ပုသိမ်-ချောင်းသာ ကားလမ်းဘေး ရွာများတွင် ဒေသခံများကို စစ်ကောင်စီက ပေါ်တာဆွဲနေ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


ရာဝတီတိုင်း၊ ပုသိမ်မြို့နယ်မှာ ဒီဇင်ဘာလ ဒုတိယပတ်ကစတင်ပြီး ပုသိမ်-ချောင်းသာ ကားလမ်း ဘေးမှာရှိတဲ့ ကျေးရွာတွေက ဒေသခံပြည်သူတွေကို စစ်ကောင်စီတပ်သားတွေက အဓမ္မလုပ်အားပေး ပစ္စည်းထမ်းလမ်းပြခိုင်းဖို့ ပေါ်တာဆွဲနေတယ်လို့ ဒေသခံတွေဆီက သိရပါတယ်။

ပုသိမ်-ချောင်းသာ ကားလမ်းဘေးမှာရှိတဲ့ တောတွေထဲမှာ PDF တပ်ဖွဲ့ဝင်တွေ ရှိတယ်သတင်းကြောင့် လာရှာချိန်မှာ ဒေသခံပြည်သူတွေကို ပေါ်တာဆွဲပြီး လမ်းပြလုပ်ခိုင်းတာလို့ ဒေသခံတွေက ပြောပါတယ်။

“လမ်းပြလုပ်ခိုင်းတာ၊ သူတို့က ဒီဘက်ကို မကျွမ်းတဲ့ပုံရတယ်။ ဘယ်ရွာတွေက ပါသွားလဲဆိုတော့ ဥတိုရွာ၊ မြစ်ရှုကျေးရွာ၊ ဆင်ကူးတောင်ကျေးရွာ အဲ့ဘက်က တောခုတ်တဲ့သူ တော်တော်ပါးသွားတယ်” လို့ ဒေသခံတဦးက ပြောပါတယ်။

စစ်ကောင်စီတပ်က ဒေသခံပြည်သူ့ကာကွယ်ရေးတပ်ဖွဲ့ဝင်တွေကို ရှာဖွေဖို့အတွက် သူတို့တပ်စွဲ ထားတဲ့ ကားလမ်းဘေး ကျေးရွာတွေက တောခုတ်တဲ့သူနဲ့ မုဆိုးလိုက်တဲ့သူတွေအပါဝင် တရွာကို ၃၀ လောက် ပေါ်တာ ခေါ်သွားလေ့ရှိတယ်လို့ ဆိုပါတယ်။

စစ်ကောင်စီခန့် ဧရာဝတီတိုင်းဝန်ကြီးချုပ်လမ်းကြောင်း မိုင်းဆွဲတိုက်ခိုက်ခံရပြီးနောက်ပိုင်းမှာ စစ်ကောင်စီတပ်သားတွေက အင်အားအများအပြားနဲ့ ကားလမ်းဘေးကကျေးရွာတွေကို ဝင်ရောက်တပ်စွဲပြီး ဒေသခံ တော်လှန်ရေးတပ်ဖွဲ့တွေကို တောနင်းရှာဖွေတာတွေ ပြုလုပ်လာတာလို့ သိရပါတယ်။

****************************************************************
END / 251