တိုင်းရင်းသား ဒေသများတွင် စစ်ကောင်စီတပ်က ထိုးစစ် ဆင်ရန် ပြင်ဆင်နေ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ




တိုင်းရင်းသားဒေသတွေမှာ စစ်ကောင်စီတပ်က အင်အားဖြည့်တင်းနေတာတွေကြောင့် လာမယ့်သီတင်းပတ်တွေအတွင်း တိုက်ပွဲတွေ အရှိန်မြင့်လာလိမ့်မယ်လို့ တိုင်းရင်းသားခေါင်းဆောင်တွေက ပြောကြားလိုက်ပါတယ်။

စစ်တပ်က အာဏာသိမ်းတာဟာ ၇ လနီးပါး ရှိနေပြီဖြစ်ပြီး စစ်ကောင်စီတပ်တွေရဲ့ အကြမ်းဖက်မှုကြောင့် နိုင်ငံတစ်ဝှမ်း အရပ်သားပြည်သူ ၁၀၁၆ ဦး သေဆုံးကာ ​၆ ထောင်နီးပါး ဖမ်းဆီးခံထားရတယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့ AAPP က ထုတ်ပြန်ထားပါတယ်။

နိုင်ငံတစ်ဝှမ်း ပြည်သူတွေက ဖွဲ့စည်းထားတဲ့ ပြည်သူ့ကာကွယ်ရေးတပ်တွေ၊ ပြည်သူ့စစ်အဖွဲ့တွေ၊ တိုင်းရင်းသား လက်နက်ကိုင်တွေကလည်း စစ်ကောင်စီကို တော်လှန်တိုက်ခိုက်မှုတွေ လုပ်နေကြပါတယ်။

တော်လှန်တိုက်ခိုက်မှုတွေ အဓိကလုပ်ဆောင်နေတဲ့ ကရင်ပြည်နယ်၊ ကယားပြည်နယ်နဲ့ ကချင်ပြည်နယ်တွေမှာ ပြီးခဲ့တဲ့ သီတင်းပတ်တွေအတွင်း စစ်ကောင်စီက တပ်အင်အား ဖြည့်တင်းတာတွေ လုပ်ဆောင်လာတာကြောင့် တိုက်ပွဲတွေ ပိုမိုဖြစ်ပွားလိမ့်မယ်လို့ တိုင်းရင်းသား တပ်ဖွဲ့တွေက ပြောပါတယ်။

“ထိုးစစ်လုပ်ဖို့ သူတို့ စီစဉ်တာနဲ့ အဲဒီနေရာမှာ တိုက်ပွဲဖြစ်ပြီး အနီးအနားက ရွာသူရွာသားတွေလည်း ဘေးလွတ်ရာကို ထွက်ပြေးရပါတယ်။ အခုလေလောဆယ်တော့ ဒါပဲပြောနိုင်ပါသေးတယ်။ လူဘယ်လောက်များများ ထွက်ပြေးရလဲဆိုတာ မခန့်မှန်းနိုင်သေးပါဘူး” လို့ ကရင်နီ အမျိုးသား ကာကွယ်ရေးတပ်ဖွဲ့ (KNDF) က ပြောရေးဆိုခွင့်ရှိသူ ခွန်သောမတ်စ်က ပြောပါတယ်။

ကရင်ပြည်နယ်မှာလည်း ကရင်လက်နက်ကိုင်တပ်ဖွဲ့ KNU နဲ့ စစ်ကောင်စီတပ်တွေအကြား တင်းမာမှုတွေ မြင့်တက်နေပြီး ဩဂုတ်လ ၂၂ ရက်နေ့နောက်ပိုင်း KNU တပ်မဟာ ၆ နဲ့ တိုက်ခိုက်မှု နေ့စဉ် ဖြစ်ပွားနေတာပါ။ စစ်ကောင်စီကလည်း ကရင်ပြည်နယ်မှာ တပ်တွေဖြည့်တင်းနေပြီး နံပါတ် ၂ စစ်ခေါင်းဆောင် ဒုတိယဗိုလ်ချုပ်မှူးကြီးစိုးဝင်းကိုယ်တိုင် လာရောက်ကွပ်ကဲနေတယ်လို့ သတင်းတွေ ထွက်နေပါတယ်။

