ဘူမိဘော အလွန် ထိုင်းအနာဂတ်ရဲ့ မသေချာခြင်းများ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

အောက်တိုဘာ ၁၄ ရက် မှာ ဘန်ကောက်တစ်မြို့လုံး ဝမ်းနည်းကြေကွဲမှု ခံစားချက်က အရိပ်မည်းတစ်ခု လို အုပ်မိုးနေပါတယ်။

အဲဒီမတိုင်ခင် တစ်ရက်မှာ ကံ တော်ကုန်သွားတဲ့ ထိုင်းဘုရင် ဘူ မိဘော အဒူယာဒက်ရဲ့ ရုပ်အ လောင်းကို သီရိရာဇာဆေးရုံက နေ မြဘုရားကို သယ်ယူမယ့် လမ်း ကြောင်းတစ်လျှောက် ပြည်သူ တွေက တန်းစီစောင့်ဆိုင်းရင်း ငြိမ်သက်နေခဲ့တယ်။ ဝမ်းနည်း ခြင်း အထိမ်းအမှတ်ကို ဖွင့်ဆို တဲ့ အနက်ရောင်တွေက ဘန် ကောက် တစ်မြို့လုံးကို ခြယ်သ နေသလိုပါပဲ။ တစ်နိုင်ငံလုံးမှာ လည်း ထိုင်းအလံတွေကို တိုင် တစ်ဝက် နှိမ့်ချပြီး လွှင့်ထူထား တယ်။ ထိုင်းပြည်သူတွေရဲ့ စိတ် အတွေးမှာ ဝမ်းနည်းကြေကွဲမှုအ ပြင် တခြားအာရုံတစ်ခုကလည်း မသိမသာ ကပ်ငြိနေပါတယ်။ အဲ ဒါတော့ မရေရာ မသေချာခြင်း ဆိုတာပါပဲ။

သက်တော် (၈၈) နှစ်အရွယ် မှာ ကံတော်ကုန်သွားတဲ့ ဘုရင် ကြီး ဘူမိဘောဟာ ထိုင်းပြည်သူ တွေရဲ့ စစ်မှန်တဲ့ ဖခင်တစ်ဦးလို့ တင်စားခံရလောက်အောင် မင်း ကောင်းမင်းမြတ်တစ်ပါး ဖြစ်ခဲ့ပါ တယ်။ စည်းမျဉ်းခံ ဘုရင်စနစ်အ ရ ဘူမိဘောဟာ နိုင်ငံရေးအာ ဏာကို ပါဝင်ချုပ်ကိုင်ပိုင်ခွင့်မရှိ ပါဘူး။ ဒါပေမဲ့ သူ့ရဲ့ နန်းစံသက် နှစ် (၇၀) အတွင်းမှာ ထိုင်းရဲ့ အကြီးမားဆုံး နိုင်ငံရေးပုံရိပ်တစ်ခု သဖွယ် ဖြစ်ခဲ့တယ်။ ထိုင်းမှာ နိုင်ငံရေး အမြင်ကွဲပြားမှုတွေ၊ ပဋိ ပက္ခတွေ ပေါ်ပေါက်လာတဲ့ အချိန် တိုင်း ဘုရင်ရဲ့ စကားတစ်ခွန်းနဲ့ ဝင်ထိန်းသိမ်းလိုက်ရင် ကိစ္စငြိမ်း တယ်။ ဘူမိဘောဟာ အဲဒီလောက် ထိ ထိုင်းပြည်သူတွေအပေါ်မှာ ဩဇာညောင်းခဲ့ပြီး ကြည်ညိုလေး စား ခံခဲ့ရသူပါ။ အခုတော့ ဘုရင် ကြီး ကံတော်ကုန်သွားပါပြီ။ လူ့ လောကကို သူကျောခိုင်းသွားချိန် က တိုက်တိုက်ဆိုင်ဆိုင်ပဲ ထိုင်း နိုင်ငံရေး စပ်ကူးမပ်ကူးကာလ တစ်ခုလည်း ဖြစ်နေတယ်။

