ကျဆုံးသွားတဲ့ ထိပ်တန်းခေါင်းဆောင်တွေအမည်ပေးထားတဲ့ ပြည်တွင်းဖြစ် ဒုံးကျည်သစ် နှစ်မျိုးကို အီရန်က မနေ့မှာ ထုတ်ပြလိုက်ပါတယ်။
ဒုံးကျည်သစ်တွေဟာ တိုက်ချင်းပစ်ဒုံးကျည်နဲ့ ခရုဇ်ဒုံးကျည်အမျိုးအစား ဖြစ်ပါတယ်။ ကာစင်ဆိုလိုင်မာနီလို့ အမည်ပေးထားတဲ့ တိုက်ချင်းပစ်ဒုံးကျည်ဟာ မိုင် ၆၀၀ အကွာအဝေးအထိ ပစ်ခတ်နိုင်ပြီး အဘူ မဟ်ဒီ အလ် မူဟန်ဒစ်လို့ အမည်ပေးထားတဲ့ ခရုဇ်ဒုံးကျည်က မိုင် ၄၀၀ အဝေးအထိ ပစ်ခတ်နိုင်ပါတယ်။
ဗိုလ်ချုပ် ကာစင် ဆိုလိုင်မာနီဟာ အီရန်တော်လှန်ရေးအစောင့်တပ်ဖွဲ့ အကြီးအကဲဖြစ်ပြီး၊ အလ် မူဟန်ဒစ်က အီရတ်ပြည်သူ့စစ်ခေါင်းဆောင်ဖြစ်ပါတယ်။ သူတို့ ၂ ဦးစလုံးဟာ ဇန်နဝါရီလက အီရတ်နိုင်ငံ ဘဂ္ဂဒတ်မြို့မှာ အမေရိကန်ရဲ့ လုပ်ကြံသတ်ဖြတ်ခြင်းကို ခံခဲ့ရပါတယ်။
သမ္မတ ဟာဆန်ရူဟာနီက ပြည်တွင်းဖြစ်ဒုံးကျည်တွေရဲ့ အကွာအဝေးကို ၂ နှစ်အတွင်း သိသိသာသာ မြင့်တက်လာအောင် တိုးမြှင့်နိုင်တာဟာ ကြီးမားတဲ့ အောင်မြင်မှုဖြစ်ပြီး မိမိတို့ရဲ့ စစ်အင်အားနဲ့ ဒုံးကျည်စီမံကိန်းဟာ ကာကွယ်ရေးအတွက်သာ ဖြစ်တယ်လို့ ရုပ်သံမိန့်ခွန်းမှာ ပြောကြားခဲ့ပါတယ်။
မနေ့က ကာကွယ်ရေးနေ့မှာ အီရန်ဟာ ဒရုန်းတွေမှာအသုံးပြုနိုင်မယ့် ပြည်တွင်းဖြစ် အပေါ့စား အင်ဂျင်တွေ၊ ပြည်တွင်းဖြစ် Kowsar တိုက်လေယာဉ်မှာအသုံးပြုနိုင်မယ့် Owj အင်ဂျင်ထုတ်လုပ်ရေးစက်ရုံတွေကိုလည်း ထုတ်ပြခဲ့ပါတယ်။
*******************************
END / 251
