အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ
NLD ပါတီဟာ မွတ်စလင်တွေနဲ့ပေါင်းကြံစည်ကာ ဗုဒ္ဓဘာသာကို ဖျက်ဆီးနေတယ်ဆိုပြီး
ကြံ့ခိုင်ရေးပါတီ USDP အမတ်လောင်းတွေ၊ သူတို့ကိုထောက်ခံသူတွေက ဝါဒဖြန့်ခဲ့မှုဟာ NLD အဖွဲ့ဝင်တွေအပေါ် အကြမ်းဖက်ဖို့ အားပေးအားမြှောက်ပြုရာ ရောက်နေပါတယ်။
အောက်တိုဘာလနှောင်းပိုင်းက စစ်ကိုင်းတိုင်းဒေသကြီး ကန့်ဘလူမြို့နယ်မှာ စစ်တပ်နဲ့ သဘောထားတူတဲ့ USDP ပါတီထောက်ခံသူတွေနဲ့ ထိပ်တိုက်တွေ့ခဲ့ပြီးတဲ့နောက် ကိုမျိုးဝင်းစိုးတစ်ယောက် အသတ်ခံလိုက်ရပါတယ်။ ဒါဟာ ကိုမျိုးဝင်းစိုးထောက်ခံတဲ့ NLD ပါတီနဲ့ USDP ပါတီတို့အကြား မဲဆွယ်စဉ်ကာလမှာ သီတင်းပတ်ချီ ဖြစ်ပွားခဲ့တဲ့ ထိပ်တိုက်တွေ့မှုရဲ့ ရေချိန်အမြင့်ဆုံး အဖြစ်အပျက်လည်း ဖြစ်ပါတယ်။
ညီမဖြစ်သူ ဝေမာစိုးက သူ့အစ်ကို ကိုမျိုးဝင်းစိုးဟာ ကလေးတွေကို ကာကွယ်ပေးရင်း USDP ထောက်ခံသူတွေရဲ့ ရိုက်နှက်မှုကို ခံခဲ့ရတာလို့ ဖွင့်ဟပါတယ်။
“ကျွန်မအစ်ကိုက အနေအေးသူတစ်ယောက်ပါ။ ကလေးတွေကို ခြိမ်းခြောက်ရိုက်နှက်တာမျိုး မလုပ်ဖို့ ကျွန်မအစ်ကိုက ပြောတယ်။ သူတို့က ‘ဒါဆို လူကြီးတွေကိုရိုက်ကွာ’ ဆိုပြီး ရိုက်ကြတာပါ”
ခေါင်းမှာ ဒဏ်ရာပြင်းထန်စွာရခဲ့တဲ့ ကိုမျိုးဝင်းစိုးကို ဆေးရုံတင်ခဲ့ရပြီး နောက်ပိုင်းမှာ ဆေးရုံကနေ ပြန်ဆင်းလာခဲ့ပါတယ်။
“အိမ်ကိုပြန်ခေါ်လာတဲ့အချိန်မှာ သူ စကား ကောင်းကောင်း မပြောနိုင်တော့ဘူး။ နားကလည်း သွေးတွေထွက်နေပြီး ၂ ခါတောင် အန်ပါတယ်” လို့ ညီမဖြစ်သူက ပြောပါတယ်။ ၂ ရက်ကြာမှာတော့ မျိုးဝင်းစိုးတစ်ယောက် ကွယ်လွန်သွားပါတယ်။
NLD ထောက်ခံသူတွေ ဆေးရုံတက်ရပြီး သူတို့ရဲ့နေအိမ်အဆောက်အဦးတွေ ဖျက်ဆီးခံရတဲ့ တိုက်ခိုက်မှု အများအပြားဖြစ်ပွားပြီးတဲ့နောက် အောက်တိုဘာ ၂၂ ရက်နေ့မှာ ကိုမျိုးဝင်စိုး အသတ်ခံရမှု ပေါ်ပေါက်လာတာပါ။ ဒီအဖြစ်အပျက်တွေအတွက် NLD နဲ့ USDP ပါတီတို့က အပြန်အလှန် ပြစ်တင်ပြောဆိုကြပေမယ့် ဗီဒီယိုမှတ်တမ်းမှာတော့ USDP ထောက်ခံသူတွေက အကြမ်းဖက်မှုဖြစ်အောင်လှုံဆော်တာ၊ တုတ်တွေကိုင်ပြီး၊ NLD ထောက်ခံသူတွေနောက် လိုက်လံတိုက်ခိုက်တာမျိုးကို တွေ့ရပါတယ်။