“တိုက်ပွဲစစ်ဖြစ်မလားဆိုတာက မြန်မာစစ်တပ်အပေါ် မူတည်တယ်ဗျ။ ကျွန်တော်တို့ကတော့ သူတို့ကို စမတိုက်ဘူး။ ကျွန်တော်တို့နယ်မြေထဲကို သူတို့ဝင်လာရင်တော့ တိုက်ပွဲတွေ ဆက်ဖြစ်မှာပဲ။ အထက်ကနေ သူတို့ကို ဘာအမိန့်ပေးထားလဲဆိုတာ ကျွန်တော်တို့ မသိဘူး။ ကန့်သတ်နယ်မြေထဲဝင်ဖို့ သူတို့ကို ညွှန်ကြားထာတာမျိုး ရှိတယ်ဆိုရင်တော့ တိုက်ပွဲက သေချာပေါက်ဖြစ်မှာပါ” လို့ KNU က တာဝန်ရှိသူတစ်ဦးဖြစ်တဲ့ ဖဒိုစောလစ္စတင်က ပြောပါတယ်။

ကချင်ပြည်နယ်မှာလည်း ကချင်လက်နက်ကိုင်အဖွဲ့ KIA နဲ့ စစ်ကောင်စီတပ်တွေအကြား တိုက်ပွဲတွေ ဆက်တိုက် ဖြစ်နေပါတယ်။

မနေ့ကထုတ်ပြန်တဲ့ KIA ရဲ့ ကြေငြာချက်မှာတော့ သက်ဆိုင်တဲ့အဖွဲ့အစည်းတွေအားလုံး စစ်ပွဲကို ရှောင်ရှားပြီး လတ်တလော နိုင်ငံရေးပြဿနာကို ဆွေးနွေးညှိနှိုင်းမှုနဲ့သာ အဖြေရှာဖို့ တိုက်တွန်းထားပါတယ်။

KIA ပြန်ကြားရေးတာဝန်ရှိသူ ဗိုလ်မှူးကြီး နော်ဘူက ကချင်ပြည်နယ်အတွင်း စစ်ကောင်စီတပ်တွေရဲ့လှုပ်ရှားမှု မြင့်တက်လာတာကြောင့် တိုက်ပွဲ ပြင်းထန်လာနိုင်တယ်လို့ ဆိုပါတယ်။

“စစ်ကောင်စီဟာ လက်နက်ခဲယမ်းတွေကို ဖြည်းဖြည်းချင်း ဖြည့်တင်းလာနေတယ်။ ဒါ့ကြောင့် မိုးအကုန် ဆောင်းအကူးမှာ စစ်ဆင်ရေးတွေ ပိုမြင်လာရနိုင်ပါတယ်။ လက်ရှိအခြေအနေအရ သူတို့ဟာ တစ်ခုခု လုပ်တော့မှာပါ”

တရုတ်နိုင်ငံအခြေစိုက် နိုင်ငံရေးသုတေသီ ဒေါက်တာလှကျော်ဇောက မိုးကုန်တော့မှာကြောင့် သိပ်မကြာခင်မှာ စစ်ကောင်စီက ထိုးစစ်တွေတိုးမြှင့်လုပ်ဆောင်လာဖွယ်ရှိတယ်လို့ သုံးသပ်ပါတယ်။

“နှစ်စဉ် ဒီလိုအချိန်မျိုးမှာ မြန်မာစစ်တပ်က ထိုးစစ်တွေ လုပ်တတ်တယ်။ ပေးဆပ်ရတာက ဒေသခံ ပြည်သူလူထုပါ။ စစ်တပ်က နိုင်မှာမဟုတ်ပေမယ့် ပြည်သူတွေကတော့ နောက်ထပ် တစ်နှစ်၊ နှစ်နှစ်လောက် ဒုက္ခရောက်ပါလိမ့်မယ်”

****************************************************************

END / 251