စစ်တပ် အာဏာ သိမ်းမှု လုံးဝ သဘော မတူဟု အောင်လ အင်ဆန် ပြော

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

မြန်မာ့စပါးကြီးမြွေလို့အားလုံးက သိကြတဲ့ အောင်လအင်ဆန်က လတ်တလော မြန်မာ နိုင်ငံမှာ ကြုံတွေ့ရင်ဆိုင်နေရတဲ့ စစ်တပ်အာဏာသိမ်းမှုအပေါ် သဘောမတူကြောင်း ပြောလိုက်ပါ တယ်။

       “ချစ်ခင်ရပါသောမြန်မာနိုင်ငံသားများခင်ဗျား… အခုအချိန်မြန်မာနိုင်ငံမှာ ဘယ်လို အခြေအနေတွေဖြစ်နေတယ်ဆိုတာ ကျွန်တော်မြင်တွေ့ကြားသိနေပါတယ်။ အားလုံးပေး ပို့တဲ့ သတင်းစကားတွေအတွက်လည်း ကျေးဇူးတင်ပါတယ်။ ကျွန်တော်က မြန်မာနိုင်ငံမှာ တပ်မတော်(စစ်တပ်)ကအာဏာသိမ်းတာနဲ့ ပတ်သက်ပြီးတော့ လုံးဝသဘောမတူပါဘူး”

       မြန်မာနိုင်ငံမှာ ဖေဖေါ်ဝါရီလ ၁ ရက်နေ့  မနက်အစောပိုင်းက နိုင်ငံတော် သမ္မတ ဦးဝင်းမြင့်၊  နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အစိုးရခေါင်းဆောင် ပိုင်းတချို့ကို စစ်တပ်ကဖမ်းဆီးလိုက်ကာ နိုင်ငံတော်အာဏာသိမ်းယူလိုက်ပြီးနောက် တနေ့မှာပဲ ပြည်သူတွေဟာ ညစဉ်သံပုံးတီးဆန့်ကျင်တာတွေ၊ ဖယောင်းတိုင်မီးထွန်းဆု တောင်းပွဲတွေနဲ့အတူ အကြမ်းမဖက်တဲ့နည်းနဲ့ ဆန္ဒပြနေကြတာပါ။

     တဆက်တည်းမှာပဲ စစ်တပ်ရဲ့ အာဏာသိမ်းလုပ်ရပ်ကို ကန့်ကွက်ရှုတ်ချတဲ့ အနေ နဲ့ ဆေးလောကသားတွေက စတင်ကာ  အာဏာဖီဆန်ရေးလှုပ်ရှားမှု(Civil Disobedience Movement)ကို လုပ်ဆောင်နေကြတာ ဖြစ်ပြီး လက်ရှိမှာတော့ တခြား ကဏ္ဍအသီးသီးက ပြည်သူ့ဝန်ထမ်းတွေ၊ အနုပညာရှင်တွေ၊ ပြည်သူတွေကပါ ပူးပေါင်း ပါဝင်လှုပ်ရှားနေကြတာ ဖြစ်ပါတယ်။

အောင်လအင်ဆန်က မြန်မာနိုင်ငံရဲ့ လတ်တလော အခြေအနေတွေနဲ့ ပတ်သက်ပြီး သူ့အနေနဲ့ နိုင်ငံသားတွေနဲ့ ထပ်တူရှိနေမှာဖြစ်ကြောင်းလည်း ခုလိုပြောပါတယ်။

“ကျွန်တော်ကကိုယ်ခံပညာပေါင်းစုံအားကစားသမားတစ်ဦးပဲဖြစ်ပြီးတော့၊ နိုင်ငံရေးသမား တ ယောက်လဲမဟုတ်ပါဘူး။ ကမ္ဘာ့အင်အားကြီးနိုင်ငံတွေကလည်း သည်အဖြစ်အပျက်တွေမှာ ပါဝင် လုပ်ဆောင်အဖြေရှာနေကြပါတယ်။ ဒါပေမဲ့ အားလုံးကစိတ်ပျက်လက်ပျက်ဖြစ်နေပြီး စိတ်ထွက်ပေါက်ပေးဖို့အတွက် လိုအပ်တယ်ဆိုရင်တော့၊ အားလုံးအတွက် ကျွန်တော်အမြဲရှိနေပါ တယ်။ ကျွန်တော့်ကိုဝေဖန်ထောက်ပြပြီး သတင်းစကား ပေးပို့တဲ့အတွက်လည်း ကျေးဇူးတင်ပါ တယ်။ ကျွန်တော်သိကျွမ်းတဲ့အရာက အားကစားပါ။ ကျွန်တော်က အားကစားသမားပါ၊ နိုင်ငံရေးသ မားတယောက်မဟုတ်ပါဘူး။ မြန်မာနိုင်ငံမှာ ဘယ်လိုနိုင်ငံရေးအခြေအနေဖြစ်နေပါစေ၊ မြန်မာနိုင်ငံ ကို အကောင်းဆုံးပဲ ဖြစ်စေချင်ပါတယ်။ ဒီလိုမသေချာမရေရာတဲ့ အခြေအနေမှာ၊ အားလုံးစည်း စည်းလုံးလုံး ရှိနေဖို့က အရမ်းအရေးကြီးပါတယ်။ ကျွန်တော်အများကြီးမလုပ်ဆောင်နိုင်ပေမယ့်၊ ကျွန်တော်တို့ရဲ့ လူမှုအဖွဲ့အစည်းကို ပိုမိုမျှတကောင်းမွန်တဲ့ အဖွဲ့အစည်းဖြစ်လာစေဖို့ ကျွန် တော်တတ်စွမ်းတဲ့ဘက်ကနေအကောင်းဆုံးလုပ်ဆောင်မယ်ဆိုတာကိုတော့ ကျွန်တော် အားလုံးကို ကတိပြုပါတယ်။ ကျွန်တော်ရဲ့သဘောထားခံယူချက်က မြန်မာနိုင်ငံသားအား လုံးနဲ့အတူတူပဲဆိုတဲ့ ကျွန်တော့်ခံစားချက်ကိုဖော်ပြဖို့အတွက် ကျွန်တော်အနေနဲ့ ဒွိဟဖြစ်ပြီးတွေဝေနေခဲ့တာ လုံးဝ မဟုတ်ပါဘူး။ ဒါပေမယ့်ကျွန်တော်မှာလဲ ကျွန်တော့် အခက်အခဲနဲ့ ကျွန်တော်ရှိတယ်ဆိုတာကို နားလည်ပေးဖို့ မေတ္တာရပ်ခံပါတယ်။ မြန်မာနိုင်ငံမှာ တရားမျှတမှုအစဉ်အမြဲဖြစ်တည်ပါစေလို့ ကျွန်တော်ဆန္ဒပြုဆုတောင်းပါတယ်”

********************************************
END / 251