မြန်မာ စစ်တပ်က မွတ်စလင်များ ကို လုပ်သကဲ့သို့ အိန္ဒိယ မွတ်စလင်များကို လုပ်ရန် ဟိန္ဒူဘုန်းကြီး များ ဟောပြော

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


အိန္ဒိယနိုင်ငံမြောက်ပိုင်း အူတာရက်ဟန်ပြည်နယ်က တရားပွဲတစ်ခုမှာ မွတ်စလင်တွေကို သတ်ဖြတ်မောင်းထုတ်ဖို့ ဟိန္ဒူဘုန်းကြီးတွေက ဟောပြောခဲ့ကြပြီး ဒီအတွက် ဝေဖန်မှုတွေလည်း မြင့်တက်နေပါတယ်။

ဟိန္ဒူဘာသာရေးဆိုင်ရာ အထွဋ်အမြတ်မြို့တစ်ခုဖြစ်တဲ့ ဟာရစ်ဒ်ဝါ (Haridwar) မှာ ဒီဇင်ဘာ ၁၇ ရက်နေ့က​နေ ၁၉ ရက်နေ့အထိ ပြုလုပ်တဲ့ တရားပွဲမှာ ဒီလိုလှုံ့ဆော်ခဲ့ကြတာပါ။ တရားပွဲဗီဒီယိုဟာ အခုတစ်ပတ် အစောပိုင်းကစပြီး ဆိုရှယ်မီဒီယာမှာ ပြန့်နှံ့လာပါတယ်။

ပြည်နယ်ရဲတပ်ဖွဲ့က ဒီကိစ္စကို ကြာသာပတေးနေ့ကမှ စတင် စုံစမ်းတာ ဖြစ်ပါတယ်။ တိုင်ကြားမယ့်သူ မရှိတဲ့အတွက် စစ်ဆေးမှုမလုပ်တာလို့ ရဲတပ်ဖွဲ့က ပြောပါတယ်။ အမှုမှတ်တမ်းမှာ ဝါဆင်ရစ်ဇ်ဗီဆိုတဲ့ လူတစ်ဦးကိုသာ ဖော်ပြထားပြီး ဖမ်းဆီးထားသူ မရှိပါဘူး။ ရစ်ဇ်ဗီဟာ အရင်က မွတ်စလင်ဖြစ်ပေမယ့် ဟိန္ဒူဘာသာကိုပြောင်းကာ ဂျီတန်ဒရာ နာရာယန် တယာဂျီလို့ နာမည်ပေးထားတယ်လို့ ဆိုပါတယ်။

ရဲတပ်ဖွဲ့ကတော့ တယာဂျီနဲ့ အခြားအမည်မသိသူတွေကို ‘ဘာသာမတူလူ့အဖွဲ့အစည်းတွေအကြား အမုန်းပွားအောင်လုပ်မှု’ နဲ့ ​အမှုဖွင့်ထားတယ်လို့ ပြောပါတယ်။

ဟောပြောပွဲဗီဒီယို ပြန့်နှံ့ပြီးတဲ့နောက် ဗီဒီယိုမှာပါဝင်တဲ့ ဟိန္ဒူဘုန်းကြီးတွေကို ဆိုရှယ်မီဒီယာ အသုံးပြုသူတွေက နာမည်နဲ့တကွ ဖော်ထုတ်ရေးသားနေကြတာပါ။ အဲဒီဘုန်းကြီးတွေဟာ အာဏာရ ဟိန္ဒူအမျိုးသားရေးပါတီ BJP တာဝန်ရှိသူတွေနဲ့ တပူးပူးတတွဲတွဲတွေ့ရသူတွေ ဖြစ်ပါတယ်။
မြန်မာမှာ လုပ်သလို လုပ်ရမယ်

