အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
မန္တလေးတိုင်း ချမ်းအေးသာစံမြို့နယ် ဂျွန်းဗလီအတွင်းမှာ ဖွင့်လှစ်ထားတဲ့ အခြေခံဘာသာရေးစာသင်ကျောင်းကို တပ်မတော် ကြည်း၊ ရေ၊ လေနဲ့ စေတနာရှင်ပြည်သူတွေ ပူးပေါင်းလှူဒါန်းတဲ့ ငွေနဲ့ ပစ္စည်းတွေကို တပ်မတော်ကာကွယ်ရေးဦးစီးချုပ်က စက်တင်ဘာလ ၁၁ ရက်နေ့ မနက်မှာ ဂျွန်ဗလီ တာဝန်ရှိသူတွေကို ပေးအပ်လှူဒါန်းခဲ့ပါတယ်။
“မြန်မာနိုင်ငံမှာ နေတယ်၊ မြန်မာပြည်မှာ နေတယ်၊ မြန်မာနိုင်ငံရဲ့ အရိပ်အာဝါသအောက်မှာ နေကြပြီး မြန်မာနိုင်ငံမှာ လုပ်ကိုင်စားသောက် နေထိုင်ကြသူတွေ ဖြစ်တဲ့အတွက် နိုင်ငံရဲ့ ကောင်းရာကောင်းကျိုးကို လုပ်ဖို့ တာဝန်ရှိတယ်။ ကျနော်တို့တင် တာဝန်ရှိတာ မဟုတ်ဘူး နိုင်ငံမှာ နေတဲ့သူတိုင်းမှာ တာဝန်ရှိတယ်။ ဒါကြောင့် ကျနော်တို့ဟာ လုပ်တဲ့ကိုင်တဲ့နေရာ ကိုယ့်ဒေသ တိုးတက်အောင် တူညီတဲ့ စိတ်ဓာတ်တွေနဲ့ ညီညီညွတ်ညွတ်လုပ်ဖို့ လိုအပ်တယ်” လို့ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောပါတယ်။
ဂျွန်းဗလီ အခြေခံဘာသာရေးစာသင်ကျောင်းက တာဝန်ရှိသူ ဟာဂျီကိုညီညီက “ကျနော်တို့အနေနဲ့ အခုလို တပ်မတော်ကာကွယ်ရေးဦးစီးချုပ်ကိုယ်တိုင် လာရောက်လှူဒါန်းတဲ့အတွက် အတိုင်းမသိ ဝမ်းသာကျေနပ်မိပါတယ်” လို့ ပြောပါတယ်။
တပ်မတော်ကာကွယ်ရေးဦးချုပ်၊ တပ်မတော် ကြည်း၊ ရေ၊ လေနဲ့ စေတနာရှင် မိသားစုတွေက ငွေကျပ် သိန်း ၃၀၊ နယူးစတာကုမ္ပဏီမှ ဆန် ၅၀ အိတ်နဲ့ ငွေကျပ် ၁၀ သိန်း၊ သဇင်ကျော်ကုမ္ပဏီက ဆန်အိတ် ၃၀၊ အောင်မြင်သူ ကုမ္ပဏီက ဆန်အိတ် ၅၀ တို့ကို လှူဒါန်းခဲ့ပါတယ်။
တပ်မတော် ကာကွယ်ရေးဦးစီးချုပ်နဲ့ တာဝန်ရှိသူတွေဟာ စက်တင်ဘာ ၁၁ ရက်နေ့ မနက် ၉ နာရီကလည်း မန္တလေး မဟာအောင်မြေမြို့နယ် မစိုးရိမ်တိုက်သစ် နာယကဆရာတော်ကြီးတွေကို ဆွမ်းကပ်လှူဒါန်းခဲ့ပါတယ်။
====================================
END / 251
၁၂ စက်တင်ဘာ ၂၀၁၉ - ၁၈:၁၆
News ID: 975092
မန္တလေးတိုင်း ချမ်းအေးသာစံမြို့နယ် ဂျွန်းဗလီအတွင်း မှာဖွင့်လှစ်ထားတဲ့အခြေခံဘာသာရေးစာသင်ကျောင်း ကို တပ်မတော် ကြည်း၊ ရေ၊ လေနဲ့ စေတနာ ရှင်ပြည် သူတွေ ပူးပေါင်းလှူဒါန်းတဲ့ ငွေနဲ့ ပစ္စည်းတွေကို တပ်မ တော်ကာကွယ်ရေးဦးစီးချုပ်က စက်တင်ဘာလ ၁၁ ရက်နေ့ မနက်မှာ ဂျွန်ဗလီ တာဝန်ရှိသူတွေကိုပေးအပ် လှူဒါန်းခဲ့ပါတယ်။
