အူတာပရာဒက်ရ်ှပြည်နယ် အယွဒ္ဒယမြို့က ဖျက်ဆီးခံထားရတဲ့ သမိုင်းဝင် ဘာဘရီဗလီနေရာမှာ ဟိန္ဒူဘုရားကျောင်းဆောင်လုပ်ဖို့အတွက် အိန္ဒိယဝန်ကြီးချုပ် နရန်ဒရာမိုဒီက ဗုဒ္ဓဟူးနေ့မှာ အုတ်မြစ်ချပေးခဲ့ပါတယ်။
မဂိုအင်ပါယာအုပ်စိုးစဉ် ၁၅၂၈ ခုနှစ်က ဆောက်လုပ်ခဲ့တဲ့ ဘာဘရီဗလီဝတ်ကျောင်းတော်ဟာ ၁၉၉၂ ခုနှစ်က ဟိန္ဒူလူအုပ်ရဲ့ ဖျက်ဆီးဖြိုဖျက်မှုကို ခံခဲ့ရပါတယ်။ နောက်ဆက်တွဲအဖြစ် ဟိန္ဒူ-မွတ်စလင် အဓိကရုဏ်း ဖြစ်ပွားခဲ့ပြီး မွတ်စလင်အများစုပါအဝင် လူ ၂၀၀၀ လောက် သေဆုံးခဲ့ပါတယ်။
ဘာဘရီဗလီနေရာဟာ ရာမနတ်ဘုရား မွေးဖွားရာနေရာဖြစ်ပြီး အရင်က ဟိန္ဒူဘုရားကျောင်း တည်ရှိခဲ့တယ်လို့ ပြောဆိုမှုတွေလည်း ရှိပါတယ်။
ဘာဘရီဗလီနေရာအတွက် ဟိန္ဒူအဖွဲ့နဲ့ မွတ်စလင်အဖွဲ့တို့အကြား နှစ်ပေါင်း ၃၀ ကြာ တရားရင်ဆိုင်ခဲ့ပြီးတဲ့နောက် ပြီးခဲ့တဲ့နှစ် နိုဝင်ဘာလမှာ တရားရုံးချုပ်က ဗလီနေရာကို ဟိန္ဒူလူ့အဖွဲ့အစည်းထံပေးဖို့ ဆုံးဖြတ်ခဲ့ပါတယ်။
ဘာဘရီဗလီအစား ဗလီတစ်လုံး ဆောက်နိုင်ဖို့အတွက် အယွဒ္ဒယမြို့က အခြားနေရာမှာ မြေ ၅ ဧကကို မွတ်စလင်လူ့အဖွဲ့အစည်းထံ ပေးအပ်ဖို့လည်း တရားရုံးချုပ်ရဲ့ အမိန့်မှာ ပါဝင်ပါတယ်။
သန်းနဲ့ချီတဲ့ အိန္ဒိယပြည်သူတွေ မထင်မှတ်ထားတဲ့ ဒီလိုသမိုင်းဝင်နေ့မျိုးကို ကြုံတွေ့ခွင့်ရတဲ့အတွက် အလွန်ကျေးဇူးတင်မိတယ်လို့ ဗုဒ္ဓဟူးနေ့က ဘုရားကျောင်းအုတ်မြစ်ချပွဲအခမ်းအနားမှာ ဝန်ကြီးချုပ်မိုဒီက ပြောကြားခဲ့ပါတယ်။
ဘာဘရီဗလီနေရာမှာ ရှိလာမယ့် ရာမဘုရားကျောင်းကို ၃ နှစ်ခွဲအတွင်း အပြီးဆောက်လုပ်ဖို့ စီစဉ်ထားပါတယ်။
******************************************************
END / 251