ဟာရစ်ဒ်ဝါမြို့က တရားပွဲမှာ ပွဲစီစဉ်သူ ပရာဘိုဒါနန် ဂီရိက မြန်မာနိုင်ငံမှာမွတ်စလင်တွေကို သတ်ဖြတ်မောင်းထုတ်သလို အိန္ဒိယက မွတ်စလင်တွေကိုလည်း သတ်ဖြတ်မောင်းထုတ်ဖို့ အိန္ဒိယစစ်တပ်၊ နိုင်ငံရေးသမားတွေနဲ့ ဟိန္ဒူဘာသာဝင်တွေကို တိုက်တွန်းခဲ့ပါတယ်။ ဒါဟာ ရိုဟင်ဂျာတွေ သတ်ဖြတ်မောင်းထုတ်ခံရမှုကို ရည်ညွှန်းတာလည်း ဖြစ်ပါတယ်။

ပရာဘိုဒါနန် ဂီရိကို BJP ပါတီခေါင်းဆောင်ပိုင်းနဲ့အတူ အမြဲလိုလို တွေ့ရတတ်ပါတယ်။ ဂီရိကတော့ ရဲတပ်ဖွဲ့ရဲ့ စုံစမ်းစစ်ဆေးမှုကို မကြောက်ဘူးလို့ ပြောပါတယ်။

ဟိန္ဒူဘုန်းကြီးတစ်ပါးဖြစ်တဲ့ ရတီ နာဆင်ဂနန် ဆာရာဝက်တီက ဟိန္ဒူတွေ လက်နက်ကိုင်ပြီး မွတ်စလင်တွေကို တိုက်ထုတ်ကာ ဟိန္ဒူဘာသာကို ကာကွယ်ဖို့ ထည့်သွင်းဟောပြောခဲ့ပါတယ်။ ဆရာဝက်တီဟာ အရင်ကလည်း မွတ်စလင်တွေကို အကြမ်းဖက်ဖို့ တိုက်တွန်းဆော်ဩလေ့ရှိပါတယ်။

ဟာရစ်ဒ်ဝါမြို့ တရားပွဲမှာ ဟောပြောသူ တော်တော်များများဟာ မွတ်စလင်ဆန့်ကျင်ရေးတွေ ပြောခဲ့ကြတာပါ။ ဟောပြောပွဲတက်ခဲ့တဲ့ BJP ပါတီ ပြောရေးဆိုခွင့်ရှိသူဟောင်း အက်ရ်ှဝီနီ အူပက်ဒ်ယေက အဲဒီပွဲမှာ နာရီဝက်လောက်ပဲ နေခဲ့တယ်လို့ ပြောပါတယ်။

ဒေလီမြို့ မွတ်စလင်ဆန့်ကျင်ရေး ချီတက်မှုမှာ ပါဝင်တဲ့အတွက် အူပက်ဒ်ယေဟာ ဖမ်းဆီးခံရဖူးပါတယ်။

အိန္ဒိယက မွတ်စလင်၊ ခရစ်ယာန်နဲ့ အခြားလူနည်းစုတွေ တိုက်ခိုက်ခံရမှုဟာ ၂၀၁၄ ခုနှစ် BJP ပါတီ အာဏာရပြီးကတည်းက ပိုမို မြင့်တက်လာပါတယ်။
ရဲက လစ်လျူရှုထား

အိန္ဒိယရဲအရာရှိတစ်ဦးဖြစ်တဲ့ အာရွှတ်ကူးမားက တရားပွဲဗီဒီယိုဟာ လှုံ့ဆော်တဲ့ပြောကြားမှုတွေ ပါဝင်တဲ့အတွက် ဆိုရှယ်မီဒီယာမှာ မရှိသင့်ဘူးလို့ ​ပြောကြားခဲ့ပါတယ်။

တရားပွဲမှာ ဘယ်သူတွေပါဝင်ပြီး ဘာတွေပြောခဲ့လဲဆိုတာ အထောက်အထားအပြည့်အစုံရှိပေမယ့် ပါဝင်သူတွေကို အမှုမဖွင့်တာနဲ့ပတ်သက်ပြီး ဆိုရှယ်မီဒီယာမှာ ဝေဖန်ပြောဆိုမှုတွေလည်း ရှိနေပါတယ်။

****************************************************************
END / 251