အာဆီယံ နိုင်ငံခြားရေးဝန်ကြီးများ အစည်းအဝေးကို မတက်ဟု စစ်ကောင်စီ ထုတ်ပြန်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ



နိုင်ငံခြားရေးဝန်ကြီးကို မဖိတ်ဘဲ နိုင်ငံရေးဘက်ကမဟုတ်တဲ့ ကိုယ်စားလှယ်တစ်ဦးကို ဖိတ်ကြားတဲ့အတွက် အခုတစ်ပတ်နှောင်းပိုင်းမှာ ကျင်းပမယ့် အာဆီယံ နိုင်ငံခြားရေးဝန်ကြီးများအစည်းအဝေးကို တက်မှာမဟုတ်ဘူးလို့ မြန်မာအာဏာသိမ်းစစ်ကောင်စီက ထုတ်ပြန်ပါတယ်။

အစည်းအဝေးကို ကမ္ဘောဒီးယားနိုင်ငံမှာ ဖေဖော်ဝါရီ ၁၇ ရက်နေ့ ကျင်းပမှာ ဖြစ်ပါတယ်။ ၂၀၂၂ ခုနှစ် အာဆီယံဥက္ကဌအဖြစ်ဆောင်ရွက်မယ့် ကမ္ဘောဒီးယားဝန်ကြီးချုပ် ဟွန်ဆန်က ဇန်နဝါရီ မြန်မာခရီးစဉ်မှာ အာဆီယံ နိုင်ငံခြားရေးဝန်ကြီးများ အစည်းအဝေးကို တက်ရောက်ဖို့ စစ်ကောင်စီခန့် နိုင်ငံခြားရေးဝန်ကြီး ဦးဝဏ္ဏမောင်လွင်ကို ဖိတ်ကြားခဲ့ပါတယ်။

ဒါပေမယ့် အာဆီယံအဖွဲ့ဝင်နိုင်ငံတွေရဲ့ ကန့်ကွက်မှုကြောင့် ဇန်နဝါရီမှာလုပ်မယ့် အစည်းအဝေးကို ရွှေ့ဆိုင်းခဲ့ရပါတယ်။ နောက်ပိုင်းမှာ ဟွန်ဆန်က အာဆီယံသဘောတူညီချက် ၅ ချက်ကို အကောင်အထည်ဖော်မှ အာဆီယံအစည်းအဝေးတွေမှာ စစ်ခေါင်းဆောင် ကိုယ်စားယ်လှယ်တွေကို တက်ရောက်ခွင့် ပေးမယ်လို့ ပြန်လည်ပြောကြားခဲ့ပါတယ်။

၂၀၂၁ ခုနှစ် ဧပြီလက စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင် တက်ရောက်သဘောတူခဲ့တဲ့ အာဆီယံ သဘောတူညီချက် ၅ ချက်ထဲမှာ အာဆီယံအထူးကိုယ်စားလှယ်တစ်ဦး ခန့်အပ်ကာ မြန်မာ့နိုင်ငံရေးနယ်ပယ်က သက်ဆိုင်သူတွေအားလုံးနဲ့ တွေ့ဆုံဆွေးနွေး ညှိနှိုင်းပေးရေးလည်း ပါဝင်ပါတယ်။

စစ်ကောင်စီက ဒီသဘောတူညီချက်တွေကို အကောင်အထည်မဖော်တဲ့အတွက် ပြီးခဲ့တဲ့နှစ် ထိပ်သီးအစည်းအဝေးတွေမှာ မြန်မာစစ်ခေါင်းဆောင်တွေကို အာဆီယံက ဖိတ်ကြားခြင်း မပြုပါဘူး။

တန်းတူဆက်ဆံရေးဆိုတဲ့ အာဆီယံရဲ့မူကို သွေဖည်တဲ့အတွက် အခုတစ်ပတ်ကျင်းပမယ့် နိုင်ငံခြားရေးဝန်ကြီးများအစည်းအဝေးကို မတက်ရောက်တာဖြစ်ကြောင်း၊ အာဆီယံက တစ်ချို့နိုင်ငံတွေဟာ တစ်ဖက်သက် ဆုံးဖြတ်ချက်တွေ ချနေကြောင်း စစ်ကောင်စီက ပြစ်တင်ပြောဆိုခဲ့ပါတယ်။
****************************************************************
END / 251