နိုဝင်ဘာ ၈ ရက် ရွေးကောက်ပွဲ ရလဒ်ကို ပြည်ထောင်စုရွေးကောက်ပွဲကော်မရှင်က စီစစ်ထုတ်ပြန်နေပြီး NLD ပါတီက တောင်ပြိုကမ်းပြိုအနိုင်ရနေပါတယ်။ ရှမ်းပြည်နယ်ကလွဲရင် တစ်ခြားနေရာတွေမှာ USDP အရင်ကရထားတဲ့ နေရာတော်တော်များများကိုလည်း ပြန်နိုင်ခဲ့ပါတယ်။ ရှမ်းပြည်နယ်မှာတော့ USDP ဟာ အများဆုံးအနိုင်ရတဲ့ ပါတီအဖြစ် ဆက်ရှိမယ့် အနေအထားပါ။ အရှက်ကွဲအကျိုးနည်းခဲ့ရတဲ့ USDP ကတော့ ရွေးကောက်ပွဲရလဒ်ကို လက်မခံဘဲ မသမာမှုတွေရှိတယ်လို့ စွပ်စွဲကာ တပ်မတော်ရဲ့အကူအညီနဲ့ ရွေးကောက်ပွဲပြန်လုပ်ဖို့ တောင်းဆိုထားပါတယ်။
ရှုံးနိမ့်မှုကို USDP ပါတီက လက်မခံတာကြောင့် မဲဆွယ်မှုမှာ တွေ့ခဲ့ရတဲ့ အကြမ်းဖက်မှုပုံစံမျိုး ပြန်မြင်လာရနိုင်တယ်ဆိုတဲ့ စိုးရိမ်မှုတွေလည်း ရှိနေပါတယ်။ ဗမာလူမျိုးအများစုရှိရာဒေသမှာ USDP နဲ့ NLD ပြိုင်ဘက်ပါတီနှစ်ခုအကြား ဖြစ်ပွားတဲ့ ဒီရုန်းရင်းဆန်ခတ်မှုတွေဟာ မြန်မာ့ရွေးကောက်ပွဲမှာ အရင်ကမမြင်ရဘူးတဲ့ ပုံစံမျိုးဖြစ်ပြီး လေ့လာဆန်းစစ်သူတွေက ဖြေရှင်းပြဖို့ အမျိုးမျိုး ကြိုးစားကြပါတယ်။ ဒါတွေဖြစ်လာစေမယ့် အကြောင်းတရားတွေ အများကြီးရှိပေမယ့် NLD ထောက်ခံသူတွေကို အကြမ်းဖက်ဖို့ လှုံဆော်ရာမှာ အကြောင်းအရင်းတစ်ရပ် ဖြစ်စေနိုင်မယ့် အမုန်းစကားတွေကို ရွေးကောက်ပွဲမတိုင်ခင် သီတင်းပတ်အနည်းငယ်အလိုမှာ USDP ဘက်ယိမ်းတဲ့ အဖွဲ့တွေက ဆိုရှယ်မီဒီယာမှာ ကျယ်ကျယ်ပြန့်ပြ့န် ဖြန့်ဝေဝါဒဖြန့်တာကို Frontier က ဖော်ထုတ်သိရှိခဲ့ပါတယ်။
NLD ပါတီဟာ မွတ်စလင်တွေနဲ့ ပူးပေါင်းကြံစည်နေပြီး မြန်မာဗုဒ္ဓဘာသာအတွက် ခြိမ်းခြောက်မှုတစ်ခုဖြစ်တယ်ဆိုတဲ့ ပုံစံမျိုး ပေါ်လာအောင် USDP အမတ်လောင်းတွေနဲ့ ထောက်ခံသူတွေက သတင်းအမှားတွေ၊ အမုန်းစကားတွေကို Facebook မှာ ဖြန့်ဝေကြပါတယ်။ ဒါဟာ အရင်ကတည်းက ဓားစာခံဖြစ်နေတဲ့ မွတ်စလင်တွေကို နိုင်ငံရေးပါတီတွေရဲ့ ယှဉ်ပြိုင်မှုကြားမှာ မြေစာပင်ဖြစ်အောင် လုပ်လိုက်သလိုမျိုး ဖြစ်ခဲ့ပါတယ်။
