်ဒိုနီးရှားအာဏာပိုင်တွေက ထုတ်ပြန်ပါတယ်။

အင်ဒိုနီးရှားနဲ့ မလေးရှားက ဒုက္ခသည်တွေကို ကူညီပေးနေတဲ့ Geutanyoe ဖောင်ဒေးရှင်းကို ပူးတွဲတည်ထောင်သူ လီလီယာနီ ဖန်က ရိုဟင်ဂျာ ဒုက္ခသည်တွေကို လူသားချင်း စာနာထောက်ထားမှုဆိုင်ရာ ရှုထောင့်ကနေ ကယ်ဆယ်ပေးခဲ့တဲ့ အင်ဒိုနီးရှားအာဏာပိုင်တွေကို ကျေးဇူးတင်ပြီး စိတ်သက်သာရာလည်း ရတယ်လို့ ပြောကြားခဲ့ပါတယ်။

“အင်ဒိုနီးရှားဟာ ဒုက္ခသည်တွေအပေါ် လူသားချင်းစာနာမှုရှိတယ်ဆိုတာကို ထပ်မံဖော်ကျူးလိုက်တာပါ။ ဒီလို တာဝန်သိသိ ဆောင်ရွက်မှုကို ချီးကျူးရုံတင်မကဘဲ ပံ့ပိုးကူညီပေးဖို့လည်း လိုအပ်ပါတယ်”

အင်ဒိုနီးရှားရဲ့ ဒီကယ်ဆယ်မှုကို ကုလသမဂ္ဂ ဒုက္ခသည်များကူညီရေးအဖွဲ့ UNHCR ကလည်း ချီးကျူးခဲ့ပါတယ်။

ရခိုင်ပြည်နယ်က ရိုဟင်ဂျာတွေဟာ ၁၉၇၀ ပြည့်နှစ်လောက်ကစတင်ပြီး မြန်မာစစ်တပ်ရဲ့ ဖိနှိပ်ညှင်းပမ်း သတ်ဖြတ်မှုတွေကြောင့် အိုးအိမ်စွန့်ခွာ ထွက်ပြေးရပြီး ဘင်္ဂလားဒေ့ရှ်၊ အင်ဒိုနီးရှား၊ မလေးရှား၊ အိန္ဒိယ စတဲ့ နိုင်ငံတွေမှာ ဒုက္ခသည်အဖြစ် ခိုလှုံနေကြရတာ ဖြစ်ပါတယ်။

၂၀၁၇ ခုနှစ် ရိုဟင်ဂျာတွေအပေါ် စစ်တပ်က ထပ်မံကျူးလွန်တဲ့ ရာဇဝတ်မှုတွေကို ကမ္ဘာတစ်ဝှမ်းက ပိုမိုအာရုံစိုက်လာခဲ့ပါတယ်။ အဲဒီအဖြစ်အပျက်အတွင်း မြန်မာနိုင်ငံက ရိုဟင်ဂျာ ၈ သိန်းလောက် ဘင်္ဂလားဒေ့ရ်ှဖက် ထွက်ပြေးခဲ့ရပါတယ်။

****************************************************************
END / 251