အမေရိကန်နှင့် သဘောတူညီချက်များ ဖျက်သိမ်းပြီး ဆော်ဒီအာရေဗျနှင့် ဆက်ဆံရေး ဖြတ်တောက်ရန် အီရတ် ၏ ခုခံရေးအဖွဲ့များမှ တောင်းဆို

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

IRNA သတင်းဌာန၏ ဖော်ပြချက်အရ စရာယာ အူလီယာ‌အေဒ်ဒန်မ် က အီရတ်အပေါ် အမေရိကန်၊ဆော်ဒီတို့၏ တိုက်ခိုက်မှု ဖြစ်ပွားပြီးနောက် ဘဂ္ဂဒက်အစိုးရအနေဖြင့် ဝန်ကြီးချုပ်၏ ရီယာ့ဒ်ခရီးစဉ်ကိုလည်း ဖျက်သိမ်းရန် တောင်းဆိုခဲ့ပါတယ်။

အီရတ်၏ ခုခံရေးအဖွဲ့သည် ယင်းနှင့်ပတ်သက်၍ တရားဝင်ကြေညာချက် ထုတ်ပြန်ကာ အယ်လ်ဇိုင်ဒီ ဦးဆောင်သော အစိုးရအဖွဲ့အား အမျိုးသားအချုပ်အခြာအာဏာနှင့် နိုင်ငံ၏ ဂုဏ်သိက္ခာဆိုင်ရာ ကိစ္စရပ်များတွင် အလျှော့ပေးခြင်း သို့မဟုတ် နိုင်ငံရေးအရ အပေးအယူလုပ်သည့် ဆုံးဖြတ်ချက်များကို ရှောင်ရှားရန် တိုက်တွန်းခဲ့ပါတယ်။

စရာယာ အူလီယာ‌အေဒ်ဒန်မ် က လက်ရှိအခြေအနေ၏ အရေးပါမှုနှင့် ကျယ်ပြန့်မှုကို ထည့်သွင်းစဉ်းစားပြီး အီရတ်အစိုးရအနေဖြင့် ရှင်းလင်းပြတ်သားသည့် ရပ်တည်ချက်တစ်ရပ် ချမှတ်ရန်လည်း တောင်းဆိုခဲ့ပါတယ်။

ထုတ်ပြန်ချက်တွင် ဆော်ဒီအာရေဗျ သံအမတ်ကို မလိုလားအပ်သူ (Persona Non Grata) အဖြစ် ကြေညာပြီး ရီယာ့ဒ်နှင့် သံတမန်ရေးနှင့် စီးပွားရေးဆက်ဆံရေးများကို ချက်ချင်းဖြတ်တောက်ရန်လည်း တောင်းဆို ထားပါ တယ်။

မှတ်သားရမည်မှာ အင်္ဂါနေ့နှင့် ဗုဒ္ဓဟူးနေ့ကြား ညအချိန်တွင် အမေရိကန်နှင့် ဆော်ဒီအာရေဗျတို့က ဘဂ္ဂဒက်နှင့် ကာဘလာကြားရှိ ဒေသကို လေကြောင်းဗုံးကြဲတိုက်ခိုက်ခဲ့ကြောင်း၊ ထိုတိုက်ခိုက်မှုကြောင့် အီရတ်အရပ်သား ၂၀ ဦး သေဆုံးပြီး ၃၂ ဦး ဒဏ်ရာရရှိခဲ့ကြောင်း ဖော်ပြထားပါတယ်။

ယင်းဖြစ်ရပ်အပြီးတွင် အီရတ်သမ္မတရုံးက အမေရိကန်နှင့် ဆော်ဒီအာရေဗျတို့၏ တိုက်ခိုက်မှုကို ပြင်းထန်စွာ ရှုတ်ချခဲ့ပြီး ယင်းလုပ်ရပ်သည် လက်ခံနိုင်ဖွယ်မရှိသကဲ့သို့ အီရတ်နိုင်ငံ၏ နယ်မြေအချုပ်အခြာအာဏာကို ပွင့်ပွင့်လင်းလင်း ချိုးဖောက်ခြင်းဖြစ်ပြီး အပြည်ပြည်ဆိုင်ရာဥပဒေများနှင့်လည်း ဆန့်ကျင်သော လုပ်ရပ်ဖြစ် ကြောင်း ကြေညာခဲ့ပါတယ်။

++++++++++++++++++++++++++++++++++++++++++++++++++

END / 251