မြန်မာ့ အရေး ဖြေရှင်း ရန် နှေးကွေး နေမှု အတွက် စင်ကာပူ စိတ်ပျက်

အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ



မြန်မာနိုင်ငံမှာ လက်ရှိဖြစ်ပွားနေတဲ့ပြဿနာ ဖြေရှင်းရေး အလွန်နှေးကွေးနေတာဟာ စိတ်ပျက်စရာကောင်းတယ်လို့ စင်ကာပူနိုင်ငံခြားရေးဝန်ကြီး ဗီဗီယန် ဘာလာကရစ်ရ်ှနန်က ပြောကြားလိုက်ပါတယ်။

တရုတ်နိုင်ငံ ချုံချင့်မြို့မှာ ပြုလုပ်နေတဲ့ အာဆီယံ-တရုတ် နိုင်ငံခြားရေးဝန်ကြီးများအစည်းအဝေးမှာ မနေ့က ဒီလို ပြောလိုက်တာပါ။

“အကြမ်းဖက်မှု ချက်ခြင်းရပ်တန့်ဖို့၊ ဖမ်းဆီးထားသူတွေကို လွှတ်ပေးဖို့၊ သက်ဆိုင်တဲ့အဖွဲ့အစည်းတွေအားလုံးအကြား အဓိပ္ပါယ်ရှိတဲ့ ဆွေးနွေးညှိနှိုင်းမှု ပြုလုပ်ဖို့ လိုအပ်တယ်ဆိုတဲ့အပေါ်မှာ ကျွန်တော်တို့အားလုံး သဘောတူထားပြီးသားပါ” လို့ ဘာလာကရစ်ရ်ှနန်က ပြောပါတယ်။

မြန်မာနိုင်ငံကိုယ်တိုင်က စစ်မှန်တဲ့ ဆွေးနွေးညှိနှိုင်းမှုတွေ၊ ပြန်လည်ရင်ကြားစေ့ရေးတွေ လုပ်ဆောင်ဖို့ စိတ်ဆန္ဒရှိမှသာ အာဆီယံအဖွဲ့က အထူးကိုယ်စားလှယ် ခန့်တာဟာ အဓိပ္ပါယ်ရှိလိမ့်မယ်လို့ သူက ထည့်သွင်းပြောဆိုခဲ့ပါတယ်။

“ရိုးရိုးသားသားပြောရရင် တိုးတက်မှု အလွန်အမင်း နှေးကွေးနေတာကို ကျွန်တော်တို့ စိတ်ပျက်မိပါတယ်။ အရပ်သားတွေ ထိခိုက်၊ သေကြေနေတာကို စိတ်မကောင်းစွာနဲ့ပဲ ကျွန်တော်တို့ ကြားသိနေရတယ်။ နိုင်ငံရေးအကျဉ်းသားတွေကို လွှတ်ပေးတာမျိုး မရှိဘူး။ အဓိပ္ပါယ်ပြည့်ဝတဲ့ နိုင်ငံရေး ဆွေးနွေးညှိနှိုင်းမှု လုပ်မယ်ဆိုတဲ့ လက္ခဏာမျိုးလည်း မတွေ့ရပါဘူး။ ဒီအနေအထားကို ကျွန်တော်တို့ စောင့်ကြည့်နေရမှာပါ”

ဖေဖော်ဝါရီ ၁ ရက်နေ့ စစ်တပ်က အာဏာသိမ်းပြီးနောက်ပိုင်း ဖြစ်ပေါ်လာတဲ့ မတည်ငြိမ်မှုတွေကို ဖြေရှင်းရေးအတွက် ဧပြီလမှာ အာဆီယံ ထိပ်သီးအစည်းအဝေးတစ်ခု ကျင်းပခဲ့ပြီး အချက် ၅ ချက်ကို သဘောတူညီခဲ့ကြပါတယ်။

စင်ကာပူနိုင်ငံခြားရေးဝန်ကြီးက အာဆီယံရဲ့ အဓိကတာဝန်ဟာ ပြည်တွင်းရေး ဝင်ရောက်မစွက်ဖက်ဖို့ဖြစ်တယ်လို့လည်း မနေ့က အာဆီယံ-တရုတ် အစည်းအဝေးမှာ ထပ်လောင်းပြောကြားခဲ့ပြီး နောက်ဆုံးမှာ မြန်မာပြည်သူတွေကသာ သူတို့ရဲ့အနာဂတ်ကို သူတို့ကိုယ်တိုင် ဆုံးဖြတ်ရလိမ့်မယ်လို့ ဆိုပါတယ်။

“ကူညီဖို့၊ ပံ့ပိုးပေးဖို့၊ ဖြစ်နိုင်ရင် စေ့စပ်ညှိနှိုင်းပေးဖို့ အာဆီယံက အဆင်သင့်ရှိပါတယ်။ ဒါပေမယ့် အချိန်တော့ ပေးရပါလိမ့်မယ်။ စိတ်ပျက်စရာကောင်းပေမယ့် မျှော်လင့်ချက်ကို စွန့်လိုက်လို့တော့ မရပါဘူး”


*****************************************************************
END / 251