ကျောက်ဆယ်မဲဆန္ဒနယ် (၂) ကနေ မန္တလေးတိုင်းဒေသကြီးလွှတ်တော်အတွက် ဝင်ရောက်ယှဉ်ပြိုင်တဲ့ USDP အမတ်လောင်း ဦးစိုးစိုးထွန်းက USDP ထောက်ခံသူတွေနဲ့ ဘယ်သူ့ကို မဲထည့်ရမှန်း မသိသေးတဲ့ လူငယ်တစ်ဦး အပြန်အလှန်စကားပြောတဲ့ပုံစံ ပို့စ်တစ်ခုကို စက်တင်ဘာ ၂၃ ရက်နေ့က Facebook မှာ လွှင့်တင်ခဲ့ပါတယ်။ NLD ဟာ OIC အဖွဲ့ထံကနေ ‘ဒေါ်လာသန်းချီ’ လက်ခံရယူထားတယ်လို့ ဒီပို့စ်မှာ မှားယွင်းစွပ်စွဲထားပြီး နိုင်ငံခြားသားနဲ့ လက်ထပ်ခဲ့တဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုလည်း လူမျိုးရေး စော်ကားတိုက်ခိုက်မှုတွေ ပြုလုပ်ထားပါတယ်။
“မြန်မာအမျိုးသမီးတစ်ယောက် အင်္ဂလိပ်နဲ့ရပြီး မွေးလာတဲ့ကလေးက ဘယ်လိုပုံစံမျိုးဖြစ်မလဲဗျ။ သူဟာဘာလူမျိုးလဲဆိုတာကို မပြောနိုင်တော့ဘူးဆိုတော့ အမျိုးပျောက်သွားတာပဲ။ အမျိုးပျောက်ရင် ဘာသာလည်းပျောက်ပါပြီ”
မန္တလေးတိုင်းဒေသကြီးလွှတ်တော် အမတ်နေရာအတွက် ပြည်ကြီးတံခွန် (၁) မဲဆန္ဒနယ်က ဝင်ရောက်ယှဉ်ပြိုင်ပြီး ရှုံးနိမ့်သွားတဲ့ USDP အမတ်လောင်း ဒေါ်လှလှအေးကလည်း ‘ခိုးဝင်ဘင်္ဂါလီတွေ’ အတွက် မှတ်ပုံတင်အတုလုပ်ပေးတဲ့ အဖွဲ့တစ်ခု ဖမ်းဆီးခံရတယ်ဆိုပြီး ရာဇဝတ်မှုကို လူမျိုးရေးခေါင်းစဉ်တပ်ကာ Facebook မှာ Share ပါတယ်။ ‘ခိုးဝင်ဘင်္ဂါလီ’ ဆိုတဲ့အသုံးအနှုန်းဟာ ရိုဟင်ဂျာတွေကို ဘင်္ဂလားဒေ့ရ်ှကနေ တရားမဝင် ဝင်ရောက်လာသူတွေအဖြစ် နှိမ့်ချပြီး သုံးနှုန်းတဲ့ စကားလုံးပါ။ NLD ပါတီက ဒီကိစ္စကို သိပေမယ့် မတားဘဲ ဆက်လုပ်ခွင့်ပေးခဲ့တယ်လို့လည်း ဒီပို့စ်မှာ ထည့်သွင်းရေးသားထားပါတယ်။ အဲဒီပို့စ်ကို စစ်တပ်နဲ့ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့အတွက် အဓိကလော်ဘီလုပ်ပေးတဲ့ အကောင့်ကနေ စ,တင်တာ ဖြစ်ပါတယ်။
