အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ
နိုင်ငံအရှေ့မြောက်ပိုင်း ခိုင်ဘာ ပက်ခ်သွန်ခွာမှာ မနေ့က ဖြစ်ပွားခဲ့တဲ့ ဟိန္ဒူဘုရားကျောင်း တိုက်ခိုက်ခံရမှုနဲ့ပတ်သက်ပြီး ပါကစ္စတန်အစိုးရက မွတ်စလင်ဘာသာရေးခေါင်းဆောင်တွေအပါအဝင် လူ နှစ်ဒါဇင်ကျော်ကို ဖမ်းထားပါတယ်။
ကာရက်ဆိုတဲ့မြို့က Shri Paramhans Ji Maharaj Samadhi ဟိန္ဒူဘုရားကျောင်း တိုးချဲ့ ဆောက်လုပ်တာကို ဒေသခံတွေ မကျေနပ်ရာကနေ ဒေါသထွက်နေတဲ့ လူအုပ်ကြီးက တိုက်ခိုက်ဖြိုဖျက်တဲ့အထိ ဖြစ်လာတာပါ။
(ဓာတ်ပုံ – ဟိန္ဒူဘာသာဝင်များ တရားရုံးချုပ်ရှေ့တွင် ဆန္ဒပြနေစဉ်)
ဒီဘုရားကျောင်းဟာ ၁၉၉၇ ခုနှစ်ကလည်း တစ်ကြိမ် တိုက်ခိုက်ဖျက်ဆီးခံရပြီး ပြည်နယ်အာဏာပိုင်တွေက အကန့်အသတ်နဲ့သာ ပြင်ဆင်ခွင့်ပေးခဲ့ပါတယ်။ ဒါပေမယ့် ၂၀၁၅ ခုနှစ်မှာတော့ ပါကစ္စတန်တရားရုံးချုပ်က ဒီဟိန္ဒူဘုရားကျောင်းကို အပြည့်အ၀ပြင်ဆင်ဖို့ အမိန့်ထုတ်ခဲ့ပါတယ်။
ခရိုင်ရဲတပ်ဖွဲ့အကြီးအကဲ အစ်ရ်ဖန်နွလ္လာဟ်ခန်းက မြို့က ဟိန္ဒူလူ့အဖွဲ့အစည်းဟာ ဘုရားကျောင်းဘေးနားကအိမ်ကို ဝယ်ယူပြီး တိုးချဲ့တာကို ဒေသခံတွေက မကျေမနပ်ဖြစ်ခဲ့တယ်လို့ ပြောကြားခဲ့ပါတယ်။
တိုက်ခိုက်မှုကို ကာရက်မြို့က မွတ်စလင်ဘာသာရေးဆရာတွေနဲ့ အမျိုးဘာသာသာသနာ စောင့်ရှောက်ရေးပါတီ အိုလမာ-အီ-အစ္စလာမ်က အဖွဲ့ဝင်တွေ ဦးဆောင်ပြုလုပ်တာလို့ မျက်မြင်သက်သေတွေက ဆိုပါတယ်။
ဒေသရဲတပ်ဖွဲ့ကတော့ တိုက်ခိုက်မှုအပြီးမှာပဲ လူ ၂၆ ဦးကို ဖမ်းဆီးထားပြီး နောက်ထပ် ဖမ်းဆီးမှုတွေ လုပ်ဆောင်နေတယ်လို့ ထုတ်ပြန်ခဲ့ပါတယ်။
ပါကစ္စတန် သာသနာရေးဝန်ကြီး နူရွလ်ဟက် ကာဒရီက တိုက်ခိုက်မှုဟာ ‘လူမှုသဟဇတဖြစ်မှုကို ပျက်ပြားအောင် ပူးပေါင်းကြံစည်မှု’ ဖြစ်ကြောင်း၊ တစ်ခြားသူတွေရဲ့ ဘာသာရေးအဆောက်အဦးတွေအပေါ် တိုက်ခိုက်တာကို အစ္စလာမ်သာသနာက တားမြစ်ထားကြောင်း၊ လူနည်းစုတွေရဲ့ ဘာသာရေးလွတ်လပ်ခွင့်ကို စောင့်ရှောက်ဖို့ဟာ အစ္စလာမ်က သတ်မှတ်ထားတဲ့တာဝန်၊ ဖွဲ့စည်းပုံအခြေခံဥပဒေက ပေးအပ်ထားတဲ့တာဝန်၊ အမျိုးသားရေးတာဝန် ဖြစ်ကြောင်း ဒီကနေ့ Twitter စာမျက်နှာမှာ ရေးသားခဲ့ပါတယ်။
ဝန်ကြီးချုပ် အင်မရန်းခန်းကလည်း နိုင်ငံအတွင်းက လူနည်းစုတွေရဲ့ ဘေးအန္တရာယ်ကင်းရှင်းရေးကို အာမခံတယ်လို့ ဖေဖော်ဝါရီလက ပြောကြားခဲ့ဖူးပါတယ်။
