မြန်မာနိုင်ငံရှိ မိမိတို့ အကျိုးစီးပွား ကို အနီးကပ် စောင့်ကြည့် နေဟု ဗီယက်နမ် ထုတ်ပြန်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


မြန်မာနိုင်ငံက အခြေအနေတွေကို အနီးကပ်စောင့်ကြည့်နေပြီး မိမိတို့အကျိုးစီးပွားနဲ့ နိုင်ငံသားတွေကို ကာကွယ်ဖို့ လုပ်ဆောင်နေတယ်လို့ ဗီယက်နမ်နိုင်ငံက ပြောကြားလိုက်ပါတယ်။

ဆက်သွယ်ရေးလုပ်ငန်း MyTel ကို မြန်မာစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်နဲ့ ဗီယက်နမ်စစ်တပ်ပိုင် စီးပွားရေးလုပ်ငန်း Viettel Group တို့ ပူးတွဲ ပိုင်ဆိုင်ကြတာပါ။

ဖေဖော်ဝါရီ ၁ ရက်နေ့ အာဏာသိမ်းပြီးနောက်ပိုင်း စစ်တပ်က အကြမ်းဖက်သတ်ဖြတ်မှုတွေ ပြုလုပ်လာတဲ့အချိန် လက်နက်ကိုင်တော်လှန်ရေးတစ်ရပ် ပြည်သူလူထုကြားထဲမှာ ပေါ်ပေါက်လာခဲ့ပြီး MyTel အပါအဝင် စစ်တပ်ပိုင် စီးပွားရေးလုပ်ငန်းတွေလည်း သပိတ်မှောက်တာ၊ နှောက်ယှက်တိုက်ခိုက်တာတွေ ခံလာရပါတယ်။

ဗီယက်နမ်စစ်တပ်နဲ့ အစိုးရတို့ရဲ့ အကျိုးစီးပွား ပါဝင်နေတဲ့ MyTel လုပ်ငန်း တိုက်ခိုက်ခံရမှုနဲ့ပတ်သက်ပြီး မေးမြန်းရာမှာ လိုအပ်တဲ့ ကာကွယ်မှုတွေ လုပ်ဆောင်နေတယ်လို့ ဗီယက်နမ် နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ လီသီသူဟန်က ဒီကနေ့ သတင်းစာရှင်းလင်းပွဲမှာ ပြောပါတယ်။

“မြန်မာနိုင်ငံမှာရှိတဲ့ ဗီယက်နမ်နိုင်ငံသားတွေရဲ့ အသက်၊ အိုးအိမ်၊ တရားဥပဒေအရ ရပိုင်ခွင့်၊ သူတို့ရဲ့ အကျိုးစီးပွားနဲ့ စီးပွားရေးကို ကာကွယ်ပေးနိုင်ဖို့အတွက် လိုအပ်တာတွေအားလုံး လုပ်ဆောင်ပေးနေပါတယ်”

ဗီယက်နမ်နိုင်ငံသားတွေ၊ ဗီယက်နမ်ရဲ့ အကျိုးစီးပွားတွေကို ကာကွယ်ပေးနိုင်ရေး နိုင်ငံခြားရေးဝန်ကြီးဌာနဲ့ ဗီယက်နမ်သံရုံးဟာ မြန်မာဖက်က အာဏာပိုင်တွေနဲ့ ဆက်သွယ်ဆောင်ရွက်နေတယ်လို့လည်း လီသီသူဟန်က ထည့်သွင်းပြောဆိုခဲ့ပါတယ်။

လာမယ့်နှစ် အာဆီယံဥက္ကဌဖြစ်လာမယ့် ကမ္ဘောဒီးယားက မြန်မာစစ်ကောင်စီနဲ့ ပူးပေါင်းဆောင်ရွက်လိုတဲ့ သဘောဆန္ဒနဲ့ပတ်သက်ပြီး သတင်းထောက်တွေက မေးမြန်းရာမှာ ကမ္ဘောဒီးယားရဲ့ ချဉ်းကပ်မှုကို ထောက်ခံကြောင်း၊ မြန်မာနိုင်ငံကို အရေးပါတဲ့ အာဆီယံအဖွဲ့ဝင်နိုင်ငံတစ်ခုအဖြစ် မိမိတို့ သတ်မှတ်ထားကြောင်း၊ ဒေသတွင်း လုံခြုံရေး၊ ငြိမ်းချမ်းရေးနဲ့ တည်ငြိမ်အေးချမ်းရေးအတွက် ဗီယက်နမ်က ဆက်လက် ပံ့ပိုးကူညီသွားမှာဖြစ်ကြောင်း လီသီသူဟန်က ပြောပါတယ်။

*********************************************************************
END / 251