ဟားငါးကောင်အဖွဲ့ကို ပရီးမီးယားလိဂ်ကလပ် ဘရန်းဖို့ဒ်အသင်းက ဂုဏ်ပြုဂျာစီပေးပို့

 
အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


နွေဦးတော်လှန်ရေးတွင်ပါဝင်နေသည့် ဟားငါးကောင်အဖွဲ့အား ဘရန်းဖို့ဒ်အသင်းက ဂုဏ်ပြုဂျာစီပေးပို့ခဲ့ကြောင်း ဟားငါးကောင်အဖွဲ့မှ ကိုပိုးလေးက လူမှုကွန်ရက် စာမျက်နှာတွင် ရေးသားထားသည်။

ပရီးမီးယားလိဂ်တွင် ယှဉ်ပြိုင်နေသည့် ဘရန်းဖို့ဒ်အသင်းမှ အသင်းသားများ လက်မှတ်ရေးထိုးပြီး နောက်ကျောတွင် H K 5 ဟုရေးသားထားသည့်ဂျာစီကို ပေးပို့လာခြင်း ဖြစ်သည်။

"ပရီးမီးယားလိဂ်မှာ ကန်နေတဲ့ Brentford ဘောလုံးအသင်းသားတွေလက်မှတ်ထိုးထားတဲ့ သူတို့အသင်းရဲ့ဝတ်စုံတစ်စုံ ပေးပို့လာပါတယ်၊ ဟားငါးကောင်အဖွဲ့ဟာ နွေဦးတော်လှန်ရေးမှာ အမှန်တရားဘက်ရပ်တည်တဲ့အတွက် သူတို့အသင်းကဂုဏ်ပြုတာလို့လည်းသိရပါတယ်။ အမှန်တရားဘက်ကသာရပ်တည်ရင် မြန်မာပြည်သူ တွေကသာမက ကမ္ဘာကြီးကပါပစ်မထားပါဘူးဆိုတာ သက်သေပါပဲ" ဟု ကိုပိုးလေးက ရေးသားထားသည်။

ပရီးမီးယားလိဂ်သို့ ယခုနှစ်မှတန်းတက်လာသည့် ဘရန်းဖို့ဒ်အသင်းမှာ ​မြန်မာ့နွေဦးတော်လှန်ရေးအစပိုင်းတွင် မြန်မာပြည်သူလူထုနှင့် ရပ်တည်ကြောင်း သဘောထားထုတ်ဖော်ခဲ့သည့် အသင်းဖြစ်သည်။


***************************************************************
END / 251