အွန်လိုင်းစောင့်ကြည့်ရေးအဖွဲ့ ‘လောကအလင်း’ က စက်တင်ဘာ ၈ ရက်နေ့ကနေ အောက်တိုဘာ ၇ ရက်နေ့အထိ သူတို့ရဲ့ စောင့်ကြည့်မှုအတွင်း နိုင်ငံရေးပေ့ဂ်ျ ၉၉ ခုကနေ ဘာသာရေး၊ လူမျိုးရေးဆိုင်ရာ ပို့စ်ပေါင်း ၁၈၈ ခု တင်ခဲ့ပြီး အများစုက မုန်းတီးရေးအကြောင်းတွေ ဖြစ်တယ်ဆိုတာ တွေ့ရကြောင်း ထုတ်ပြန်ပါတယ်။ လူမျိုးရေးသွေးထိုးတဲ့ ဒီပို့စ်တွေကို အဓိက ဝါဒဖြန့်တဲ့ နိုင်ငံရေးပါတီဟာ USDP ဖြစ်ပြီး အကြိမ် ၄၀ လောက် တင်တယ်လို့ လောကအလင်းက ဆိုပါတယ်။ သိပ်မကြာသေးခင်က ဖွဲ့စည်းခဲ့တဲ့ ပြည်သူ့ရှေ့ဆောင်ပါတီ (PPP) က ၂၅ ကြိမ်တင်ကာ ဒုတိယနေရာမှာ ရှိနေပါတယ်။
USDP ပါတီရဲ့ ပြောရေးဆိုခွင့်ရှိသူ နန်းမြမြမီမီဇော်ဟာ ဒီအကြောင်းအရာတွေကို မပြတ်တမ်း မျှဝေသူတစ်ယောက်ဖြစ်ခဲ့ပြီး ပို့စ်တစ်ခုမှာဆိုရင် ဒေါ်အောင်ဆန်းစုကြည်ကို ‘တိုင်းပြည်သစ္စာဖောက်’ လို့တောင် ခေါ်ဝေါ် သမုတ်ခဲ့ပါတယ်။
USDP ကိုထောက်ခံတဲ့ Facebook Group တွေဟာ အမုန်းစကားနဲ့ သတင်းမှား အဓိကဖြန့်ဝေရာ ရေခံမြေခံတွေ ဖြစ်ပါတယ်။ ‘ဘိုကလေး ကြံ့ခိုင်ရေးနှင့် ဖွံ့ဖြိုးရေးပါတီ’ ဆိုတဲ့ Group ကတော့ အလွန်ဆိုးရွားတာကို Frontier က တွေ့ရှိခဲ့ရပြီး၊ ခြိမ်းခြောက်တာ၊ တစ်ခါတစ်ရံမှာ အကြမ်းဖက်ဖို့ လှုံဆော်တာတွေပါဝင်တဲ့ အကြောင်းအရာတွေကို အကြိမ်ကြိမ်အခါခါ မျှဝေခဲ့တာကြောင့် Facebook က ဒီဂရုကို လုံးဝ ဖျက်ချခဲ့ပါတယ်။ အကြိမ်ရေ တစ်ထောင်ကျော်လောက် ပြန် Share ပြီး၊ Like ငါးထောင်နီးပါးလောက်ရခဲ့တဲ့ ပို့စ်တစ်ခုမှာဆိုရင် “ဒေါက်ဖိနပ်အောက်မှာ ကုလားစာသင်ရတာထက်၊ စစ်ဖိနပ်အောက်မှာ ဓမ္မစာပေသင်မယ်” ဆိုတာမျိုး ရေးသားထားပါတယ်။
ဒေါက်ဖိနပ်ဆိုတဲ့ အသုံးအနှုန်းဟာ များသောအားဖြင့် နိုင်ငံတော်အတိုင်ပင်ခံပုဂ္ဂိုလ်ကို ရည်ညွှန်းသုံးနှုန်းတာ ဖြစ်ပါတယ်။ ဒေါ်အောင်ဆန်းစုကြည်ဟာ ‘ဗုဒ္ဓဘာသာဝင်တွေရဲ့ နှလုံးသည်းပွတ်ကို ဖျက်ဆီးသူ’ လို့ စွပ်စွဲတဲ့ပို့စ်တွေလည်း ရှိပါတယ်။
“မှတ်ထားပါ။ ဒါဟာ တို့တိုင်းတို့ပြည်ဖြစ်တယ်။ ငါတို့ရဲ့ အမျိုးဘာသာ သာသနာအပေါ် တိုက်ခိုက်မှုကို သည်းခံမှာမဟုတ်ဘူး” ဆိုတဲ့ ပို့စ်ကိုတော့ Share သူ ၁၇၀၀ ကျော်ရှိပြီး Like လုပ်သူက ၂၀၀၀ နီးပါး ရှိပါတယ်။
