အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
ပုဂ္ဂလိကလွတ်လပ်ခွင့်နဲ့ပတ်သက်ပြီး တင်းကြပ်ထားတဲ့ ဥပဒေတွေကို ပြင်ဆင်ပြောင်းလဲတော့မယ်လို့ အာရပ်စော်ဘွားများပြည်ထောင်စု (ယူအေအီး) နိုင်ငံက မနေ့မှာ ကြေငြာလိုက်ပြီး နိုင်ငံခြား လုပ်ငန်းရှင်တွေကို စွဲဆောင်ဖို့ဖြစ်တယ်လို့ ဆိုပါတယ်။
လက်မထပ်ဘဲအတူနေတာ၊ အရက်သေစာသောက်စားတာအပါအဝင် တစ်ချို့ ပုဂ္ဂလိကလွတ်လပ်ခွင့်တွေကို ရာဇဝတ်မှုအဖြစ် ယူအေအီးနိုင်ငံက သတ်မှတ်ထားတာ ဖြစ်ပါတယ်။
အသက် ၂၁ နှစ်နဲ့အထက် လူတွေဟာ အရက်သေစာသောက်စားခွင့်၊ လက်ဝယ်ထားခွင့်၊ ရောင်းချခွင့်တွေမှာ သီးသန့်လိုင်စင်လိုအပ်ပြီး မလိုက်နာရင် ဒဏ်ငွေရိုက်တာ၊ ထောင်ချတာတွေ ရှိခဲ့ပါတယ်။ အခု ပြုပြင်ပြောင်းလဲမှုမှာတော့ ဒီကန့်သတ်ချက်တွေကို ဖယ်ရှားမှာပါ။
ဒီလို ပြုပြင်ပြောင်းလဲမှုဟာ နိုင်ငံရဲ့ ဥပဒေပြဌာန်းချက်တွေနဲ့ ရင်းနှီးမြှုပ်နှံမှု နယ်ပယ်ကို ပိုမိုကောင်းမွန် တိုးတက်စေဖို့ဖြစ်တယ်လို့ ယူအေအီးအစိုးရရဲ့ ထုတ်ပြန်ချက်မှာ ဖော်ပြထားပါတယ်။
မိသားစုအရှက်ရအောင်လုပ်တဲ့ အမျိုးသမီးတွေကို အကြီးအကဲအမျိုးသားက ကိုယ်ထိလက်ရောက် ရိုက်နှက်ဆုံးမခွင့်ကို အရင်က ခွင့်ပြုထားပေမယ့် အခုတော့ ဒါကို ရာဇဝတ်မှုအဖြစ် ယူအေအီးက သတ်မှတ်မှာ ဖြစ်ပါတယ်။ ဒါ့အပြင် အမျိုးသမီးတွေကို အရှက်ရအောင်လုပ်တဲ့ အမျိုးသားတွေအတွက် ပြင်ဒဏ်ကိုလည်း ပိုမိုတိုးမြှင့်မှာပါ။
ယူအေအီးဟာ ကမ္ဘာလုံးဆိုင်ရာ ကုန်စည်ပြပွဲ World Expo ကို ၂၀၂၁ ခုနှစ် အောက်တိုဘာကနေ ၂၀၂၂ ခုနှစ်အထိ ကျင်းပဖို့ စီစဉ်ထားပြီး လာရောက်သူ ၂၅ သန်းလောက် ရှိမယ်လို့ မျှော်မှန်းထားပါတယ်။
*******************************
END / 251