အခုတော့ မေးခွန်းထုတ် စရာ ဖြစ်လာတာက အာဏာသိမ်း ယူ အုပ်ချုပ်နေတဲ့ စစ်အစိုးရနဲ့ ပြိုင်ဘက် နိုင်ငံရေး ပါတီတွေ ကြား ဘယ်လိုဆက်ပြီး စခန်းသွား ကြမှာလဲ။ အရင်လို ပဋိပက္ခတွေ ဖြစ်ပေါ်လာရင်ကော ဘယ်သူက ထိန်းညှိပေးမှာလဲ ဆိုတာပါပဲ။ စည်းမျဉ်းခံ ဘုရင်ဖြစ်ပေမယ့် အ စိုးရနဲ့ စစ်ဘက် အကြီးအကဲတွေ ကို ထိုင်းဘုရင်က သူကောင်းပြု ခန့်အပ်ပေးရတဲ့ အခွင့်အာဏာ ရှိပါတယ်။ ထိုင်းပြည်သူတွေက လည်း အဲဒီလို အကြီးအကဲတွေကို နှစ်သက်သည်ဖြစ်စေ၊ မနှစ်သက် သည်ဖြစ်စေ ဘုရင်က အသိအ မှတ် ပြုထားတယ်ဆိုရင် ဖီဆန် အာခံလေ့ မရှိဘူး။ အခုတော့ မရေရာမှုတွေက အများကြီး ဖြစ် လာပါပြီ။ ဘူမိဘောဟာ ထိုင်း နိုင်ငံရဲ့ အမျိုးသားစည်းလုံးညီ ညွတ်မှု သင်္ကေတတစ်ရပ်လည်း ဖြစ်ခဲ့ပါတယ်။ အဲဒီသင်္ကေတဟာ အခုတော့ ပြိုလဲသွားပါပြီ။ ဒီတော့ ထိုင်းရဲ့ အနာဂတ်ဟာ ဘယ် ဘက်ကို ယိမ်းလေမလဲ စိတ်ဝင် စားစရာပါပဲ။

နန်းမွေခံပုဂ္ဂိုလ်

ထိုင်းအာဏာသိမ်း စစ်အစိုး ရ ဝန်ကြီးချုပ် ပရာယွတ်ချန်အို ချာက ဘုရင်ကြီးရဲ့ အရိုက်အရာ ကို ဆက်ခံမယ့်သူကို ရွေးချယ်အ တည်ပြုပြီး ဖြစ်တယ်လို့ ကြေညာ ပါတယ်။ ဘယ်သူဘယ်ဝါဆိုတာ ကိုတော့ တရားဝင်ထုတ် မပြော သေးပါဘူး။ ဒါပေမဲ့ ၁၉၇၂ ခုနှစ် ကတည်းက ဘူမိဘောကိုယ်တိုင် အိမ်ရှေ့မင်းသားအရာ အပ်နှင်း ထားတဲ့ အသက် (၆၄) နှစ်အ ရွယ် မင်းသားကြီး မဟာဗာဂျီရာ လောင်ကွန်က ထိုင်းဘုရင် ဖြစ် လာမယ်လို့ သတင်းတွေ ခိုင်ခိုင် မာမာ ထွက်ပေါ်နေပါတယ်။

ပြဿနာက ထိုင်းပြည်သူ တွေအနေနဲ့ အိမ်ရှေ့မင်းသား ကို အင်မတန် ရွံမုန်းနေတယ်ဆို တဲ့ အချက်ပါပဲ။ ဘူမိဘောကို ပြည်သူတွေ ချစ်သလောက် အ ကျင့်စာရိတ္တ ဆိုးသွမ်းပြီး မိန်းမ မှု ပွေလွန်းတဲ့ ဗာဂျီရာလောင်ကွန် ကိုတော့ အော့ကြောလန်ကြပါ တယ်။

ဗာဂျီရာလောင်ကွန်ကလည်း ဥရောပမှာ အနေများပြီး လူ့ဘော် ကျော့ ပလေးဘွိုင်း တစ်ယောက် ရဲ့ လူနေမှု စရိုက်ကို ခုံမင်သူပါ။ ပြီးခဲ့တဲ့ သီတင်းပတ်ကုန်မှာ ထိုင်း နန်းတော်က ဘူမိဘောရဲ့ ကျန်း မာရေး မတည်မငြိမ် ဖြစ်လာ ကြောင်း ကြေညာခဲ့တဲ့နောက် ဗာဂျီရာလောင်ကွန်လည်း ဘန် ကောက်ကို ပြန်လာတယ်။

