မြန်မာ စစ်သားများအား သင်တန်းပေးမှု ရပ်တန့်ရန် ဂျပန်ကို Human Rights Watch တိုက်တွန်း

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


မြန်မာစစ်တပ်နဲ့ စစ်ဖက်ရေးရာ ပူးပေါင်းဆောင်ရွက်နေမှု၊ သင်တန်ပေးနေမှုကို ချက်ခြင်းရပ်တန့်ဖို့ လူ့အခွင့်အရေးစောင့်ကြည့်အဖွဲ့ Human Rights Watch က တိုက်တွန်းလိုက်ပါတယ်။

မနေ့ကထုတ်ပြန်ချက်မှာ ဂျပန်စစ်ဖက်က မြန်မာစစ်တပ်ဗိုလ်လောင်းတွေကို လက်ခံကာ ပညာသင်ကြားပေးနေမှုကို Human Rights Watch အဖွဲ့က ထောက်ပြခဲ့ပါတယ်။ ဂျပန်စစ်ဖက်အကယ်ဒမီမှာ ဒီဇင်ဘာ ၁၀ ရက်နေ့အထိ သင်တန်းတက်နေတဲ့ မြန်မာဗိုလ်လောင်း ၈ ဦး ရှိနေတယ်လို့ အကယ်ဒမီ တာဝန်ရှိသူတွေက Human Rights Watch ကို အတည်ပြု ပြောဆိုပါတယ်။

“မြန်မာစစ်တပ်က ပြည်သူတွေအပေါ် ရာဇဝတ်မှုတွေ ကျူးလွန်နေတဲ့အချိန်မှာ အဲဒီက စစ်သားတွေကို ဂျပန်က စစ်ရေးသင်ကြားမှုပေးနေတာ တော်တော် အံ့ဩစရာပါ။ ဒီအစီအစဉ်၊ မြန်မာစစ်တပ်နဲ့ ဆက်သွယ်တဲ့ အခြားအစီအစဉ်တွေကို ဂျပန်အစိုးရက ချက်ခြင်း ရပ်တန့်သင့်ပါတယ်” လို့ Human Rights Watch အဖွဲ့ အာရှဆိုင်ရာ တာဝန်ရှိသူ တက်ပီ ကာစိုင်က ပြောပါတယ်။

ဖေဖော်ဝါရီ ၁ ရက်​နေ့ မြန်မာနိုင်ငံမှာ စစ်တပ်က အာဏာသိမ်းတာကို ဂျပန်အစိုးရက အသိအမှတ်မပြုဘဲ၊ မြန်မာနိုင်ငံအပေါ် အကူအညီပေးမှု အားလုံးကိုလည်း ရပ်ဆိုင်ထားပါတယ်။ ဒါပေမယ့် မြန်မာစစ်သားတစ်ချို့ကို ဂျပန်စစ်တပ်က ဆက်လက်လေ့ကျင့်ပေးနေဆဲ ဖြစ်ပါတယ်။

ဒီအစီအစဉ်ကို ၂၀၁၅ ခုနှစ်က စတင်ခဲ့တာလို့ ဧပြီလ အစည်းအဝေးတစ်ခုမှာ ဂျပန်ကာကွယ်ရေးဌာန တာဝန်ရှိသူက ပြောပါတယ်။

မြန်မာနိုင်ငံမှာ စစ်တပ်ရဲ့ အကြမ်းဖက်မှုတွေ ရပ်တန့်ရေး၊ ဒီမိုကရေစီလမ်းကြောင်းပေါ် ပြန်လည်ရောက်ရှိရေး ဂျပန်အစိုးရက ဆော်ဩတိုက်တွန်းနေပေမယ့် တစ်ဖက်မှာ စစ်ကောင်စီတပ်သားတွေကို လေ့ကျင့်ပေးနေတာဟာ အပြောနဲ့အလုပ် မညီတာကို ပြသ​နေတာလို့ Human Rights Watch အဖွဲ့က ထည့်သွင်းပြောဆိုခဲ့ပါတယ်။


****************************************************************
END / 251