“မွတ်စလင်မဟုတ်တဲ့ နိုင်ငံသား၊ သူတို့ရဲ့ ဘာသာရေးအဆောက်အဦးတွေကို ပစ်မှတ်ထားတဲ့ ဘယ်သူ့ကိုမဆို ပြင်းပြင်းထန်ထန် တုန့်ပြန်သွားမယ်လို့ ပြည်သူတွေကို ကျွန်တော် သတိပေးချင်ပါတယ်။ လူနည်းစုတွေလည်း နိုင်ငံသားအခွင့်အရေး တန်းတူရှိပါတယ်”
ဟိန္ဒူများ ဆန္ဒပြ
ပါကစ္စတန်နိုင်ငံရဲ့ လူဦးရေ သန်း ၂၀၀ မှာ ဟိန္ဒူဘာသာဝင် ၂ ရာခိုင်နှုန်းသာ ရှိပါတယ်။
ဟိန္ဒူအများစုနေထိုင်တဲ့ ကရာချီမြို့က တရားရုံးချုပ်ရှေ့မှာ ဟိန္ဒူဘာသာဝင် ၂၀၀ လောက် ဒီကနေ့မနက်မှာ ဆန္ဒပြခဲ့ပြီး မနေ့က တိုက်ခိုက်မှုအတွက် တရားမျှတစွာ ဆောင်ရွက်ပေးဖို့ တောင်းဆိုခဲ့ပါတယ်။
“အခြားသူတွေရဲ့ ဘာသာတရားကို လေးစားရမယ်။ ကျွန်တော်တို့တွေဟာ ပါကစ္စတန်တွေပါ။ တိုင်းပြည်သစ္စာစောင့်ဖို့ လက်မှတ် ဘယ်သူကမှ ကျွန်တော်တို့ကို လာပေးထားစရာ မလိုပါဘူး” လို့ ဆင်းပြည်နယ်လွှတ်တော်အမတ် မန်ဂလာ ရှရ်မာက ပြောပါတယ်။
ပါကစ္စတန်ဟိန္ဒူကောင်စီဥက္ကဌ ကိုဂါလ် ကာမူနီက တိုက်ခိုက်မှုဖြစ်ပွားတဲ့အချိန်မှာ ဒေသခံအာဏာပိုင်တွေက တားဆီးတာမျိုးမရှိဘဲ ရပ်ကြည့်နေခဲ့တယ်လို့ ပြောကြားခဲ့ပါတယ်။
အမေရိကန်ကထုတ်ပြန်တဲ့ လူနည်းစုတွေရဲ့ ဘာသာရေးလွတ်လပ်ခွင့် ချိုးဖောက်တဲ့နိုင်ငံတွေထဲမှာ မြန်မာနိုင်ငံနည်းတူ ပါကစ္စတန်လည်း ပါဝင်ပါတယ်။
ပါကစ္စတန် လူ့အခွင့်အရေးဝန်ကြီး ရှီရင်း မာဇာရီက နိုင်ငံသားအားလုံးနဲ့ သူတို့ရဲ့ ဝတ်ပြုရာအဆောက်အဦးတွေကို စောင့်ရှောက်ရမယ့်တာဝန်ဟာ အစိုးရတာဝန်ဖြစ်တယ်လို့ ပြောကြားခဲ့ပါတယ်။
မြို့တော်အစ္စလာမ်မာဘတ်က ဟိန္ဒူဘုရားကျောင်းတစ်ခု ဆောက်လုပ်မှုကို မွတ်စလင်မဘသအဖွဲ့ဝင်တွေက နှောက်ယှက်တာမျိုး ပြီးခဲ့တဲ့လတွေမှာ ဖြစ်ခဲ့ပါတယ်။
ဒါပေမယ့် ပါကစ္စတန်ရဲ့ ထိပ်တန်း အစ္စလာမ်ဘာသာရေးအဖွဲ့က အစ္စလာမ့် ရှရီအသ်တရားတော်အရ လူနည်းစု ဟိန္ဒူတွေဟာ ဝတ်ပြုရာနေရာ ဆောက်လုပ်ခွင့်ရှိပြီး မွတ်စလင်တွေက ဒီနေရာတွေကို ကာကွယ်စောင့်ရှောက်ပေးရမယ်လို့ နိုဝင်ဘာလမှာ ဓမ္မသတ်အမိန့်တစ်ခု ထုတ်ပြန်ခဲ့ပါတယ်။ အဲဒီနောက် ပါကစ္စတန်အစိုးရကလည်း ဒီဘုရားကျောင်းအတွက် ရန်ပုံငွေ ပေးအပ်ခဲ့ပါတယ်။
******************************************
END / 251