အခုတော့ သူဟာ ထိုင်းဘုရင် အဖြစ် ဆက်ခံဖို့ အရမ်းနီးစပ်နေ ပါပြီ။ ထိုင်းမှာ ပြင်ဆင်ရေးဆွဲ ထားတဲ့ ဥပဒေသစ်အရ လွှတ် တော်အနေနဲ့ ဗာဂျီရာလောင်ကွန် ရဲ့ ဘုရင်ဖြစ်ခွင့်ကို ငြင်းဆန်ပြီး ပြည်သူလူထု ချစ်မြတ်နိုးတဲ့ သမီး ကြီး သီရိဒုံကို ထီးနန်းလွှဲပေးခွင့် ရှိပါတယ်။ ဒါပေမဲ့ လတ်တလော အနေအထားအရတော့ ဗာဂျီရာ လောင်ကွန်ပဲ ဖခင်ရဲ့ အရိုက်အ ရာကို ဆက်ခံပါလိမ့်မယ်။ အဲဒီ အတိုင်း ဖြစ်လာရင် ထိုင်းနိုင်ငံရေး အတွက် ရင်လေးစရာပါ။ ဗာဂျီရာ လောင်ကွန်ဟာ ဘူမိဘောရဲ့ ဩ ဇာမျိုး ဘယ်လိုမှ တည်ဆောက် နိုင်မယ့်သူ မဟုတ်တာကြောင့် ပြည်တွင်းပဋိပက္ခတွေ ပေါ်ပေါက် လာရင် ထိုင်းပြည်သူတွေအနေနဲ့ ဘုရင်သစ်ကို အားကိုးနိုင်မယ့် လမ်းမမြင်ပါဘူး။

အစိုးရရဲ့ သဘောထား

လက်ရှိ စစ်အစိုးရရဲ့ သ ဘောထားကလည်း ထိုင်းရဲ့ အ နာဂတ်မှာ အလေးအနက် ထည့် စဉ်းစားရမယ့် ရှုထောင့်တစ်ခုအ ဖြစ် ပါဝင်နေပါတယ်။ အာဏာ သိမ်းပြီးတဲ့နောက် ကိုယ့်ကိုယ် ကိုယ် ဝန်ကြီးချုပ်အဖြစ် ခန့်အပ် ခဲ့တဲ့ စစ်တပ်အကြီးအကဲဟောင်း ပရာယွတ်ဟာ ဘုရင်ရဲ့ ကောင်း ချီးပေး ထောက်ခံမှုကြောင့် အ တိုက်အခံတွေကို အတော်ကြီး ဦးချိုးထားနိုင်ခဲ့ပါတယ်။ ဒါပေမဲ့ ထိုင်းနိုင်ငံရေးမှာ စစ်တပ်ရဲ့ စွက် ဖက်မှုကို ပြည်သူတွေက မလိုလား ကြတာ မေးခွန်းထုတ်စရာကိစ္စမျိုး မဟုတ်ပါဘူး။ စစ်တပ်က အာဏာ သိမ်းယူမှုဟာ နိုင်ငံရေးရေပေါ်ဆီ အသိုက်အဝန်းအတွက် အောင်ပွဲ ဖြစ်လာပေမယ့် တက်သစ်စအ တွေးအမြင်သစ် နိုင်ငံရေးသမား တွေရဲ့ ခြေလှမ်းကို ရိုက်ချိုးသလို ဖြစ်ခဲ့ပါတယ်။

