အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
ကရင်ပြည်နယ်အတွင်း အပစ်ရပ်လက်မှတ်ရေးထိုးထားတဲ့ တိုင်းရင်းသားလက်နက်ကိုင် အဖွဲ့ပေါင်းစုံရှိနေပြီး တရားမဝင်ပစ္စည်းတွေ သယ်ဆောင်ရောင်းဝယ်မှု ရှိနေတဲ့အတွက် ရဲလုပ်ငန်းဆောင်ရွက်တဲ့နေရာမှာ အခက်အခဲတချို့ရှိနေတယ်လို့ ကရင်ပြည်နယ်ရဲတပ်ဖွဲ့မှူး၊ ရဲမှူးကြီး အောင်မြတ်မိုးက ပြောပါတယ်။
“မြို့ပေါ်တက်လာတဲ့အခါ ယာဉ်မဆင်မခြင်မောင်းနှင်တာတွေ တရားမဝင်ပစ္စည်းတချို့ သယ်ဆောင်ရောင်းဝယ်မှုတွေ ကြုံတွေ့ရတာရှိတယ်။ ဒီနေရာမှာ ကျနော်တို့က တဖက်မှာ ပညာပေးလုပ်ငန်းများဆောင်ရွက်ရင်နဲ့ လက်တွဲထိန်းကျောင်းရင် ဥပဒေဘောင်အတွင်း ရောက်ရှိလာဖို့အတွက် ဆောင်ရွက်လျှက်ရှိတယ်”လို့ ပြောပါတယ်။
ကရင်ပြည်နယ်၊ ဘားအံမြို့၊ ဇွဲကပင်ခန်းမမှာ အောက်တိုဘာ ၁ ရက်နေ့ မနက်ပိုင်းက ကျင်းပတဲ့ ၅၅ နှစ်မြောက် မြန်မာနိုင်ငံရဲတပ်ဖွဲ့နေ့ အခမ်းအနားမှာ ဒီဗွီဘီရဲ့မေးမြန်းမှုကို ဖြေကြားခဲ့တာပါ။
အမှတ် ၁၀၂၂ နယ်ခြားစောင့်တပ်၊ တပ်မှူး ဗိုလ်မှူး စောမုတ်သုန်က“သူဌာနကတော့ သူလုပ်ထုံးလုပ်နည်းအတိုင်းလုပ်သွားကြတယ်။ ဒါပေမယ့် ရဲကြီးပဲလည်း လုပ်လို့မရဘူး။ နိုင်ငံတစ်ခုကောင်းဖို့အတွက်ဆိုတာ ပြည်သူနဲ့ရော၊ ဌာနဆိုင်ရာရော အကုန်းလုံးပေါင်းစည်းလုပ်မှ တိုးတက်သွားမယ်”လို့ ပြောပါတယ်။
ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့်ကတော့ “မှုခင်းတွေထပ်မံမဖြစ်ရအောင် ပြည်သူလူထုနဲ့ ပူးပေါင်းဆောင်ရွက်ရမှာဖြစ်တယ်။ ရဲလုပ်ငန်းဆောင်တာတွေမှာ ပြည်သူပါမှ အောင်ပွဲရဆိုသလို ပြည်သူလူထုပါဝင်တဲ့ လုပ်ငန်းစနစ်အောင်မြင်အောင် အကောင်အထည်ဖော် ဆောင်ရွက်ကြပါ။ ကရင်ပြည်နယ်မှာရှိတဲ့ ပြည်သူတွေကို ဝန်ဆောင်မှုကောင်းတွေပေးကြပါ”လို့ တိုက်တွန်းလိုက်ပါတယ်။
အခမ်းအနားမှာ ရဲလုပ်ငန်းစွမ်းဆောင်ရည်ဆုရရှိသူတွေ၊ ရဲတပ်ဖွဲ့နဲ့ စိတ်အားထက်သန်စွာ ပူးပေါင်းပါဝင်သူတွေကို ဂုဏ်ပြဆုတွေပေးအပ်ချီးမြှင့်ပြီး မြန်မာနိုင်ငံရဲတပ်ဖွဲ့နေ အထိမ်းအမှတ် ဗွီဒီယိုပြသပကာ တာဝန်ရှိသူတွေက ခန်းမအတွင်းပြသထားတဲ့ ပြခန်းတွေကို လှည့်လည်ကြည့်ရှုခဲ့ ကြပါတယ်။
မြန်မာနိုင်ငံရဲတပ်ဖွဲ့အနေနဲ့ ရဲအမှုထမ်းကောင်းတံဆိပ် ၂၁၄ ဦး၊ နိုင်ငံတော်ရဲအမှုထမ်းတံဆိပ် ၇၇၉ ဦး၊ ငြိမ်ဝပ်ပိပြားရေးနှင့် တရားဥပဒေစိုးမိုးရေးတံဆိပ် ၄၁၂၀ ဦး၊ ပြည်သူ့ဝန်ထမ်းကောင်း တံဆိပ် ၉ ဦး၊ ပြည်သူ့ဝန်ထမ်းတံဆိပ် ၄၂ ဦး၊ စုစုပေါင်း ၅၁၆၄ ဦးကို ချီးမြှင့်ပေးအပ်ပြီးဖြစ်ပါတယ်။
====================================
END / 251