‘ဘိုကလေး ကြံ့ခိုင်ရေးနှင့် ဖွံ့ဖြိုးရေးပါတီ’ ရဲ့ အွန်လိုင်းထိတွေ့မှု၊ Follower အရေအတွက်နဲ့ ပို့စ်တင်မှုအားလုံးဟာ ရွေးကောက်ပွဲနီးလာတဲ့ စက်တင်ဘာလ အစောပိုင်းကစတင်ကာ သိသိသာသာ မြင့်တက်လာခဲ့ပါတယ်။ အောက်တိုဘာ ၁၈ ရက်ကနေ နိုဝင်ဘာ ၂၄ ရက်အတွင်း အွန်လိုင်းမှာ ထိတွေ့ပြောဆိုမှုပေါင်း ၅၇၅၀၀၀ ကျော် ရှိခဲ့ပြီး အောက်တိုဘာ နောက်ဆုံးတစ်ပတ်မှာတင် ပို့စ်ပေါင်း ၂၆၀၀ ကျော် တင်ခဲ့ပါတယ်။
Facebook ကတော့ ဒီဂရုပ်ဟာ ‘Community Standards သတ်မှတ်ချက်ကို အကြိမ်ကြိမ် ချိုးဖောက်တာကြောင့် အလိုအလျောက် အရေးယူရေးနည်းပညာက ဖျက်ချသွားတာဖြစ်တယ်’ လို့ ထုတ်ပြန်ခဲ့ပါတယ်။
ယူကေအခြေစိုက် ဘားမားလူ့အခွင့်အရေးကွန်ယက် (Burma Human Rights Network) က အမုန်းစကားနဲ့ သတင်းအမှားတွေ Facebook စာမျက်နှာမှာ အများအပြား ပြန့်နှံ့တာကို တွေ့ရပြီး အများစုက “NLD နဲ့ မွတ်စလင်တွေ ပူးပေါင်းကြံစည်နေတယ်ဆိုတဲ့ စွပ်စွဲချက်တွေဖြစ်တယ်” လို့ ပြောပါတယ်။ နိုဝင်ဘာ ၄ ရက်နေ့ BHRN က ထုတ်ပြန်တဲ့ အစီရင်ခံစာမှာ “ဒီအမုန်းစကားတွေ ရွေးကောက်ပွဲပြီးတဲ့အထိ တာရှည်နေရင် ဒါကိုအသုံးချပြီး အကြမ်းဖက်မှုနဲ့ တိုက်ခိုက်မှု အကြီးအကျယ်ဖြစ်လာနိုင်တယ်” လို့ သတိပေးထားပါတယ်။
BHRN အဖွဲ့က သတိပြုမိပြီး Share လုပ်မှုပေါင်း ၁၃၀၀ ကျော်လောက်ရှိခဲ့တဲ့ ပို့စ်တစ်ခုမှာဆိုရင် နိုဝင်ဘာ ၈ ရက် ရွေးကောက်ပွဲဟာ NLD နဲ့ USDP အကြားက ပြိုင်ဆိုင်မှုတစ်ခုထက် ပိုတယ်ဆိုတာမျိုး ရေးသားထားပါတယ်။
“ဒါဟာ ဗုဒ္ဓဘာသာဝင်တွေအတွက် နောက်ဆုံးတိုက်ပွဲပါ။ ဒီတစ်ကြိမ်ငါတို့ရှုံးရင် ငါတို့လူမျိုးတစ်ခုလုံး ပျောက်သွားလိမ့်မယ်”
BHRN ရဲ့ ဒါရိုက်တာ ဦးကျော်ဝင်းက NLD နဲ့ မွတ်စလင်တွေ ပူးပေါင်းကြံစည်နေတယ်လို့ ပြောဆိုမှုဟာ “USDP ထောက်ခံသူတွေရဲ့ ဝါဒဖြန့်မှုထဲမှာ အလွန်အန္တရာယ်ရှိတဲ့ ဝါဒဖြန့်မှုဖြစ်ပြီး” NLD ထောက်ခံသူတွေ တိုက်ခိုက်ခံရမှုမှာ ဒီအချက်က တွန်းအားဖြစ်နိုင်တယ်လို့ မှတ်ချက်ပေးပါတယ်။
