ပြည်သူအားလုံး လက်လှမ်းမီသည့် အမျိုးသားကျန်းမာရေးအာမခံစနစ်ကို အကောင်အထည်ဖော်မည်ဟု ဝန်ကြီးပြော ရေရှည်တွင် အစိုးရက အခမဲ့ကုသပေးခြင်း

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


ဆင်းရဲနွမ်းပါးသူ များအပါအဝင် ပြည်သူအားလုံး ကျန်းမာရေးစောင့်ရှောက်မှုရရှိ စေရေး အမျိုးသားကျန်းမာရေး အာမခံစနစ်ကို ယခုအစိုးရလက်ထက်အတွင်း အကောင်အထည်ဖော်ဆောင်ရွက်နိုင်ရန် ကြိုးစားမည်ဟု ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေးက ပြောသည်။

‘‘မကြာခင်မှာ နိုင်ငံအဆင့် ဆွေးနွေးပွဲကြီးတွေ လုပ်ပြီး တစ် ဆင့်ချင်းစီကို အမြန်ဆုံးအကောင် အထည်ဖော်ဆောင်သွားမှာပါ။ အချိန်ဘယ်လောက်ကြာမယ်ဆို တာကို ပြောလို့မရဘူး။ ဒီအစိုးရ သက်တမ်းလောက် အတွင်းမှာ ဖြစ်အောင် ကြိုးစားသွားမယ်’’ဟု ဒေါက်တာမြင့်ထွေးက ပြော သည်။

ရေကြည်မြို့နယ် ပြည်သူ့ လွှတ်တော်ကိုယ်စားလှယ် ဒေါက် တာစံရွှေဝင်း တင်သွင်းသည့် အမျိုးသားကျန်းမာရေးအာမခံ စနစ်ကို အကောင်အထည်ဖော် ဆောင်ရွက်ပေးရန် ပြည်ထောင်စုအစိုးရအဖွဲ့အား တိုက်တွန်း ကြောင်းအဆိုကို ဝန်ကြီးဒေါက် တာမြင့်ထွေးက ဖြေကြားခြင်း ဖြစ်သည်။

ဆင်းရဲနွမ်းပါးသူများ အပါအဝင် နိုင်ငံသားတိုင်း ထိရောက် သည့် ကျန်းမာရေး၊ စောင့်ရှောက်မှုများ အချိန်မီရရှိရေးကဏ္ဍပေါင်းစုံ ပူးပေါင်းပါဝင်ဆောင်ရွက်သည့် အမျိုးသားကျန်းမာရေး အာမခံစနစ်ကို အကောင်အထည်ဖော် ဆောင်ရွက်ပေးရန် ပြည်ထောင်စုအစိုးရအဖွဲ့အား တိုက်တွန်းကြောင်းအဆိုကို ဒေါက်တာစံရွှေဝင်းက ဇွန်လ ၅ ရက်က ကျင်းပသည့် ပြည်သူ့လွှတ်တော်အစည်းအဝေး၌ တင်သွင်းခဲ့ခြင်းဖြစ်သည်။

လွှတ်တော်ကိုယ်စားလှယ် ၁၅ ဦးက ဇွန် ၂၂ရက်တွင် ဆွေးနွေးခဲ့ပြီး အမျိုးသားကျန်းမာရေးအာမခံစနစ်ကို အကောင်အထည်ဖော်ဆောင်ရွက်ရန် ပြည်သူ့လွှတ်တော်က သဘောတူခဲ့သည်။

နိုင်ငံတော်အနေဖြင့် ပြည် သူများအား အခမဲ့ ဆေးကုသခြင်း ဆောင်ရွက်နေရပြီး ရေရှည်တွင် ယင်းကဲ့သို့ အခမဲ့ကုသရန် မဖြစ်နိုင်သဖြင့် ပြည်သူနှင့်အစိုးရ နှစ်ဖက်စလုံးအကျိုးရှိစေမည့် အမျိုးသားကျန်းမာရေးအာမခံစနစ်ကို အကောင်အထည်ဖော်ရန် အရေးတကြီးလိုအပ်နေကြောင်း ပြည်ထောင်စုဝန်ကြီးက ပြောသည်။

‘‘မြန်မာနိုင်ငံဟာ ဆင်းရဲတဲ့ နိုင်ငံတစ်ခုဖြစ်တဲ့အတွက် လော လောဆယ်မှာ ဆေးဝါးတွေကို အခမဲ့ ကုသပေးရတယ်။ ရေရှည် မှာ ဒါလုံးဝမဖြစ်နိုင်ပါဘူး။ ဖွံ့ဖြိုး ပြီးနိုင်ငံတွေမှာပါ အလကားလုပ် လို့မရဘူး။ ကျန်းမာရေးအာမခံ စနစ်ရှိတယ်။ ပြည်သူတွေက ပိုက်ဆံပေးနေရတယ်’’ဟု ၎င်းက ပြောသည်။

မြန်မာနိုင်ငံတွင် လူဦးရေ တိုးပွားခြင်း၊ ရောဂါအသစ် အဆန်းများ ဖြစ်လာခြင်း၊ ဆေး ဝါးများနှင့် စက်ကိရိယာများ ဈေး ကြီးလာခြင်းတို့ကြောင့် ရေရှည် ၌ အစိုးရက အခမဲ့ဆေးကုသခြင်း လုပ်ဆောင်ရန် မဖြစ်နိုင်ကြောင်း ၀န်ကြီးက ဆက်လက်ပြောသည်။