ဩဂုတ်မှာတော့ ထိုင်းစစ်အ စိုးရဟာ စစ်တပ်ဩဇာကို သက် တမ်းရှည်စေမယ်လို့ ဝေဖန်ခံထား ရတဲ့ အခြေခံဥပဒေသစ်ကို ပြည် လုံးကျွတ် ဆန္ဒခံယူပွဲ ရလဒ်တစ်ခု ကို အခြေပြုပြီး ပြဋ္ဌာန်းခဲ့ပါတယ်။ အကျိုးဆက်အနေနဲ့ နောက်ထပ် နှစ်အပိုင်းအခြား တစ်ခုလောက် မှာ နိုင်ငံရေး ပါတီတွေရဲ့ လုပ်ပိုင် ခွင့်ကို ကန့်သတ်ပြီး စစ်တပ်က နိုင်ငံရေးမှာ ပိုပြီး ခြေကုပ်မြဲနေ တော့မှာပါ။ ဒီတော့ ဘူမိဘော မရှိတော့တဲ့ အချိန်မှာ စစ်တပ်ရဲ့ ဩဇာအာဏာကို စိန်ခေါ်နိုင်မယ့် တကယ့်အင်အားစုမျိုး လက်ဆုပ် လက်ကိုင်ပြနိုင်စရာ မရှိတော့ပါ ဘူး။ သီရိဒုံဟာ ပြည်သူလူထုရဲ့ ချစ်မြတ်နိုးမှုကို ခံယူခွင့် ရထားတဲ့ တော်ဝင်သွေးပါ။ ဒါပေမဲ့ အပျို ကြီးဖြစ်နေတဲ့အတွက် နန်းဆက် ပြတ်မှာကို စိတ်ပူစရာ ဖြစ်နေ ပြန်တယ်။

စစ်တပ်အနေနဲ့ကတော့ ထိုင်းတော်ဝင် မိသားစုအပေါ် ရိုသေလေးစားကြောင်း ဘယ် လောက်ပဲ ဟန်ပြရပ်တည်နေပါ စေ၊ ပြည်သူမုန်းတဲ့ ဘုရင်မျိုးကို နန်းတင်ပေးထားခြင်းဟာ သူတို့ ရဲ့ နိုင်ငံရေး ဩဇာကို အရောင် တင်နိုင်ဖို့ ပိုအခွင့်သာစေမယ်လို့ မြင်ပါလိမ့်မယ်။

ဘာတွေဆက်ဖြစ်လာမလဲ

ဒီနေ့ခေတ်မှာ နိုင်ငံရေးနဲ့ စီး ပွားရေးဟာ ဆက်နွှယ်မှုတွေ အ များကြီး ရှိလာပါပြီ။ ထိုင်းရဲ့ ခေါင်း ဆောင်ကောင်း တစ်ယောက်ကို ဆုံးရှုံးသွားခြင်းဟာ ထိုင်းစီးပွား ရေးအပေါ် ယုံကြည်မှု လျော့ကျ သွားစေဖို့ လုံလောက်တဲ့ အ ကြောင်းပြချက် တစ်ခုပါပဲ။ ဘူမိ ဘော ကံတော်ကုန်တဲ့ သတင်း ထွက်ပေါ်လာပြီး နာရီပိုင်းအတွင်း ထိုင်းဘတ်ငွေ တန်ဖိုးကျသွား တယ်။ ပရာယွတ်က ဘူမိဘော ကွယ်လွန်မှု သတင်းကို တရားဝင် ထုတ်ပြန်ကြေညာပြီးတဲ့နောက် နန်းမွေခံ ပုဂ္ဂိုလ်အနေနဲ့ ဈာပန ကိစ္စတွေ ပြီးတဲ့ထိ နန်းတက်မယ့် ကိစ္စကို ဆိုင်းငံ့ထားဖို့ ဆုံးဖြတ် ထားကြောင်းလည်း အတည်ပြုခဲ့ ပါတယ်။

ထိုင်းမှာက တင်းတင်းကျပ် ကျပ် ပြဋ္ဌာန်းထားတဲ့ သံမဏိ စည်းကမ်းတစ်ခု ရှိပါတယ်။ အဲဒါ ကတော့ တော်ဝင်မိသားစုကို ဝေ ဖန်တဲ့၊ အပုပ်ချတဲ့ ကိစ္စတိုင်းဟာ ရာဇဝတ်မှုမြောက်ပြီး ထောင်ကျ မယ့် ကိစ္စပါပဲ။ ထိုင်းပြည်သူတွေ အနေနဲ့ကတော့ သူတို့ ချစ်မြတ်နိုး တဲ့ ဘုရင်ကြီးကို ဆုံးရှုံးလိုက်ရတဲ့ အတွက် ပူဆွေးသောက ရောက် နေသလို ရှေ့လာမယ့် အနာဂတ် မှာ သူတို့ မနှစ်မြို့တဲ့ ဗာဂျီရာ လောင်ကွန်တစ်ယောက် ပလ္လင် ပေါ် အခံ့သားတက်ထိုင်နေမယ့် ကိစ္စကို တွေးတောပြီး စိတ်မော နေ မှာ အမှန်ပါပဲ။ ဒါပေမဲ့ ဥပဒေ ပြဋ္ဌာန်းချက်အရ ဒီကိစ္စကိုတော့ ပေါ်ပေါ်ထင်ထင် ထုတ်ပြောကြ မှာ မဟုတ်ပါဘူး။