၂၀၁၃ ခုနှစ်တုန်းက မွတ်စလင်ဆန့်ကျင်ရေး အကြမ်းဖက်မှု အကြီးအကျယ်ဖြစ်ခဲ့တဲ့ မန္တလေးတိုင်းဒေသကြီး မိတ္ထီလာမြို့နယ်မှာ ရွေးကောက်ပွဲနဲ့ဆက်နွယ်တဲ့ အကြမ်းဖက်မှု ဖြစ်ခဲ့ပါတယ်။ မိတ္ထီလာဟာ ရွေးကောက်ပွဲမတိုင်ခင်အထိ USDP ပါတီခြေကုပ်ဖြစ်ခဲ့ပေမယ့် အခုတော့ လွှတ်တော်နေရာ ၄ ခုစလုံးကို NLD က အနိုင်သွားပါတယ်။ ဒီဆောင်းပါးတင်ချိန်အထိ USDP ကိုယ်စားလှယ်လောင်းတွေက ပါတီရဲ့ သဘောထားအတိုင်း ရလဒ်ကို လက်ခံဖို့ ငြင်းဆိုကာ ရွေးကောက်ပွဲတရားမဝင်ကြောင်း ပြောဆိုနေကြဆဲပါ။
စက်တင်ဘာလကထွက်လာတဲ့ ဗီဒီယိုတစ်ခုမှာ USDP ထောက်ခံသူတွေဟာ တုတ်တွေကိုင်ဆောင်ကာ NLD ထောက်ခံသူတွေရဲ့ နေအိမ်တွေကို ခဲနဲ့ပေါက်တာတွေ တွေ့ရပါတယ်။ အောက်တိုဘာ ၂၆ ရက်နေ့မှာတော့ အမျိုးသားတစ်ဦး ဓားနဲ့အထိုးခံရပြီး USDP ထောက်ခံသူတွေက ဆူပူလှုံ့ဆော်တာ၊ တုတ်တွေကိုင်ပြီး NLD ထောက်ခံသူတွေနောက် လိုက်လံတိုက်ခိုက်တာတွေပါတဲ့ ဗီဒီယိုတစ်ခု ထွက်လာပါတယ်။
နောက်ပိုင်းမှာ Facebook က ဖျက်ချလိုက်တဲ့ ‘မိတ္ထီလာသားများစုံစည်းရာ’ ဆိုတဲ့ Facebook Group မှာ USDP ထောက်ခံသူတစ်ဦးက အကြမ်းဖက်ဖို့ တိုက်တွန်းဆော်ဩတာမျိုးတောင် ရှိခဲ့ပါတယ်။
“မြို့ရဲ့ နောက်ဆုံးတိုက်ပွဲမှာ ငါတို့နိုင်ရမယ်။ ခဲတွေ၊ တုတ်ဓားလက်နက်တွေ သူတို့ ယူလာနိုင်တယ်။ သွေးချောင်းစီးတာ မမြင်ချင်ဘူးဆိုရင်တော့ အခြားပါတီတွေ ငါတို့ကို နှောက်ယှက်ဖို့ မကြိုးစားပါနဲ့” လို့ အဲဒီ ပို့စ်မှာ ရေးသားထားပါတယ်။ နောက်ပိုင်းမှာ ဒီပို့စ်ကို ဖျက်လိုက်ပါတယ်။
NLD ပါတီရဲ့ ပြောရေးဆိုခွင့်ရှိသူ ဦးမျိုးညွန့်က USDP ရဲ့ အွန်လိုင်းလှုပ်ရှားမှုတွေနဲ့ပတ်သက်ပြီး မှတ်ချက်ပေးဖို့ ငြင်းဆိုပါတယ်။ ဒါပေမယ့် စစ်တပ်ဖက်ယိမ်းတဲ့ ဒီပါတီဟာ “အင်အားသုံးနေပြီး” “ထောက်ခံသူတွေကို ထိန်းသိမ်းဖို့ ဆန္ဒမရှိဘူး” လို့ ပြောကြားခဲ့ပါတယ်။