အဆိုပါ အမျိုးသားကျန်းမာ ရေးအာမခံစနစ်ကို အကောင် အထည်မဖော်မီ အမျိုးသားကျန်း မာရေးဥပဒေတစ်ခုကို ရေးဆွဲရ မည်ဖြစ်ပြီး ကျန်းမာရေးနှင့်သက် ဆိုင်သည့် ဥပဒေများကိုပြန် လည်သုံးသပ်ရန်လိုအပ်ကြောင်း ၎င်းက ပြောသည်။

ယင်းအပြင် ကျန်းမာရေး အာမခံစနစ်ကို လုပ်ဆောင်ရာ တွင် အာမခံကြေးကို ပြည်သူများ တတ်နိုင်သည့် နှုန်းထားအတိုင်း သတ်မှတ်ကောက်ခံရမည်ဖြစ်ပြီး လုံးဝမပေးနိုင်သည့် ဆင်းရဲသား ပြည်သူများထံမှ အာမခံကြေး မကောက်ခံဘဲ ကျန်းမာရေးစောင့် ရှောက်မှုပေးရန် လိုအပ်ကြောင်း အဆိုရှင် ဒေါက်တာစံရွှေဝင်းက ပြောသည်။

‘‘နိုင်ငံတကာမှာလို လစာ အလိုက် အာမခံကြေးကောက်ခံ တဲ့စနစ်ကို သုံးသင့်ပါတယ်။ အကုန်လုံးကို နှုန်းထားတစ်ခုတည်းနဲ့ ကောက်လို့တော့ အဆင်မပြေဘူး’’ဟု ၎င်းက ပြောသည်။

အဆိုပါစနစ် ဖော်ဆောင်ရာတွင် နိုင်ငံတော်အနေဖြင့် ပုဂ္ဂလိက အာမခံလုပ်ငန်းများကဲ့သို့ အကျိုးအမြတ်ကိုမကြည့်ဘဲ ပြည်သူများအား အရှုံးခံပြီးလုပ်ပေးသင့်ကြောင်း အကျိုးအမြတ်ကိုကြည့်ပြီး လုပ်ဆောင်ပါက အဆင်မပြေနိုင်ကြောင်း အဆိုရှင်ဒေါက်တာ စံရွှေဝင်းက ပြောသည်။

ထိုင်းနိုင်ငံတွင် အမျိုးသား ကျန်းမာရေးအာမခံကြေးကို တစ် လလျှင် ဘတ် ၃၀ ကောက်ခံပြီး စင်ကာပူနိုင်ငံ၌ လစာအနည်း အများအလိုက် လစာထဲမှ တစ် လလျှင် ၂ ရာခိုင်နှုန်း၊ ၇ရာခိုင်နှုန်း စသဖြင့် ကောက်ခံလေ့ရှိကြောင်း တောင်ဥက္ကလာပမြို့နယ် ပြည်သူ့ လွှတ်တော်ကိုယ်စားလှယ် ဒေါက် တာစောနိုင်က ပြောသည်။

ဆင်းရဲသား ပြည်သူများ အနေဖြင့် ရောဂါတစ်ခုခုဖြစ်လာ ပါက ဆေးကုသစရိတ် မတတ်နိုင် သဖြင့် ပိုင်ဆိုင်သည့်ပစ္စည်းများ ရောင်းချကာ ဆေးကုသနေကြရ သဖြင့် နိုင်ငံ၏ ဆင်းရဲမွဲတေမှု တိုက်ဖျက်ရေး လုပ်ငန်းများ အ ပေါ် စိန်ခေါ်မှုများဖြစ်နေကြောင်း၊ ဆင်းရဲသား ပြည်သူများပါ ဆေး ကုသမှု ခံယူနိုင်မည့် အမျိုးသား ကျန်းမာရေး အာမခံစနစ်ကို အကောင်အထည် ဖော်သင့်ကြောင်း ဒဂုံမြို့နယ် ပြည်သူ့လွှတ်တော်ကိုယ်စားလှယ် ဒေါက်တာသက်သက်ခိုင်က ပြောသည်။

မြန်မာနိုင်ငံ၏ လက်ရှိ ကျန်း မာရေးဘတ်ဂျက်သည် နည်းပါး နေသေးပြီး အခွန်အခများမှရရှိ သည့် ငွေကြေးများကို ကျန်းမာ ရေးအာမခံလုပ်ငန်းတွင် အသုံး ပြုရန်လိုအပ်ကြောင်း ပုဏ္ဏားကျွန်း မြို့နယ် ပြည်သူ့လွှတ်တော်ကိုယ် စားလှယ် ဦးဦးထွန်းမောင်က ပြောသည်။

ကမ္ဘာ့ကျန်းမာရေးအဖွဲ့ (WHO)၏ သတ်မှတ်ချက်အရ နိုင်ငံ၏ ကျန်းမာရေးဘတ်ဂျက်သည် ၁၅ ရာခိုင်နှုန်းရှိရမည်ဖြစ်သော်လည်း မြန်မာနိုင်ငံ၏ ကျန်းမာရေးဘတ်ဂျက်သည် ၅ ရာခိုင်နှုန်းခန့်သာရှိသေးကြောင်း ၎င်းက ထောက်ပြသည်။

=====================
251/ End