အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာန
အစ္စရေးဝန်ကြီးချုပ် နေတန်ယာဟုနဲ့ မော်ရိုကိုဘုရင် မိုဟာမက် ၆ တို့ဟာ မနေ့က ဖုန်းနဲ့ နှစ်နိုင်ငံ ဆက်ဆံရေး ဆွေးနွေးခဲ့ကြပြီး အစ္စရေးကို လာရောက်ဖို့အတွက် နေတန်ယာဟုက မိုဟာမက်ကို ဖိတ်ခေါ်ခဲ့ပါတယ်။
ယူအေအီး၊ ဘာရိန်းနဲ့ ဆူဒန်တို့ပြီးတဲ့နောက် မော်ရိုကိုဟာ အခုနှစ်အတွင်း အစ္စရေးနဲ့ ဆက်ဆံရေးထူထောင်တဲ့ မွတ်စလင်ကမ္ဘာက စတုတ္ထမြောက်နိုင်ငံ ဖြစ်ပါတယ်။
နှစ်နိုင်ငံ ဆက်ဆံရေးထူထောင်နိုင်မှုအတွက် ခေါင်းဆောင်တွေက အပြန်အလှန်ချီးကျူးဂုဏ်ပြုခဲ့ကြပြီး ဒီဆက်ဆံရေး တိုးတက်ကောင်မွန်အောင် ဆောင်ရွက်ဖို့ ဆွေးနွေးခဲ့ကြတယ်လို့ အစ္စရေးကထုတ်ပြန်တဲ့ ကြေငြာချက်မှာ ဖော်ပြထားပါတယ်။
အစ္စရေးနဲ့ မော်ရိုကိုတို့ဟာ တိုက်ရိုက်လေကြောင်းပျံသန်းရေး၊ ရေအရင်းအမြစ် စီမံခန့်ခွဲရေး၊ ဘဏ္ဍာရေးဆိုင်ရာ ပူးပေါင်းဆောင်ရွက်ရေးနဲ့ သံတမန် ဗီဇာကိစ္စ စတဲ့ ကဏ္ဍ ၄ ခုအတွက် အင်္ဂါနေ့က လက်မှတ်ရေးထိုးခဲ့ကြပါတယ်။ ဒီနှစ်နိုင်ငံဟာ မကြာခင် သံရုံးတွေလည်း ဖွင့်လှစ်ဖို့ ရှိနေပါတယ်။
အစ္စရေးကိုယ်စားလှယ်အဖွဲ့ကို လက်ခံတွေ့ဆုံတဲ့အတွက် နေတန်ယာဟုက ဘုရင်မိုဟာမက်ကို မနေ့က ဆွေးနွေးမှုမှာ ကျေးဇူးတင်ခဲ့သလို၊ အစ္စရေးကို လာရောက်လည်ပတ်ဖို့လည်း ဖိတ်ခေါ်ခဲ့ပါတယ်။
ဘုရင်မိုဟာမက်က နိုင်ငံအတွင်းရှိနေတဲ့ ဂျူးလူ့အဖွဲ့အစည်းနဲ့ နန်းတော်အကြား ဆက်ဆံရေးကောင်းတွေ ရှိနေမှုကို အလေးထားပြောကြားခဲ့တယ်လို့ မော်ရိုကို နန်းတော်က ထုတ်ပြန်တဲ့ ကြောငြာချက်မှာ ဖော်ပြထားပါတယ်။
၁၉၄၇ ခုနှစ် ပါလက်စတိုင်းဒေသမှာ အစ္စရေးနိုင်ငံမပေါ်ခင်က မော်ရိုကိုဟာ ကမ္ဘာပေါ်မှာ ဂျူးလူမျိုးအများဆုံးရှိတဲ့ နိုင်ငံတွေထဲကတစ်ခု ဖြစ်ပါတယ်။ မော်ရိုကိုက ဂျူးတော်တော်များများဟာ အလယ်ခေတ် စပိန်နဲ့ ပေါ်တူဂီက ခရစ်ယာန်ဘာသာရေးအခြေပြု အုပ်ချုပ်မှုစနစ်အောက်မှာ ဘာသာခြားတွေကို ညှမ်းပမ်းနှိပ်စက်တဲ့ဒဏ်ကနေ လွတ်မြောက်ဖို့ ထွက်ပြေးခိုလှုံလာရသူတွေ ဖြစ်ပါတယ်။
လက်ရှိ မော်ရိုကိုမှာရှိတဲ့ ဂျူးလူမျိုးအရေအတွက်ဟာ မြောက်အာဖရိကမှာ အများဆုံး ဖြစ်ပါတယ်။
******************************************
END / 251