အကြမ်းဖက်မှုဖြစ်စေတဲ့ အမုန်းစကားတွေ ဖြန့်တာမှာ USDP ပါတီကို ထောက်ခံသူတွေတင်မဟုတ်ဘူးလို့ ‘လောကအလင်း’ ဆိုရှယ်မီဒီယာစောင့်ကြည့်ရေးအဖွဲ့က ပြောပါတယ်။ PPP ပါတီ အမတ်လောင်းဖြစ်ပြီး ပဲခူးတိုင်းဒေသကြီးကနေ ပြည်သူ့လွှတ်တော်နေရာဝင်ပြိုင်ကာ ရှုံးနိမ့်ခဲ့တဲ့ ဒေါ်စောယုမာဟာ အောက်တိုဘာ ၁ ရက်နေ့မှာ သွေးထိုးလှုံ့ဆော်တဲ့ ပုံတစ်ပုံကို အွန်လိုင်းမှာ မျှဝေခဲ့ပါတယ်။
“မျိုးချစ်တွေအတွက် သတင်းစကား။ နိုးထလော့ ညီအစ်ကိုတို့။ ဓားသွေးထားကြ။ မိစ္ဆာလူမျိုးနဲ့ အကျင့်မကောင်းတဲ့ မြန်မာလူမျိုးတွေက တို့ပြည်တို့မြေကို သစ္စာဖောက်နေကြပြီ။ သူတို့ကို သင်ခန်းစာပေးကြစို့” လို့ ဒီပုံမှာ ရေးသားထားပါတယ်။
NLD ကနေထွက်သွားတဲ့လူတွေ ၂၀၁၀ ခုနှစ်မှာ ဖွဲ့စည်းတည်ထောင်ခဲ့ပြီး လက်ရှိ USDP နဲ့ မဟာမိတ်ဖွဲ့ထားတဲ့ အမျိုးသားဒီမိုကရေစီအင်အားစု (National Democratic Force) ထောက်ခံသူတစ်ဦးက ‘ခြင်္သေ့’ ဟာ NLD ရဲ့ ခြိမ်းခြောက်မှုကို ခံနေရတယ်လို့ USDP တံဆိပ်ကို ရည်ညွှန်းကာ ပြောကြားခဲ့ပါတယ်။
“ကျွန်တော်တို့ ဝါးခမောက်တွေလည်း တုတ်တွေ၊ ဓားတွေ ဆောင်ထားရတော့မှာပါ”
သူတို့ပါတီရဲ့ တံဆိပ်ကို ရည်ညွှန်းပြီး ရေးသားခဲ့တာ ဖြစ်ပါတယ်။
ကိုမျိုးဝင်းစိုး ရိုက်သတ်ခံလိုက်ရတဲ့ ကာဘိုးကျေးရွာအုပ်စုက အုပ်ချုပ်ရေးမှူး ဦးအောင်ဌေးက USDP ထောက်ခံသူတွေဟာ အဲဒီနေ့က တုတ်တွေဓားတွေကိုင်ဆောင်ကာ ရောက်လာကြတယ်လို့ ပြောကြားခဲ့ပါတယ်။
“ဒီလိုအကြမ်းဖက်မှုမျိုး ဖြစ်လိမ့်မယ်လို့ ကျွန်တော် ဘယ်တုန်းကမှ မစဉ်းစားဖူးဘူး။ ဒီဒေသမှာ အရင်က ဒါမျိုး မဖြစ်ခဲ့ဖူးပါဘူး” လို့ ရွေးကောက်ပွဲမတိုင်ခင်မှာ ကြေားခဲ့ပါတယ်။
ရွေးကောက်ပွဲအပြီး အကြမ်းဖက်မှုတွေ ဖြစ်လာမလားဆိုတဲ့ စိုးရိမ်မှုတွေ ပြည်သူတွေမှာ ရှိနေတယ်လို့လည်းက သူက ဆိုပါတယ်။
“ကျွန်တော်လည်း ဒါကို စိုးရိမ်တယ်ဗျ”
Ref: Frontier Myanmar
(Frontier Myanmar တွင်ဖော်ပြထားသည့် Online campaign of hate lurked behind campaign trail brawls ဆောင်းပါးကို လေးမောင်က ဆီလျော်အောင် ဘာသာပြန်ဆိုပါသည်)
******************************************
END / 251