‘‘ဘုရင်ကြီးက တစ်နိုင်ငံလုံး ရဲ့ အသည်းနှလုံးလို့တောင်ဆိုနိုင် ပါတယ်။ သူမရှိတော့တဲ့အခါ အ ရာရာ ယိမ်းယိုင်တုန်လှုပ်နေပါ တယ်။ ဘာကို ယုံကြည်ရမယ် မှန်းတောင် မသိတော့ပါဘူး’’ လို့

ဘန်ကောက်မြို့ခံ တစ်ယောက် ဖြစ်တဲ့ အသက် (၅၃) နှစ်အ ရွယ် ဆူသပ်ကွန်ယမ်းက ပြောပါ တယ်။ တကယ်တော့ ဆူသပ်လိုပဲ ထိုင်းနိုင်ငံသား အများစုလည်း ခံစားနေကြရမှာ သေချာပါတယ်။

မသေချာခြင်းများနဲ့အတူ

ထိုင်းမှာက အိမ်တိုင်း၊ ရုံး တိုင်း၊ ကျောင်းတိုင်းလိုလို ဘူမိ ဘောရဲ့ ဓာတ်ပုံတွေကို ချိတ်ထား လေ့ ရှိပါတယ်။ ဒါက မလုပ်မဖြစ် သဘောမျိုး မဟုတ်ဘဲ ပြည်သူ တွေ ကိုယ်တိုင်က လိုလိုလားလား လုပ်ဆောင်ကြတဲ့ ကိစ္စတစ်ခုပါ။ ထိုင်းပြည်သူတွေအတွက်က တော့ သူတို့ဘုရင်ဟာ သူတို့ လေး စားအားထားရတဲ့ အိမ်သားတစ် ယောက်၊ အိမ်ဦးနတ် တစ် ယောက်လိုကို စိတ်ထဲမှာ တွယ် တာနေခဲ့တာ ဖြစ်ပါတယ်။ အခု တော့ ဘူမိဘော မရှိတော့ပါဘူး။

‘‘ဘာကိုမှန်းမသိ တွေး ကြောက်နေမိတယ်။ ဘာတွေဖြစ် လာဦးမလဲ ဆိုတာကိုလည်း လျှောက်တွေးနေမိတယ်။ အခု တော့ အိမ်ပြန်ရမှာကိုတောင် ကြောက်နေသလိုပဲ’’ လို့ ဘုရင်ကြီး ကံတော်ကုန်ရာ ဆေးရုံရှေ့ကနေ လှည့်ပြန်လာတဲ့ အသက် (၆၄) နှစ်အရွယ် ဂျီရာဝပ် ဝါယာဖွန်က ပြောပါတယ်။

ဘူမိဘောဟာ အသက် (၁၈) နှစ်မှာ ဘုရင်ဖြစ်လာတဲ့နောက် ပြည်သူချစ်တဲ့ မင်းကောင်းမင်း မြတ် တစ်ပါးအနေနဲ့ နှစ်ပေါင်း များစွာ စိုးစံခဲ့ပြီး အခုတော့ သူချစ် တဲ့ နိုင်ငံကို ကျောခိုင်းစွန့်ခွာသွား ပါပြီ။ ထိုင်းပြည်သူတွေ အနေနဲ့ ကတော့ အာဏာကို ဆုပ်ကိုင် ထားဆဲ စစ်အစိုးရတစ်ရပ်၊ မ တည်ငြိမ်မှုတွေ ကိန်းအောင်းနေ ဆဲ နိုင်ငံရေး ပတ်ဝန်းကျင်နဲ့ မချစ် မနှစ်သက်သူ ဘုရင်သစ်တစ်ပါး တို့ သုံးပွင့်ဆိုင် ပေါင်းဆုံလာမယ့် အနာဂတ်ကို တွေးတောရင်း မရေ မရာ အတွေးတွေနဲ့အတူ ရင်မော နေကြမှာ သေချာပါတယ်။

===================    
251 / End