စစ်ဘေးကြောင့် ထွက်ပြေးလာသည့် မြန်မာဒုက္ခသည် သုံးထောင်ကျော်အား တရုတ်အစိုးရ နေရာချထား

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


စစ်ဘေးရှောင်မြန်မာ သုံးထောင်ကျော်အား တရုတ်နယ် စပ်မြို့များ၌ လက်ခံနေရာချ ထားပေးပြီး စားသောက်နေထိုင် ရေးနှင့် လုံခြုံရေးပေးထားကြောင်းတရုတ်သံရုံးက နိုဝင်ဘာ ၂၂ ရက်ညနေက သတင်းထုတ်ပြန်သည်။

ရှမ်းပြည်နယ်မြောက်ပိုင်း ပဋိပက္ခကြောင့် နယ်စပ်နေမြန်မာ များသည် နိုဝင်ဘာ ၂၀ ရက်ကစ၍ တရုတ်နိုင်ငံအတွင်းသို့ တစ်သုတ် ပြီးတစ်သုတ် စစ်ဘေးရှောင်ဝင်ရောက်ခဲ့ရာ နိုဝင်ဘာ ၂၂ ရက်တွင် ထောင်နှင့်ချီသော မူဆယ်ဒေသခံများသည် တရုတ်နိုင်ငံ ကျယ် ဂေါင်မြို့သို့ တိမ်းရှောင်လာကြ သည်။

လက်ရှိတွင် တရုတ်နိုင်ငံက မြန်မာပြည်သူများအား အဓိက အားဖြင့် နှစ်နေရာတွင် နေရာချ ထားပေးခဲ့သည်။ ၀မ်တိန်မြို့တွင် စစ်ဘေးရှောင် ပြည်သူ ၁,၁၀၀ ကျော်ရှိပြီး ဆက်လက်တိုးပွားလျက်ရှိသည်။ မန်ဟိုင်းမြို့ တွင် မြန်မာစစ်ဘေးရှောင် ၂,၀၀၀ ကျော်ခန့်ရှိသည်ဟု မြန် မာနိုင်ငံဆိုင်ရာ တရုတ်သံရုံး၏ ထုတ်ပြန်ချက်၌ ဖော်ပြထားသည်။ တရုတ်နယ်နိမိတ်အတွင်း ကြူကုတ်-ပန်ဆိုင်းဒေသရှိ ကျေးရွာပေါင်း ၁၀ ရွာမှ ပြည်သူများ စစ်ဘေးရှောင်လျက်ရှိကြောင်း၊ တရုတ်ဒေသခံအစိုးရသည် စစ် ဘေးရှောင်များကို ခေတ္တနေရာချ ပေးထားပြီး ဒဏ်ရာရရှိသူများအား ဆေးရုံသို့ ပို့ဆောင်ကုသပေးခဲ့ကြောင်း၊ စစ်ဘေးရှောင်စခန်း တွင် စားသောက်နေထိုင်ရေးပြည့် စုံပြီး လုံခြုံရေးအာမခံချက်ရှိ ကြောင်း ထုတ်ပြန်ချက်၌ ဖော်ပြ ထားသည်။

နိုဝင်ဘာ ၂၀ ရက်ကစ၍ ကေအိုင်အေ၊ တီအင်န်အယ်လ်အေ၊ အမ်အင်န်ဒီအေအေ၊ အေအေ တိုင်းရင်းသားလက်နက်ကိုင်လေး ဖွဲ့ပါဝင်သော မြန်မာပြည်မြောက် ပိုင်းမဟာမိတ်တပ်ပေါင်းစုသည် ရှမ်းပြည်နယ်မြောက်ပိုင်းတွင် ထိုး စစ်စတင်ခဲ့ပြီးနောက် ယနေ့အချိန်ထိ တပ်မတော်နှင့် တိုက်ပွဲဖြစ်ပွား လျက်ရှိသည်။ စတင်ဖြစ်ပွားသည့် တနင်္ဂနွေနေ့တွင် အရပ်သားအပါ အ၀င် ကိုးဦးသေဆုံးပြီး ၂၉ ဦး ဒဏ်ရာရရှိခဲ့သည်။

စစ်ဘေးရှောင်များသည် နိုဝင်ဘာ ၂၂ ရက် ညနေအထိ တရုတ်ဘက်ခြမ်းသို့ ၀င်ရောက် လျက်ရှိသဖြင့် အရေအတွက်မှာ ထပ်မံတိုးလျက်ရှိကြောင်း သိရ သည်။

===================    
251 / End